વિષ્ણુધર્મોત્તરપુરાણમ્ · અધ્યાય 1.3

॥માર્કણ્ડેય ઉવાચ ॥
બ્રહ્મરાત્ર્યાં વ્યતીતાયાં વિબુદ્ધે પદ્મસમ્ભવે ॥
વિષ્ણુઃ સિસૃક્ષુર્ભૂતાનાં જ્ઞાત્વા ભૂમિં જલાન્તગામ્

જલક્રીડારુચિ શુભં કલ્પાદિષુ યથા પુરા ॥
વારાહમાસ્થિતો રૂપમુજ્જહાર વસુન્ધરામ્

વેદપાદ્યૂપદંષ્ટ્રશ્ચ ચતુર્વક્ત્રશ્ચતુર્મુખઃ ॥
અગ્નિજિહ્વો દર્ભરોમા બ્રહ્મશીર્ષો મહાતપાઃ

અહોરાત્રેક્ષણો દિવ્યો વેદાઙ્ગઃ શ્રુતિભૂષણઃ ॥
આજ્યનાસઃ સ્રુવતુણ્ડઃ સામઘોષસ્વનો મહાન્ ॥

ધર્મઃ સત્યમહાઃ શ્રીમાન્કર્મવિક્રમસત્કૃતઃ ॥
પ્રાયશ્ચિત્તમયો ધીરઃ પ્રાંશુજાનુર્મહાયશાઃ ॥
ઉદ્ગાત્રંત્રો હોમલિઙ્ગઃ ફલબીજમહૌષધિઃ

વાય્વન્તરાત્મા મન્ત્રાસ્થિર્વિકૃતઃ સોમશોણિતઃ ॥
વેદસ્કંધો હવિર્ગન્ધો હવ્યકવ્યાતિવેગવાન્

પ્રાગ્વંશકાયો દ્યુતિમાન્નાનાદીક્ષાભિરન્વિતઃ ॥
દક્ષિણાહૃદયો યોગી મહાક્રતુમયો મહાન્

ઉપાકર્મેષ્ટિરુચિરઃ પ્રવર્ગ્યાવર્તભૂષણઃ॥
માયાપત્નીસહાયો વૈ મહાશૃંઙ્ગ ઇવોદિતામ્

મહીં સાગર પર્યન્તાં સશૈલવનકાનનામ્ ॥
એકાર્ણવજલભ્રષ્ટામેકાર્ણવગતઃ પ્રભુઃ

દંષ્ટ્રાગ્રેણ સમુદ્ધૃત્ય લોકાનાં હિતકામ્યયા ॥
આદિદેવો મહાયોગી ચકાર જગતીં પુનઃ

એવં જ્ઞાત્વા વરાહેણ ભૂત્વા ભૂતહિતાર્થિના ॥
ઉદ્ધૃતા પૃથિવી દેવી જલમધ્યગતા પુરા

ઉદ્ધૃત્ય ભૂમિં સ વિભુર્મહાત્મા વરાહરૂપેણ જલાન્તરસ્થામ્ ॥
ચક્રે વિભાગં જગતસ્તદીશો યથાયથા તચ્છૃણુ રાજસિંહ

ઇતિ શ્રીવિષ્ણુધર્મોઽત્તરે પ્રથમખણ્ડે માર્કણ્ડેયવજ્રસંવાદે વરાહપ્રાદુર્ભાવો નામ તૃતીયોઽધ્યાયઃ