વામન પુરાણ · અધ્યાય 60

ઇતિ શ્રીવામનપુરાણે એકોનષષ્ટિતમો ઽધ્યાયઃ
પુલસ્ત્ય ઉવાચ ।
નમસ્તે ઽસ્તુ જગન્નાથ દેવદેવં નમો ઽસ્તુ તે ।
વાસુદેવ નમસ્તે ઽસ્તુ બહુરૂપ નમો ઽસ્તુ તે

એકશૃઙ્ગ નમસ્તુભ્યં નમસ્તુભ્યં વૃષાકપે ।
શ્રીનિવાસ નમસ્તે ઽસ્તુ નમસ્તે ભૂતભાવન

વિષ્વક્સેન નમસ્તુભ્યં નારાયણ નમો ઽસ્તુ તે ।
ધ્રુવધ્વજ નમસ્તો ઽસ્તુ સત્યધ્વજ નમો ઽસ્તુ તે

યજ્ઞધ્વજ નમસ્તુભ્યં ધર્મધ્વજ નમો ઽસ્તુ તે ।
તાલધ્વજ નમસ્તે ઽસ્તુ નમસ્તે ગરુહધ્વજ

વરેણ્ય વિષ્ણો વૈકુણ્ઠ નમસ્તે પુરુષોત્તમ ।
નમો જયન્ત વિજય જયાનન્ત પરાજિત

કૃતાવર્તદ મહાવર્ત મહાદેવ નમો ઽસ્તુ તે ।
અનાદ્યાદ્યન્ત મધ્યાન્ત નમસ્તે પદ્મજપ્રિય

પુરઞ્જય નમસ્તુભ્યં શત્રુઞ્જય નમો ઽસ્તુ તે ।
શુભઞ્જય નમસ્તે ઽસ્તુ નમસ્તે ઽસ્તુ ધનઞ્જય

સૃષ્ટિગર્ભ નમસ્તુભ્યં શુચિશ્રવઃ વૃથુશ્રવઃ ।
નમો હિરણ્યગર્ભાય પદ્મગર્ભાય તે નમઃ

નમઃ કમલનેત્રાય કાલનેત્રાય તે નમઃ ।
કાલનાભ નમસ્તુભ્યં મહાનાભ નમો નમઃ

વૃષ્ટિમૂલ મહામૂલ મૂલાવાસ નમો ઽસ્તુ તે ।
ધર્માવાસ જલાવાસ શ્રીનિવાસ નમો ઽસ્તુ તે

ધર્માધ્યક્ષ પ્રજાધ્યક્ષ લોકાધ્યક્ષ નમો નમઃ ।
સેનાધ્યક્ષ નમસ્તુભ્યં કાલાધ્યક્ષ નમો નમઃ

ગદાધર શ્રુતિધર ચક્રધારિન્ શ્રિયો ધર ।
વનમાલાધર હરે નમસ્તે ધરણીધર

આર્ચિષેણ મહાસેન નમસ્તે ઽસ્તુ પુરુષ્ટુત ।
વહુકલ્પ મહાકલ્પ નમસ્તે કલ્પનામુખ

સર્વાત્મન્ સર્વગ વિભો વિરિઞ્ચે શ્વેત કેશવ ।
નીલ રક્ત મહાનીલ અનિરુદ્ધ નમો ઽસ્તુ તે

દ્વાદશાત્મક કાલાત્મન્ સામાત્મન્ પરમાત્મક ।
વ્યોમકાત્મક સુબ્રહ્મન્ ભૂતાત્મક નમો ઽસ્તુ તે

