વીણાશિખતન્ત્ર · શ્લોક 361-380

સમયાક્ષરબીજં ચ અક્ષરાક્ષરયોજિતમ્
રક્ષણીયં ત્વયા ભદ્રે પ્રયત્નેન સુનિશ્ચલમ્ ॥

એતદ્ ગુહ્યં સમાખ્યાતં તવ સ્નેહાદ્ વિચક્ષણિ
એતજ્ જ્ઞાત્વા તુ મન્ત્રજ્ઞઃ શિવસાયુજ્યતાં વ્રજેત્ ॥

એવં વિલયતાં યાતિ વિધિનાનેન યોષિતામ્
અમલીકૃતદેહસ્ તુ વિધિનાનેન સાધકઃ ॥

અમલીકૃતં તન્મન્ત્રં હૃચ્ચક્રે વિનિયોજયેત્
સોમમણ્ડલમધ્યસ્થં ધ્યાયેત્ કુન્દેન્દુસપ્રભમ્ ॥

અમૃતેન તુ સિઞ્ચન્તિ લાન્તીસગતિલિતેન ? તુ
એવમ્ આપ્યાયિતો મન્ત્રઃ સર્વસિદ્ધિપ્રદો ભવેત્ ॥

એવમ્ આપ્યાયનં કૃત્વા બિન્દુમધ્યેવિચક્ષણઃ
અષ્ટોત્તરસહસ્રં તુ મન્ત્રાણાં મન્ત્રવિજ્ જપેત્ ॥

પરમીકરણં હ્ય્ એતન્ મન્ત્રસ્યાપ્યાયનં સ્મૃતમ્
શિવીભૂતસ્ તુ મન્ત્રો વૈ સાધયેદ્ અખિલં જગત્ ॥

સૂર્યચક્રનિરુદ્ધં તુ શિરસિ સમવસ્થિતમ્
જપેત્ હૂંકારસહિતં બોધનં પરિકીર્તિતમ્ ॥

આદિત્યચક્રમધ્યસ્થં વહ્નિના સંનિરોધિતમ્
નિર્દહતે મન્ત્રં દેવિ યદા કર્મ ન કુર્વતિ ॥

શિખામધ્યગતં ધ્યાત્વા સહસ્રં પરિવર્તયેત્
મન્ત્રમ્ એવં સમુદ્દિષ્તં ગુહ્યશક્તિપ્રદીપનમ્ ॥

દહનં ચાગ્નિના કાર્યં હૂંકારેણ પ્રબોધયેત્
દીપનં તુ શિખામધ્યે મન્ત્રાણાં મન્ત્રવાદિનામ્ ॥

અમલીકુરુતેસૂર્યશ્ ચન્દ્રેણાપ્યાયનં સ્મૃતમ્
શિવીકુર્વીત બિન્દુસ્થં મન્ત્રી મન્ત્રં તુ યોગવિત્ ॥

એવં મન્ત્રવિશુદ્ધસ્ તુ ચન્દ્રસૂર્યસમન્વિતમ્
દીપનં શક્તિના નિત્યં જપેન્ મન્ત્રી સમાહિતઃ ॥

અમૃતોદ્ભવકાલે તુ મન્ત્રી યત્નેન નિશ્ચયાત્
વશમ્ આનયતે ક્ષિપ્રં વિશ્વં મનત ? સંશયઃ ॥

યાવતી માયા મન્ત્રાણાં સર્વેષાં કથિતા મયા
વિધિર્ અત્ર ક્રમે ચાયં પશ્ચાદ્ વક્ષ્યે જપે વિધિમ્ ॥

યજનકાલે સમ્પ્રાપ્તે એકચિત્તઃ સમાહિતઃ
હૃત્પદ્મે કર્ણિકાસીન દેવતાર્પિતમાનસઃ ॥

શિખાબિન્દું વિનિર્ધાર્ય તન્મન્ત્રં હૃદિ સંસ્થિતમ્
પુતવર્ણવિધાનં સ્યાદ્ અકૃતોચ્ચારનિસ્વનમ્ ॥

સ્વસ્થચિત્તો હ્ય્ અસમ્મૂઢ અલાકૂર્ધ્વસ્થિતાત્મનઃ
અવિચ્છિન્નં દ્રુતં ચૈવ અવિલમ્બિતમ્ એવ ચ ॥

તાવન્ મન્ત્રી જપેન્ મન્ત્રં યાવચ્ ચિત્તં ન ખિદ્યતે
અલભ્ય મમ મન્ત્રં સ્યાદ્ દ્રુતં કાલસ્ય સિધ્યતિ ॥

જપં કૃત્વા તુ મેધાવી નાન્યમ્ એતત્ સમર્પયેત્
મન્ત્રી કુર્વીત યત્નેન યથાર્થત્વં નિબોધત ॥