વિષ્ણુ પુરાણ · અધ્યાય 4.21

ઇતિ શ્રીવિષ્ણુમહાપુરાણે ચતુર્થાંશે વિંશો ઽધ્યાયઃ (20 )
શ્રીપરાશર ઉવાચ
અતઃ પરં ભવિષ્યાનહં ભૂપાલાન્કીર્તયિષ્યામિ

યો ઽયં સાંપ્રતમવનીપતિઃ પરીક્ષિત્તસ્યાપિ જનમેજયશ્રુતસેનોગ્રસેનભીમસેનાશ્ચત્વારઃ પુત્રા ભવિષ્યન્તિ

જનમેજયસ્યાપિ શતાનીકો ભવિષ્યતિ

યો ઽસૌ યાજ્ઞવલ્ક્યાદ્વેદમધીત્ય કૃપાદસ્ત્રામ્યવાપ્ય વિષમવિષયવિરક્તચિત્તવૃત્તિશ્ ચ શૌનકોપદેશાદાત્મજ્ઞાનપ્રવીણઃ પરં નિર્વાણમવાપ્સ્યતિ

શતાનીકાદશ્વમેધદત્તો ભવિતા

તસ્માદપ્યચધિસીમકૃષ્ણઃ

અધિસીમકૃષ્ણાન્નિચક્નુઃ

યો ગઙ્ગયાપહૃતે હસ્તિનપુરે કૌશાંબ્યાં નિવત્સ્યતિ

તસ્યા પ્યુષ્મઃ પુત્રો ભવિતા

ઉષ્ણાદ્વિચિત્રરથઃ

તતઃ શુચિરથઃ

તસ્માદ્વૃષ્ણિમાંસ્તતઃસુષેણસ્તસ્યાપિ સુનીથઃસુનીથાન્નૃપચક્ષુસ્તસ્માદપિ સુખિબલસ્તસ્ય ચ પારિપ્લવસ્તતશ્ ચ સુનયસ્તસ્યાપિ મેધાવી

મેધાવિનો રિપુઞ્જયસ્તતોર્વસ્તસ્માચ્ચ તિગ્મસ્તસ્માદ્બૃહદ્રથઃ બૃહદ્રથાદ્વસુદાસઃ

તતો ઽપરઃ શતનીકઃ

તસ્માચ્ચોદયન ઉદયનાદ્વિહીનરસ્તતશ્ચદણ્ડપાણિસ્તતો નિમિત્તઃ

તસ્માચ્ચ ક્ષેમકઃ

અત્રાયં શ્લોકઃ

બ્રહ્મક્ષત્રસ્ય યો યો નિર્વંશો દેવર્ષિસત્કૃતઃ ।
ક્ષેમકં પ્રાપ્ય રાજાનં સંસ્થાનં પ્રાપ્યતે કલૌ