હરિકેશ મહાકેશ ગુડાકેશ નમો ઽસ્તુ તે ।
મુઞ્જકેશ હૃષીકેશ સર્વનાથ મનો ઽસ્તુ તે

સુક્ષ્મ સ્થૂલ મહાસ્થૂલ મહાસૂક્ષ્મ શુભઙ્કર ।
શ્વેતપીતામ્બરધર નીલવાસ નમો ઽસ્તુ તે

કુશેશય નમસ્તે ઽસ્તુ સીરધ્વજ નજાર્ધન ।
ગોવિન્દ પ્રીતિકર્તા ચ હંસ પીતામ્બરપ્રિય

અધોક્ષજ નમસ્તુભ્યં સીરધ્વજ જનાર્દન ।
વામનાય નમસ્તે ઽસ્તુ નમસ્તે મધુસૂદન

સહસ્રશીર્ષાય નમો બ્રહ્મશીર્ષાય તે નમઃ ।
નમઃ સહસ્રનેત્રાય સોમસૂર્યાનલેક્ષમ ।

નમશ્ચાથર્વશિરસે મહાશીર્ષાય તે નમઃ ।
નમસ્તે ધર્મનેત્રાય મહાનેત્રાય તે નમઃ

નમઃ સહસ્રપાદાય સહસ્રભુજમન્યવે ।
નમો યજ્ઞવરાહાય મહારૂપાય તે નમઃ

નમસ્તે વિશ્વદેવાય વિશ્વાત્મન્ વિશ્વસંભવ ।
વિશ્વરૂપ નમસ્તે ઽસ્તુ ત્વત્તો વિશ્વમભૂદિદમ્

ન્યગ્રોધસ્તવં મહાશાખસ્ત્વં મૂલકુસુમાર્ચિતઃ ।
સ્કન્ધપત્રાઙ્કુરલતાપલ્લવાય નમો ઽસ્તુ તે

મૂલં તે બ્રાહ્મણા બ્રહ્મન્ સ્કન્ધસ્તે ક્ષત્રિયોર્દિશઃ ।
નાભ્યા હ્યભૂદન્તરિક્ષં શશાઙ્કો મનસસ્તવ

બ્રાહ્મણાઃ સાગ્નયો વક્ત્રાઃ દેર્દણ્ડાઃ સાયુધા નૃપાઃ ।
પાર્શ્વાદ્ વિશશ્ચેરુયુગાજ્જાતાઃ શૂદ્રાશ્ચ પાદતઃ

નેત્રાદ્ ભાનુરભૂત્ તુભ્યં પદ્ભ્યાં ભૂઃ શ્રોત્રયોર્દિશઃ ।
નાભ્યા હ્યભૂદન્તરિક્ષં શશાઙ્કો મનસસ્તવ

પ્રાણાદ્ વાયુઃ સમભવત્ કામાદ્ બ્રહ્મા પિતામહઃ ।
ક્રોધાત્ ત્રિનયનો રુદ્રઃ શીર્ષ્ણોઃ દ્યૌઃ સમવર્તત

ઇન્દ્રાગ્ની વદનાત્ તુભ્યં પશવો મલસંભવાઃ ।
ઓષધ્યો રોમસંભૂતા વિરાજસ્ત્વં નમો ઽસ્તુ તે

પુષ્પહાસ નમસ્તે ઽસ્તુ મહાહાસ નમો ઽસ્તુ તે ।
ઓઙ્કારસ્ત્વં વષટ્કારો વૌષટ્ ત્વં ચ સ્વધા સુધા

સ્વાહાકાર નમસ્તુભ્યં હન્તકાર નમો ઽસ્તુ તે ।
સર્વાકાર નિરાકાર વેદાકાર નમો ઽસ્તુ તે

ત્વં હિ વેદમયો દેવઃ સર્વદેવમયસ્તથા ।
સર્વતીર્થમયશ્ચૈવ સર્વયજ્ઞમયસ્તથા

નમસ્તે યજ્ઞપુરુષ યજ્ઞભાગભુજે નમઃ ।
નમઃ સહસ્રધારાય શતધારાય તે નમઃ

ભીર્ભુવઃસ્વઃસ્વરૂપાય ગોદાયામૃતદાયિને ।
સુવર્ણબ્રહ્મદાત્રે ચ સર્વદાત્રે ચ તે નમઃ

બ્રહ્મેશાય નમસ્તુભ્યં બ્રહ્માદે બ્રહ્મરૂપધૃક્ ।
પરબ્રહ્મ નમસ્તે ઽસ્તુ શબ્દબ્રહ્મ નમો ઽસ્તુ તે

