વામન પુરાણ · અધ્યાય 6

ઇતિ શ્રીવામનપુરાણે પઞ્ચમો ઽધ્યાયઃ
પુલસ્ત્ય ઉવાચ ।
હૃદ્ભવો બ્રહ્મણો યો ઽસૌ ધર્મો દિવ્યવપુર્મુને ।
દાક્ષાયાણી તસ્ય ભાર્યા તસ્યામજનયત્સુતાન્

હરિં કુષ્ણં ચ દેવર્ષે નારાયણનરૌ તથા ।
યોગાભ્યાસરતૌ નિત્યં હરિકૃષ્ણૌ બભૂવતુઃ

નરનારાયણૌ ચૈવ જગતો હિતકામ્યયા ।
તપ્યેતાં ચ તપઃ સૌમ્યૌ પુરાણવૃષિસત્ત્મૌ

પ્રાલેયાદ્રિં સમાગમ્ય તીર્થે બદરિકાશ્રમે ।
ગૃમન્તૌ તત્પરં બ્રહ્મ ગઙ્ગાયા વિપુલે તટે

નરનારાયણાભ્યાં ચ જગદેતચ્ચરાચરમ્ ।
તાપિતં તપસા બ્રહ્મન્ શક્રઃ ક્ષોભં તદા યયૌ

સંક્ષુબ્ધસ્તપસા તાભ્યાં ક્ષોભમણાય શતક્રતુઃ ।
રમ્ભાદ્યાપ્સરસઃ શ્રેષ્ઠાઃ પ્રેષયત્સ મહાશ્રમમ્

કન્દર્પશ્ચ સુદુર્ધર્ષશ્ચૂતાઙ્કુરમહાયુધઃ ।
સમં સહચરેણૈવ વસન્તેનાશ્રમં ગતઃ

તતો માધવકન્દર્પૌ તાશ્ચૈવાપ્સરસો વરાઃ ।
બદર્યાશ્રમમાગમ્ય વિચિક્રીડુર્યથેચ્છયા

તતો વસન્તે સંપ્રાપ્તે સિંશુકા જ્વલનપ્રભાઃ ।
નિષ્પત્રાઃ સતતં રેજુઃ શોમભયન્તો ધરાતલમ્

શિશિરં નામ માતઙ્ગં વિદાર્ય નખરૈરિવ ।
વસન્તકેસરી પ્રાપ્તઃ પલાશકુસુમૈર્મુને

મયા તુષારૌઘકરી નિર્જિતઃ સ્વેન તેજસા ।
તમેવ હસતેત્યુચ્ચૈઃ વસન્તઃ કુન્દકુડ્મલૈઃ

વનાનિ કર્ણિકારાણાં પુષ્પિતાનિ વિરેજિરે ।
યથા નરેન્દ્રપુત્રાણિ કનકાભરણાનિ હિ

તેષામનુ તથા નીપાઃ પિઙ્કરા ઇવ રેજિરે ।
સ્વમિસંલબ્ધસંમાના ભૃત્યા રાજસુતાનિવ

રક્તાશોકવના ભાન્તિ પુષ્પિતાઃ સહસોજ્જ્વલાઃ ।
ભૃત્વા વસન્તનૃપતેઃ સંગ્રામે ઽસૃક્પ્લુતા ઇવ

મૃગવૃન્દાઃ પિઞ્જરિતા રાજન્તે ગહને વને ।
પુલકાભિર્વૃતા યદ્વત્ સજ્જનાઃ સુહૃદાગમે

મઞ્જરીભિર્વિરાજન્તે નદીકૂલેષુ વેતસાઃ ।
વક્તુકામા ઇવાઙ્ગુલ્યા કો ઽસ્માકં સદૃશો નગઃ

