વિષ્ણુ પુરાણ · અધ્યાય 4.22

ઇતિ શ્રીવિષ્ણુમહાપુરાણે ચતુર્થાંશ એવવિંશો ઽધ્યાયઃ (21)
શ્રીપરાશર ઉવાચ
અતશ્ચેક્ષ્વાકવો ભવિષ્યાઃ પાર્થિવાઃ કથ્યન્તે

બૃહદ્બલસ્ય પુત્રો બૃહત્ક્ષણઃ

તસ્માદુરુક્ષયસ્તસ્માચ્ચ વત્સવ્યૂહસ્તતશ્ ચ પ્રતિવ્યોમસ્તસ્માદપિ દિવારકઃ

તસ્માત્સહદેવઃ સહદેવાદ્બૃહદશ્વસ્તત્સૂનુર્ભાનુરથસ્તસ્ય ચજ પ્રતીતાશ્વસ્તસ્યાપિ સુપ્રતીકસ્તતશ્ ચ મરુદેવસ્તતઃ સુનક્ષત્રસ્તમાત્કિન્નરઃ

કિન્નરાદન્તરિક્ષસ્તસ્માત્સુપર્ણસ્તતશ્ચામિત્રજિત્

તતશ્ ચ બૃહદ્ભાજસ્તસ્યાપિ ધર્મી ધર્મીણઃ કૃતઞ્જયઃ

કૃતઞ્જયાદ્રણઞ્જયઃ

રણઞ્જયાત્સંજયસ્તસ્માચ્છાક્યશ્છાક્યાચ્છુદ્ધોદનસ્તસ્માદ્રાહુલસ્તતઃ પ્રસેનજિત્

તતશ્ ચ ક્ષુદ્રકસ્તતશ્ચજ કુણ્ડકસ્તસ્માદપિ સુરથઃ

તત્પુત્રશ્ ચ સુમિત્રઃ

ઇત્યેતે ચેક્ષ્વાકવો બૃહદ્બલાન્વયાઃ

અત્રાનુવંશશ્લોકઃ

ઇક્ષ્વાકૂણામયં વંશઃસુમિત્રાન્તો ભવિષ્યતિ ।
યતસ્તં પ્રાપ્ય રાજાનં સંસ્થાં પ્રાપ્સ્યતિ વૈ કલૌ