વિદ્યાસ્ત્વં વેદ્યરૂપસ્ત્વં વેદનીયસ્ત્વમેવ ચ ।
બુદ્ધિસ્ત્વમપિ બોધ્યશ્ચ બોધસ્ત્વં ચ નમો ઽસ્તુ તે

હોતા હોમશ્ચ હવ્યં ચ હૂયમાનશ્ચહવ્યાવાટ્ ।
પાતા પોતા ચ પુતશ્ચ પાવનીયશ્ચ ઓં નમઃ

હન્તા ચ હન્યમાનશ્ ચ હ્રિમાણસ્ત્વમેવ ચ ।
હર્ત્તા નેતા ચ નીતિશ્ચ પૂજ્યો ઽગ્ર્યો વિશ્વધાર્યસિ

સ્રુક્સ્રુવૌ પરધામાસિ કપાલોલૂખલો ઽરણિઃ ।
યજ્ઞપાત્રાણેયસ્ત્વમેકધા બહુધા ત્રિધા

યજ્ઞસ્ત્વં યજમાનસ્ત્વમીડ્યસ્ત્વમસિ યાજકઃ ।
જ્ઞાતા જ્ઞેયસ્તથા જ્ઞાનં ધ્યેયો ધ્યાતાસિ ચેશ્વર

ધ્યાનયોગશ્ચ યોગી ચ ગતિર્મોક્ષો ધૃતિઃ સુખમ્ ।
યોગાઙ્ગાનિ ત્વમીશાનઃ સર્વગસ્ત્વં નમો ઽસ્તુ તે

બ્રહ્મ હોતા તથોદ્ગાતા સામ યૂપો ઽત દક્ષિણા ।
દીક્ષા ત્વં ત્વં પુરોડાશસ્ત્વં પશુઃ પશુવાહ્યસિ

ગુહ્યો ધાતા ચ પરમઃ શિવો નારાયણસ્તથા ।
મહાજનો નિરયનઃ સહસ્રાર્કેન્દુરૂપવાન્

દ્વાદશારો ઽથ ષણ્ણાભિસ્ત્રિવ્યૂહો દ્વિયુગસ્તથા ।
કાલચક્રો ભવાનીશો નમસ્તે પુરુષોત્તમઃ

પરાક્રમો વિક્રમસ્ત્વં હયગ્રીવો હરીશ્વરઃ ।
નરેશ્વરો ઽથ બ્રહ્મેશઃ સૂર્યેશસ્ત્વં નમો ઽસ્તુ તે

અશ્વવક્ત્રો મહામેધાઃ શંભુઃ શક્રઃ પ્રભઞ્જનઃ ।
મિત્રાવરુણમૂર્તિસ્ત્વમમૂર્તિરનઘઃ પરઃ

પ્રાગ્વંશકાયો ભૂતાદિર્મહાભૂતો ઽચ્યુતો દ્વિજઃ ।
ત્વમૂર્ધ્વકર્ત્તા ઊર્ધ્વશ્ ચ ઊર્ધ્વરેતા નમો ઽસ્તુ તે

મહાપાતકહા ત્વં ચ ઉપપાતકહા તથા ।
અનીશઃ સર્વપાપેભ્યસ્ત્વામહં શરણં ગતઃ

ઇત્યેતત્ પરમં સ્તોત્રં સર્વપાપપ્રમોચનમ્ ।
મહેશ્વરેણ કથિતં વારાણસ્યાં પુરા મુને

કેશવસ્યાગ્રતો ગત્વા સ્નાત્વા તીર્થે સિતોદકે ।
ઉપશાન્તસ્તથા જાતો રુદ્રઃ પાપવશાત્ તતઃ

એતત્ પવિત્રં ત્રિપુરધ્નભાષિતં પઠન્ નરો વિષ્ણુપરો મહર્ષે ।
વિમુક્તપાપો હ્યુપશાન્તમૂર્તિ સંપૂજ્યતે દેવવરૈઃ પ્રસિદ્ધૈઃ