રક્તાશોકકરા તન્વી દેવર્ષે કિશુકાઙ્ઘ્રિકા ।
નીલાશોકકચા શ્યામા વિકાસિકમલાનના

નીલેન્દીવરનેત્રા ચ બ્રહ્મન્ બિલ્વફલસ્તની ।
પ્રફુલ્લકુન્દદશના મઞ્જરીકરશોભિતા

બન્ધુજીવાધરા શુભ્રા સિન્દુવારનખાદ્ભતા ।
પુંસ્કોકિલસ્વના દિવ્યા અઙ્કોલવસના શુભા

બર્હિવૃન્દકલાપા ચ સારસસ્વરનૂપુરા ।
પ્રાગ્વંશરસના બ્રહ્મન્ મત્તહંસગતિસ્તથા

પુત્રજીવાંશુકા ભૃઙ્ગરોમરાજિવિરાજિતા ।
વસન્તલક્ષ્મીઃ સંપ્રાપ્તા બ3હ્મન્ બદરિકાશ્રમે

તતો નારાયણો દૃષ્ટ્વા આશ્રમસ્યાનવદ્યતામ્ ।
સમીક્ષ્ય ચ દિશઃ સર્વાસ્તતો ઽનઙ્ગમપશ્યત

નારદ ઉવાચ। ।
કો ઽસાવનઙ્ગો બ્રહ્મર્ષે તસ્મિન્ બદરિકાશ્રમે ।
યં દદર્શ જગન્નાથો દેવો નારાયણો ઽવ્યયઃ

પુલસ્ત્ય ઉવાચ ।
કન્દર્પો હર્ષતનયો યો ઽસૌ કામો નિગદ્યતે ।
સ શઙ્કરેણ સંદગ્ધો હ્યનઙ્ગત્વમુપાગતઃ

નારદ ઉવાચ ।
કિમર્થં કામદેવો ઽસૌ દેવદેવેન શંભુના ।
દગ્ધસ્તુ કારણે કસ્મિન્નેતદ્વ્યાખ્યાતુમર્હસિ

પુલસ્ત્ય ઉવાચ ।
યદા દક્ષસુતા બ્રહ્મન્ સતી યાતા યમક્ષયમ્ ।
વિનાશ્ય દક્ષયજ્ઞં તં વિચચાર ત્રિલોચનઃ

તતો વૃષધ્વજં દૃષ્ટ્વા કન્દર્પઃ કુસુમાયુધઃ ।
અપત્નીકં તદાસ્ત્રેણ ઉન્માદેનાભ્યતાડયત્

તતો હરઃ શરેણાથ ઉન્માદેનાશુ તાડિતઃ ।
વિચચાર તદોન્મત્તઃ કાનનાનિ સરાંસિ ચ

સ્મરન્ સતીં મહાદેવસ્તથોન્માદેન તાડિતઃ ।
ન શર્મ લેભે દેવર્ષે બાણવિદ્ધ ઇવ દ્વિપઃ

તતઃ પપાત દેવેશઃ કાલિન્દીસરિતં મુને ।
નિમગ્ને શઙ્કરે આપો દગ્ધાઃ કૃષ્ણાત્વમાગતાઃ

તદાપ્રભૃતિ કાલિન્દ્યા ભૃઙ્ગાઞ્જનનિભં જલમ્ ।
આસ્યન્દત્ પુણ્યતીર્થા સા કેશપાશમિવાવને

તતો નદીષુ પુણ્યાસુ સરસ્સુ ચ નદેષુ ચ ।
પુલુનેષુ ચ રમ્યેષુ વાપીષુ નલિનીષુ ચ

પર્વતેષુ ચ રમ્યેષુ કાનનેષુ ચ સાનુષુ ।
વિચારન્ સ્વેચ્છયા નૈવ શર્મ લેભે મહેશ્વરઃ

ક્ષણં ગાયતિ દેવર્ષે ક્ષણં રોદિતિ શઙ્કરઃ ।
ક્ષણં ધ્યાયતિ તન્વઙ્ગીં દક્ષકન્યાં મનોરમામ્

