વરાહ પુરાણ · અધ્યાય 119

અથ ભોજ્યનિયમવિધિઃ ॥
ધરણ્યુવાચ ॥
એવં કર્મવિધિં શ્રુત્વા સર્વ સંસારમોક્ષણમ્ ॥
પ્રસન્નવદનં દેવં પુનર્વાક્યમુવાચ હ

એવં મહૌજસં કર્મ તવ માર્ગાનુસારતઃ ॥
ત્વત્તસ્તુ પ્રાપણવિધિસ્તવ પ્રીત્યા મયા શ્રુતઃ

કેન દ્રવ્યેણ સંયુક્તં તન્મમાચક્ષ્વ માધવ ॥
વસુધાયા વચઃ શ્રુત્વા વરાહઃ પ્રીતમાનસઃ

ઉવાચ ધર્મસંયુક્તં ધર્મજ્ઞો વાક્યકોવિદઃ ॥
શ્રીવરાહ ઉવાચ ॥
યેન મન્ત્રેણ સંયુક્તો મમ પ્રાપણકં નયેત્

સપ્ત વ્રીહીંસ્તતો ગૃહ્ય પયસા સહ સંયુતમ્ ॥
પરમં તસ્ય શાકાનિ મધૂકોદુમ્બરં તથા

એતે ચાન્યે ચ બહવઃ શતશોઽથ સહસ્રશઃ ॥
કર્મણ્યાશ્ચ ત એતેષાં યે મયા પરિકીર્ત્તિતાઃ

વ્રીહીણાં ચ પ્રવક્ષ્યામિ ઉપયોગ્યાનિ માધવિ ॥
એકાગ્રં માનસં કૃત્વા પ્રાપણં શૃણુ સુન્દરિ

ધર્મચિલ્લિકશાકં ચ સુગન્ધં રક્તમાલિકૌ ॥
દીર્ઘશાલિમહાશાલી વરકુઙ્કુમમાક્ષિકૌ

આમોદા શિવસુન્દર્યૌ શિરીકાકુલશાલિકાઃ ॥
વિવિધં યાવકાન્નં ચ જ્ઞેયાન્યેતાનિ કર્મણિ

કર્મણ્યા મુદ્ગમાષા વૈ તિલકઙ્ગુકુલિત્થકાઃ ॥
ગવેધુકં મહામોહં મકુષ્ઠમથવાહિજામ્

શ્યામાકમિતિ ચોક્તાનિ કર્મણ્યાનિ વસુન્ધરે ॥
કર્મણ્યાનિ ચ શાકાનિ વિજાનીહિ વસુન્ધરે।

એતાનિ પ્રતિગૃહ્ણામિ યચ્ચ ભાગવતં પ્રિયમ્॥
માર્ગમાંસં વરં છાગં શાસં સમનુયુજ્યતે

એતાનિ પ્રાપણે દદ્યાન્મમ ચૈતત્પ્રિયાવહમ્॥
યુઞ્જાનો વિતતે યજ્ઞે બ્રાહ્મણે વેદપારગે

ભાગો મમાસ્તિ તત્રાપિ પશૂનાં છાગલસ્ય ચ॥
માહિષં વર્જયેન્મહ્યં ક્ષીરં દધિ ઘૃતં તતઃ

વર્જયેત્તત્ર માંસાનિ યજુષા વૈષ્ણવોઽશ્નુતે ॥
પરં પાયસમપિ વર્જ્યાનિ તન્માંસં ચેતકઃ ખુરે

પક્ષિણાં ચ પ્રવક્ષ્યામિ યે પ્રયોજ્યા વસુન્ધરે ॥
યે ચૈવ મમ ક્ષેત્રેષુ ઉપયુજ્યન્તિ નિત્યશઃ

લાવકં વાર્ત્તિકં ચૈવ પ્રશસ્તં ચ કપિઞ્જલમ્ ॥
એતે ચાન્યે ચ બહવઃ શતશોઽથ સહસ્રશઃ

મમ કર્મણિ યોગ્યા યે તે મયા પરિકીર્ત્તિતાઃ ॥
યસ્ત્વેતત્તુ વિજાનીયાત્કર્મકર્તા તથૈવ ચ

નાપરાધ્નોતિ સ નરો મમ ચોક્તં વચઃ પ્રિયે ॥
તે ચ ભોજ્યાશ્ચ મઙ્ગલ્યા મમ ભક્તસુખાવહાઃ

તતો યષ્ટવ્યમેવં હિ ય ઇચ્છેત્ સિદ્ધિમુત્તમામ્ ॥
ય એતેન વિધાનેન યજિષ્યતિ વસુન્ધરે

પ્રાપ્નુવન્તિ પરાં સિદ્ધિં મમૈવ કૃતકર્મિણઃ ॥
ઇતિ શ્રીવરાહપુરાણે ભગવચ્છાસ્ત્રે પ્રાપણદ્રવ્ય કર્મણ્ય ભોજ્યનિયમવિધિર્નામોનવિંશત્યધિકશતતમોઽધ્યાયઃ