વિષ્ણુધર્મોત્તરપુરાણમ્ · અધ્યાય 1.50

॥ માર્કણ્ડેય ઉવાચ ॥ ॥
બ્રહ્માસ્ત્રં વૈષ્ણવં રૌદ્રમાગ્નેયમથ વાસવમ્ ॥
અસ્ત્રઞ્ચ નૈરૃતં યામ્યં કૌબેરમથ વારુણમ્

વાયવ્યમથ સૌમ્યઞ્ચ સૌરં પાર્વતમેવ ચ ॥
ચક્રાસ્ત્રમથ વજ્રાસ્ત્રં પાશાસ્ત્રં સાર્પમેવ ચ

ગાન્ધર્વં સ્વાપનં ભૌતં તથા પાશુપતં શુભમ્ ॥
ઐષીકં તર્જનં પ્રાસં ભારુણ્ડં નર્તનં તથા

અસ્ત્રરોધનમાદિત્યં રૈવતં માનવં તથા ॥
અક્ષિસંતર્જનં ભીમં જૃમ્ભણં રોધનં તથા

સૌપર્ણમથ પાર્જન્યં રાક્ષસં મોહનં તથા ॥
કાલાસ્ત્રં દાનવાસ્ત્રઞ્ચ અસ્ત્રં બ્રહ્મશિરસ્તથા

એતાન્યન્યાનિ ચાઽન્યાનિ રામો નિવસને તતઃ ॥
સપ્રયોગરહસ્યાનિ સસંહારાણિ ચાપ્યથ

આજહાર મહાદેવાત્પ્રસાદસુમુખાત્તતઃ ॥
એવં હિ વસતઃ કાલો યયૌ રામસ્ય ધીમતઃ

હરપ્રસાદસંજાતવિસ્રમ્ભો ભૃગુનન્દનઃ ॥
ધ્યાનાસક્તં હરં દેવં કદાચિદથ દૃષ્ટવાન્

ધ્યાનપ્રસક્તં સ હરં સમીક્ષ્ય રામસ્તુ સંજાતકુતૂહલેન ॥
વિસિષ્મિયે ધર્મભૃતાં વરિષ્ઠઃ સ ચેતસા યાદવવંશચન્દ્ર

ઇતિ શ્રીવિષ્ણુધર્મોત્તરે પ્રથમખંડે માર્કણ્ડેયવજ્રસંવાદે અસ્ત્ર પ્રદાનં નામ પઞ્ચાશત્તમોઽધ્યાયઃ