વીણાશિખતન્ત્ર · શ્લોક 81-100

આત્મતત્ત્વં ન્યસેન્મૂર્ધ્નિ વિદ્યાતત્ત્વં દ્વિતીયકે
શિવં દદ્યાત્ તૃતીયેષુ સર્વસિદ્ધિષુ ભામિનિ ॥

અધસ્તાદ્ આત્મતત્ત્વં તુ વિદ્યાતત્ત્વં તુ મધ્યતઃ
શિવતત્ત્વં ન્યસેન્ મૂર્ધ્નિ હસ્તે દેહે પુનઃ ક્રમાત્ ॥

એવં તત્ત્વત્રયં ન્યસ્ય તથા કૂટાક્ષરાણિ તુ
ભૂયશ્ ચોત્તરબીજાનિ વિન્યસેત્ તુ વરાનને ॥

અસ્ત્રં ચૈવ તુ વિન્યસ્ય વિસ્ફુલિટ્ગસમપ્રભમ્
માયયાચ્છાદયિત્વા તુ અટ્કુશેન નિરોધયેત્ ॥

યોનિમુદ્રાં તતો બદ્ધ્વા કુર્યાત્ [તુ] સકલાં તનુમ્
એતદ્ આલભનં ચૈવ તવ દેવિ પ્રકીર્તિતમ્ ॥

અટ્ગુષ્ઠૌ ગ્રથિતૌ કૃત્વા કરયોર્ ઉભયોર્ અપિ
તર્જનીં વામહસ્તે તુ પ્રસાર્યાકુઞ્ચયેદ્ બુધઃ ॥

એષા નિરોધની પ્રોક્તા મુદ્રેયમ્ અટ્કુશસ્ય તુ
વશ્યાકર્ષણકાર્યેષુ પ્રયોજ્યા સાધકોત્તમૈઃ ॥

તર્જની મધ્યમા ચૈવ અનામા દક્ષિણસ્ય તુ
વામે ત્રીણિ સમાક્રમ્ય અટ્ગુષ્ઠૌ ચ સુસંસ્થિતૌ ॥

અધસ્તાત્ સર્વતઃ પ્રોક્તા દક્ષિણા તુ કનિષ્ઠિકા
તર્જન્યટ્ગુષ્ઠયોર્ મધ્યે યોનિમુદ્રા પ્રકીર્તિતા ॥

આદ્યં મૂર્ધ્નિ તતો બીજં દ્વિતીયં મુખમણ્ડલે
કટ્યૂર્ધ્વે ચ તતશ્ ચાન્યં ચતુર્થં જાનુતઃ કટિમ્ ॥

આપાદજાનુની ચાન્યં પ્રસૃતૈશ્ ચ કરૈઃ ક્રમાત્
એવં બીજેન દેહસ્ તુ મુચ્યતે નાત્ર સંશયઃ ॥

વજ્રોપલમહાવર્ષં ચોરદંષ્ટ્રીભયાવહમ્
મુચ્યતે ચ સદા રોગૈર્ મૃત્યુરૂપૈર્ દુરાસદૈઃ ॥

અહિગરવિષશસ્ત્ર જ્વરકુષ્ઠક્ષયાદિભિઃ
મુચ્યતે નાત્ર સંદેહો યો ઽપિ સ્યાત્ પાતકી નરઃ ॥

ઉપલિપ્ય શુભે દેશે પ્રચ્છન્ને જનવર્જિતે
પૂર્વવદ્ ધસ્તમાત્રં તુ લિખિત્વા મણ્ડલં શુભમ્ ॥

ચતુઃપત્ત્રં તુ તત્રાબ્જં સર્વવર્ણિતકર્ણિકામ્
સિતરક્તપીતકૃષ્ણાં પૂર્વાદિદલસંસ્થિતામ્ ॥

જયાદ્યં વિન્યસેન્ મન્ત્રી તુમ્બુરું કર્ણિકોપરિ
પદ્માસનોપવિષ્ટં તુ વરદાનોદ્યતકરમ્ ॥

ચતુર્વક્ત્રમષ્ટભુજં ચતુષ્કાયં ત્રિલોચનમ્
નાગયજ્ઞોપવીતંતુ શૂલપાણિં ગદાધરમ્ ॥

મુકુટેન વિચિત્રેણ શશાઙ્કધૃતશેખરમ્
શક્તીનાં તુ પ્રિયં દેવં પાશાઙ્કુશકરપ્રભમ્ ॥

દિવ્યામ્બરાતપત્રેણ દિવ્યસ્રગ્બન્ધલેપનમ્
દેવદેવં સદા ધ્યાયેત્ સૂર્યકોટિસમપ્રભમ્ ॥

ક્ષીરોદફલસંકાશાં વ્યાઘ્રયજ્ઞોપવીતિનીમ્
પ્રેતારૂઢાં ચતુર્વક્ત્રાં ગદાખેટકધારિણીમ્ ॥