વિષ્ણુસ્મૃતિ · અધ્યાય 10

બ્રહ્મઘ્નાં યે સ્મૃતા લોકા યે લોકાઃ કૂટસાક્ષિણામ્
તુલાધારસ્ય તે લોકાસ્ તુલાં ધારયતો મૃષા ॥

ધર્મપર્યાયવચનૈર્ ધટ ઇત્ય્ અભિધીયસે
ત્વમ્ એવ ધટ જાનીષે ન વિદુર્ યાનિ માનુષાઃ ॥

વ્યવહારાભિશસ્તો ઽયં માનુષસ્ તોલ્યતે ત્વયિ
તદ્ એનં સંશયાદ્ અસ્માદ્ ધર્મતસ્ ત્રાતુમ્ અર્હસિ ॥

તતસ્ ત્વ્ આરોપયેચ્ છિક્યે ભૂય એવાથ તં નરમ્
તુલિતો યદિ વર્ધેત તતઃ શુદ્ધઃ સ ધર્મતઃ ॥

શિક્યચ્છેદાક્ષભઙ્ગેષુ ભૂયસ્ ત્વ્ આરોપયેન્ નરમ્
એવં નિઃસંશયં જ્ઞાનં યતો ભવતિ નિર્ણયઃ ॥