ધ્યાત્વા ક્ષણં પ્રસ્વપિતિ ક્ષણં સ્વપ્નાયતે હરઃ ।
સ્વપ્ને તથેદં ગદતિ તાં દૃષ્ટ્વા દક્ષકન્યકામ્

નિર્ઘૃણે તિષ્ઠ કિં મૂઢે ત્યજસે મામનિન્દિતે ।
મુગ્ધે ત્વયા વિરહિતો દગ્ધો ઽસ્મિ મદનાગ્નિના

સતિ સત્યં પ્રકુપિતા મા કોપં કુરુ સુન્દરિ ।
પાદપ્રણામાવનતમભિભાષિતુ મર્હસિ

શ્રૂયસે દૃશ્યસે નિત્યં સ્પૃશ્યસે વન્દ્યસે પ્રિયે ।
આલિઙ્ગ્યસે ચ સતતં કિમર્થં નાભિભાષસે

વિલપન્તં જનં દૃષ્ટ્વા કૃપા કસ્ય ન જાયતે ।
વિશેષતઃ પતિં બાલે નનુપ ત્વમતિનિર્ઘૃણા

ત્વયોક્તાનિ વચાંસ્યેવં પૂર્વં મમ કૃશોદરિ ।
વિના ત્વયા ન જીવેયં તદસત્યં ત્વયા કૃતમ્

એહ્યેહિ કામસંતપ્તં પરિષ્વજ સુલોચને ।
નાન્યથા નશ્યતે તાપઃ સત્યેનાપિ શપે પ્રિયે

ઇત્થં વિલપ્ય સ્વપ્નાન્તે પ્રતિબુદ્ધસ્તુ તત્ક્ષણાત્ ।
ઉત્કૂજતિ તથારણ્યે મુક્તકણ્ઠં પુનઃ પુનઃ

તં કૂજમાનં વિલપન્તમારાત્ સમીક્ષ્ય પાચં તરસા વૃષકેતનં હિ ।
વિવ્યાધ ચાપં તરસા વિનામ્ય સંતાપનામ્ના તુ શરેણ ભૂયઃ

સંતાપનાસ્ત્રેણ તદા સ વિદ્ધો ભૂયઃ સ સંતપ્તતરો બભૂવ ।
સંતાપયંશ્ચાપિ જગત્સમગ્રં ફૂત્કૃત્ય ફૂત્કૃત્ય વિવાસતે સ્મ

તં ચાપિ ભૂયો મદનો જઘાન વિજૃણ્ભણાસ્ત્રેણ તતો વિજૃમ્ભે ।
તતો ભૃશં કામશરૈર્વિતુન્નો વિજૃમ્ભમાણઃ પરિતો ભ્રમંશ્ચ

દદર્શ યક્ષાધિપતેસ્તનૂજં પાઞ્ચાલિકં નામ જગત્પ્રધાનમ્ ।
દૃષ્ટ્વા ત્રિનેત્રો ધનદસ્ય પુત્રં પાર્શ્વં સમભ્યેત્ય વચો બભાષે ।
ભ્રાતૃવ્ય વક્ષ્યસિ વચો યદદ્ય તત્ ત્વં કુરુષ્વામિતવિક્રમો ઽસિ

પાઞ્ચાલિક ઉવાચ ।
યન્નાથ માં વક્ષ્યસિ તત્કરિષ્યે સુદુષ્કરં યદ્યપિ દેવસંઘૈ ।
આજ્ઞાપયસ્વાતુલવીર્ય શંભો દાસો ઽસ્મિ તે ભક્તિયુતસ્તથેશ

ઈશ્વર ઉવાચ ।
નાશં ગતાયાં વરદામ્બિકાયાં કામાગ્નિના પ્લુષ્સુવિગ્રહો ઽસ્મિ ।
વિજૃમ્ભણોન્માદસરૈર્વિભિન્નો ધૃતિં ન વિન્દામિ રતિં સુખં વા

