વરાહ પુરાણ · અધ્યાય 156

અથ મથુરાપ્રાદુર્ભાવઃ ॥
શ્રીવરાહ ઉવાચ ॥
વત્સક્રીડનકં નામ તીર્થં વક્ષ્યે પરં મમ ॥
તત્ર રક્તશિલાબદ્ધં રક્તચન્દનભૂષિતમ્

સ્નાનમાત્રેણ તત્રૈવ વાયુલોકં વ્રજેન્નરઃ ॥
તત્રાઽથ મુઞ્ચતે પ્રાણાન્મમ લોકે મહીયતે

પુનરન્યત્પ્રવક્ષ્યામિ તચ્છૃણુષ્વ વસુન્ધરે ॥
અસ્તિ ભાણ્ડીરકં નામ યત્તીર્થં પરમુત્તમમ્

સાલૈસ્તાલૈશ્ચ તરુભિસ્તમાલૈરર્જ્જુનૈસ્તથા ॥
ઇઙ્ગુદૈઃ પીલુકૈશ્ચૈવ કરીરૈરક્તપુષ્પકૈઃ

તસ્મિન્ભાણ્ડીરકે સ્નાતો નિયતો નિયતાશનઃ ॥
સર્વપાપવિનિર્મુક્તશ્ચેન્દ્રલોકં સ ગચ્છતિ

તત્રાઽથ મુઞ્ચતે પ્રાણાન્મમ લોકં ચ ગચ્છતિ ॥
પુનરન્યત્પ્રવક્ષ્યામિ ક્ષેત્રં વૃન્દાવનં મમ

તત્રાહં ક્રીડયિષ્યામિ ગોભિર્ ગોપાલકૈઃ સહ ॥
રમ્યં ચ સુપ્રતીતં ચ દેવદાનવદુર્લભમ્

તત્ર કુણ્ડે મહાભાગે બહુગુલ્મલતાવૃતે ॥
તત્ર સ્નાનં પ્રકુર્વીત ચૈકરાત્રોષિતો નરઃ

ગન્ધર્વૈરપ્સરોભિશ્ચ ક્રીડમાનઃ સ મોદતે ॥
તત્રાથ મુઞ્ચતે પ્રાણાન્મમ લોકં ચ ગચ્છતિ

પુનરન્યત્પ્રવક્ષ્યામિ મહાપાતકનાશનમ્ ॥
તત્ર વૃન્દાવને તીર્થે યત્ર કેશી નિપાતિતઃ

તીર્થં શતગુણં પુણ્યં યત્ર કેશી નિપાતિતઃ ॥
કેશ્યઃ શતગુણં પુણ્યં યત્ર વિશ્રમતે હરિઃ

તસ્માચ્છતગુણં પુણ્યં નાત્ર કાર્યા વિચારણા ॥
તત્રાપિ ચ વિશેષોઽસ્તિ કેશીતીર્થે વસુન્ધરે

તસ્મિન્પિણ્ડપ્રદાનેન ગયાતુલ્ય ફલં ભવેત્॥
સ્નાને દાને તથા હોમે અગ્નિષ્ટોમફલં ભવેત્

સૂર્યતીર્થેષુ વસુધે દ્વાદશાદિત્યસંજ્ઞિકે ॥
કાલિયો રમતે તત્ર કાલિંદ્યાઃ સલિલે શુભે

કાલિયો દમિતસ્તત્ર આદિત્યાઃ સ્થાપિતા મયા ॥
વરં વૃણુધ્વં ભદ્રં વો યદ્વો મનસિ વર્ત્તતે

આદિત્યા ઊચુઃ ॥
વરં દદાસિ નો દેવ વરાર્હા યદિ વા વયમ્ ॥
અસ્મિંસ્તીર્થવરે સ્નાનમસ્માકં સંપ્રદીયતામ્

આદિત્યાનાં વચઃ શ્રુત્વા ક્રીડાં કૃત્વા વસુન્ધરે ॥
સ્નાનમાત્રેણ તત્રૈવ મુચ્યતે સર્વકિલ્બિષૈઃ

અથાત્ર મુંચતે પ્રાણાન્મમ લોકં સ ગચ્છતિ ॥
ઉત્તરે હરિદેવસ્ય દક્ષિણે કાલિયસ્ય તુ

અનયોર્દેવયોર્મધ્યે યે મૃતાસ્તેઽપુનર્ભવાઃ

ઇતિ શ્રીવરાહપુરાણે મથુરામાહાત્મ્યે મથુરાપ્રાદુર્ભાવો નામ ષટ્પંચાશદધિકશતતમોઽધ્યાયઃ