વીણાશિખતન્ત્ર · શ્લોક 341-360

માનુષાણાં તુ કા ચિન્તા આકર્ષણવિધિં પ્રતિ
એકાદશમઃ સંયુક્તસ્ તત્ત્વરાજેન શોભને ॥

શિરસા બિન્દુભિન્નેન હૃદિ ચૈષ નિગદ્યતે
સપ્તવિંશ શિરઃ પ્રોક્તં ત્રિંશમસ્ તુ શિખા ભવેત્ ॥

ઊનચત્વારિંશતિર્ દેવિ તત્ત્વો ઽયં કવચઃ સ્મૃતઃ
ષોડશસ્વરસંયુક્તમ્ એતદ્ અસ્ત્રં પ્રકીર્તિતમ્ ॥

નેત્રં તુ કથિતં દેવિ વિંશત્યક્ષરયોજિતમ્
એષ એકાક્ષરો દેવિ ષડઙ્ગઃ સમુદાહૃતઃ ॥

હંસો માયાયુક્તો દેવિ નારાચાસ્ત્રવિદર્ભિતઃ
સવિસર્ગનયપદં બીજાન્તસ્થં(?) ઊ ઈ સિદ્ધિકરી નૃણામ્(?) ॥

હ ર ત્ર વૃદ્ધિં કરોતિ .... ....
માયાઙ્કુશનિરોધાસ્ તે સર્વમન્ત્રગણાદયઃ ॥

ક્રમશો યોજયેન્ મન્ત્રિ યદીચ્છેદ્ દીર્ઘમ્ આત્મનિ
સર્વમ્ એતત્ પરિત્યજ્ય કુર્યાન્ મન્ત્રપરિગ્રહમ્ ॥

આત્માતીન્દ્રિયાધારાણાં કૃત્વા કર્તવ્યં મુહુર્ મુહુઃ
પદાર્થવિધિસંયુક્તં યન્ મયા ગદિતં પુરા ॥

તદ્ અનેન પ્રયોગેણ કર્તવ્યં સિદ્ધિમ્ ઇચ્છતા
ધ્યાયેત્ સિન્દૂરસદૃશં વશ્યાકર્ષણકર્મણિ ॥

મારણે કૃષ્ણવર્ણં તુ વિદ્વેષે વામરૂપકમ્
ઉચ્ચાતે ધૂમ્રવર્ણં તુ શ્વેતં ચૈવ પુષ્ટ્યર્થિના ॥

મયૂરગ્રીવસદૃશં સ્તમ્ભને ચિન્તયેત્ સદા
સર્વવર્ણધરં ચૈવ સર્વકામિકમ્ એવ ચ ॥

સર્વેન્દ્રિયાણાં કુર્વીત ઉપહારે મહાધિપે
હૃત્પદ્મકર્ણિકોર્ધ્વં તુ સુષિરં તત્ર ચિન્તયેત્ ॥

સ્ફુલિઙ્ગં કર્ણિકારૂપં નિર્ધૂમતેજરૂપિણમ્
ધૂમજ્વાલાવિનિર્મુક્તં સૂર્યકોટિસમપ્રભમ્ ॥

તસ્યોર્ધ્વે તુ શિખા સૂક્ષ્મા નિર્મલા સ્ફાતિકોપમા
નિત્યં સા સેવ્યતે યુક્તૈર્ યોગિભિર્ નિષ્કલા પરા ॥

ઊર્ણાતન્તુસમાકારા ઊર્ધ્વસ્રોતા નિરુપમા
તત્ર મધ્યે ગતં પશ્યેદ્ દેવ્યા ગુહ્યોત્તરમ્ભવા ॥

વાલાગ્રશતભાગાખ્યા વીણાધારાસુસંસ્થિતા
ધ્યાયેત નિત્યં યોગીન્દ્રઃ સૂક્ષ્મગુહ્યસમુદ્ભવામ્ ॥

કૃત્વા પૂર્વં તુ વિન્યાસં સકલાબાહ્યસંસ્થિતમ્
એવં વર્ણવિભાગં તુ જ્ઞાત્વા સિદ્ધિમ્ અવાપ્નુયાત્ ॥

વશ્યાકર્ષણકર્માણિ વાચયા સ કરિષ્યતિ
વીણાશિખાયાઃ સર્વસ્વં ચિન્તારત્નમ્ ઇવાપરમ્ ॥

એતદ્ બીજવરં પ્રાપ્ય યથેપ્સસિ તથા કુરુ
આજ્ઞા ભગવતશ્ ચૈષા સર્વદાવ્યભિચારિણી ॥

ધ્યાતવ્યા સા પ્રયત્નેન યદીચ્છેત્ સિદ્ધિમ્ આત્મનઃ
યજનં યાજનં ચૈવ સંયોગં ચ લયં તથા ॥