વીણાશિખતન્ત્ર · શ્લોક 381-396

પ્રથમે વાયવી પ્રોક્તા દ્વિતીયા ત્વ્ અનલા સ્મૃતા
તૃતીયા ચૈવ માહેન્દ્રી વારુણી તુ તથાપરે ॥

ઓંકારપૂર્વતો મન્ત્રં નમસ્કારાન્તયોજિતમ્
બીજપિણ્ડં તુ મધ્યસ્થં મુદ્રાયુક્તં સદા યજેત્ ॥

ક્ષિપ્રમ્ અર્થસ્ તથા કર્મ ભુક્તિભોગં સુદુર્લભમ્
સાધયેન્ મનસા સર્વં બીજમુદ્રાપ્રયોગતઃ ॥

હૂંકારમ્ અદિતો ન્યસ્તમ્ નમસ્કારાન્તવ્યવસ્થિતમ્
ઉચ્ચાતયેત્ સર્વદુષ્તાન્ દૈત્યભૂતગ્રહાંસ્ તથા ॥

ઓંકારયોજિતસ્યાદૌ સ્વાહાકારાવસાનતઃ
અગ્નિકાર્યપ્રયોગો ઽયં ક્ષિપ્રમ્ અર્થં પ્રસાધયેત્ ॥

ઓંકારસમ્પુતં પિણ્ડં રકારેણ તુ દીપકમ્
સાધયેન્ મનસા ધ્યાત્વા કામાર્થશ્ ચ યથેપ્સિતમ્ ॥

સુપ્તં બોધયતે મન્ત્રી શીઘ્રં સિદ્ધિમ્ અવાપ્નુયાત્
ઓંકારશ્ ચ રકારશ્ ચ ફટ્કારશ્ ચૈવ મધ્યતઃ ॥

મધ્યે વર્ગાન્તપિણ્ડસ્ તુ કર્મ કુર્યાદ્ યથેપ્સિતમ્
હૂંકારમ્ આદૌ અન્તે ચ હકારશ્ ચાદિમધ્યતઃ ॥

જપન્ તુ બોધયેન્ મન્ત્રી અપિ સુપ્તમ્ અચેતનમ્
હૂંકારશ્ ચ રકારશ્ ચ ફટ્કારમ્ આદિમધ્યતઃ ॥

ક્રુદ્ધસ્ તુ જાપયેન્ મન્ત્રી યદાકર્મ ન કુર્વતિ
ઓંકારસમ્પુતં કૃત્વા નમસ્કારાન્તયોજિતમ્ ॥

જપેત્ પિણ્ડાક્ષરં મન્ત્રી સર્વસિદ્ધિકરં પરમ્
શાન્તિકપૌષ્તિકં કર્મ શુભેષુ અશુભેષુ ચ ॥

ક્ષિપ્રમ્ આવાહને સિદ્ધિર્ હોમબીજપ્રયોગતઃ
હોમયેત્ ફલબીજાનિ ધાન્યબીજતૃણાનિ ચ ॥

પયસા વાપિ શુદ્ધેન હોમકર્મ હ્ય્ ઉદાહૃતમ્
મધુના ઘૃતસંયુક્તં તિલં જુહ્યાદ્ વિચક્ષણિ ॥

સાધયેત્ સર્વકર્માણિ વષત્કૃતં જપિષ્યતિ
સર્વેષાં ગુહ્યમન્ત્રાણાં બીજમુદ્રાં પ્રયોજયેત્ ॥

અપ્રકાશ્યમ્ ઇદં ગુહ્યં શિવવક્ત્રાદ્ વિનિઃસૃતમ્
યસ્ ત્વ્ ઇદં ધ્યાયતે નિત્યં પૂજયેન્ મનસા જપેત્ ॥

સ ભુઙ્ક્તે વિપુલાન્ ભોગાન્ ઈશાનાન્તપદં લભેત્ ॥