વરાહ પુરાણ · અધ્યાય 173

શ્રીવરાહ ઉવાચ ॥
તત્ર સ્થિત્વા યથાન્યાયં ગોકર્ણઃ સર્વમંગલમ્ ॥
શુકં ચ માતાપિતરૌ સાધુભાર્યાચતુષ્ટયમ્

સંમાન્ય પૂજયામાસ યથાવિભવશક્તિતઃ ॥
મથુરાવાસિભિર્લોકૈરુદ્યાનં કારયંસ્તદા

સ્વયં ચ કૃતવાંસ્તત્ર અવિઘ્નસ્ય મહામખમ્ ॥
ભક્ષ્યભોજ્યે બ્રાહ્મણેભ્યો દદૌ દાનાનિ નિત્યશઃ

ગીતવાદિત્રમંગલ્યં પુત્રવૃદ્ધૌ યથોચિતમ્ ॥
તત્સર્વં કૃતવાઁલ્લોકો ગોકર્ણસ્ય મહાત્મનઃ

એકૈકં ચ પરિષ્વજ્ય પ્રણિપત્ય યથાક્રમમ્ ॥
માતાપિત્રોઃ પ્રણમ્યાથ શિરસા પાદપંકજે

શુકં હૃદિ સમાલોક્ય પ્રરુરોદ સ વૈ વણિક્ ॥
યસ્ય પ્રસાદાજ્જીવશ્ચ ધર્મશ્ચાનુત્તમા ગતિઃ

વિશિષ્ટેન મયા પ્રાપ્તો રાજ્ઞો લાભઃ સુપુષ્કલઃ ॥
શુક પુત્રાન્મયા પ્રાપ્તમિહ લોકે પરત્ર ચ

એવં વસન્સુખં તત્ર ગોકર્ણઃ સહ બન્ધુભિઃ ॥
શુક નામ્ના કૃતં તેન શિવસ્યાયતનં મહત્

શુકેશ્વરં પ્રતિષ્ઠાપ્ય દિવ્યં સત્રં ચકાર હ ॥
બ્રાહ્મણાનાં શતે દ્વે ચ મિષ્ટાન્નવરભોજને

શુકસત્રમિતિ ખ્યાતં મૃતો મુક્તિમવાપ સઃ ॥
વિમાનવરમારુહ્ય સ્વર્ગલોકં ગતઃ શુકઃ

શુકપ્રદાને ગોકર્ણઃ ફલં સ્નાનસ્ય સંગમાત્॥
શ્રાદ્ધં સુવર્ણૈર્ગોદાનં કૃત્વા તસ્મૈ દદૌ ચ સઃ

શબરાય સભાર્યાય તેન સ્વર્ગં ગતશ્ચ હ ॥
શુકોદરેણ સહિતો વિમાનવરમાસ્થિતઃ

એતત્તે કથિતં સર્વં મથુરાયાં મહત્ફલમ્ ॥
સરસ્વતીસંગમસ્ય ગોકર્ણસ્ય શિવસ્ય ચ

ગોકર્ણસ્ય તુ સન્તાનમક્ષયં ધર્મતોઽવ્યયમ્ ॥
સમ્ભૂતં સ સુખં ભુક્ત્વા તતો મોક્ષમવાપ્નુયાત્

ઇતિ શ્રીવરાહપુરાણે ગોકર્ણમાહાત્મ્યે ત્રયસ્સપ્તત્યધિકશતતમોઽધ્યાયઃ