વિજૃમ્ભણં પુત્ર તથૈવ તાપમુન્માદમુગ્રં મદનપ્રણુન્નમ્ ।
નાન્યઃ પુમાન્ ધારયિતું હિ શક્તો મુક્ત્વા ભવન્તં હિ તતઃ પ્રતીચ્છ

પુલસ્ત્ય ઉવાચ ।
ઇત્યેવમુક્તો વૃષભધ્વજેન યક્ષઃ પ્રતીચ્છત્ સ વિજૃમ્ભણાદીન્ ।
તોષં જગામાશુ તતસ્ત્રિશૂલી તુષ્ટસ્તદૈવં વચનં બભાષે

હર ઉવાચ ।
યસ્માત્ત્વયા પુત્ર સુદુર્ધરાણિ વિજૃમ્ભણાદીન્ પ્રતીચ્છિતાનિ ।
તસ્માદ્વરં ત્વાં પ્રતિપૂજનાય દાસ્યામિ લોક્ય ચ હાસ્યકારિ

યસ્ત્વાં યદા પશ્યતિ ચૈત્રમાસે સ્પૃશેન્નરો વાર્ચયતે ચ ભક્ત્યા ।
વૃદ્ધો ઽથ બાલો ઽથ યુવાથ યોષિત્ સર્વે તદોન્માદધરા ભવન્તિ

ગાયન્તિ નૃત્યન્તિ રમન્તિ યક્ષ વાદ્યાનિ યત્નાદપિ વાદયન્તિ ।
તવાગ્રતો હાસ્યવચો ઽભિરક્તા ભવન્તિ તે યોગયુતાસ્તુ તે સ્યુઃ

મમૈવ નામ્ના ભવિતાસિ પૂજ્યઃ પાઞ્ચાલિકેશઃ પ્રથિતઃ પૃથિવ્યામ્ ।
મમ પ્રસાદાદ્ વરદો નરાણાં ભવિષ્યસે પૂજ્યતમો ઽભિગચ્છ

ઇત્યેવમુક્તો વિભુના સ યક્ષો જગામ દેશાન્ સહસૈવ સર્વાન્ ।
કાલઞ્જરસ્યોત્તરતઃ સુપુણ્યો દેશો હિમાદ્રેરપિ દક્ષિણસ્થઃ

તસ્મિન્ સુપુણ્યે વિષયે નિવિષ્ટો રુદ્રપ્રસાદાદભિપૂજ્યતે ઽસૌ ।
તસ્મિન્ પ્રયાતે ભગવાંસ્ત્રિનેત્રો દેવો ઽપિ વિન્ધ્યં ગિરિમભ્યગચ્છત્

તત્રાપિ મદનો ગત્વા દદર્શ વૃષકેતનમ્ ।
દૃષ્ટ્વા પ્રહર્ત્તુકામં ચ તતઃ પ્રાદુવચદ્ધરઃ

તતો દારુવનં ઘોરં મદનાભિસૃતો હરઃ ।
વિવેશ ઋષયો યત્ર સપત્નીકા વ્યવસ્થિતાઃ

તે ચાપિ ઋષયઃ સર્વે દૃષ્ટ્વા મૂર્ધ્ના નતાભવન્ ।
તતસ્તાન્ પ્રાહ ભગવાન્ ભિક્ષા મે પ્રતિદીયતામ્

તતસ્તે મૌનિનસ્તસ્થુઃ સર્વ એવ મહર્ષયઃ ।
તદાશ્રમાણિ સર્વાણિ પરિચક્રામ નારદઃ

તં પ્રવિષ્ટં તદા દૃષ્ટ્વા ભાર્ગવાત્રેયયોષિતઃ ।
પ્રક્ષોભમગમન્ સર્વા હીનસત્ત્વાઃ સમન્તતઃ

ઋતે ત્વરુન્ધતીમેકામનસૂયાં ચ ભામિનીમ્ ।
એતાભ્યાં ભર્તૃપૂજાસુ તચ્ચિન્તાસુ સ્થિતં મનઃ

તતઃ સંક્ષુભિતાઃ સર્વા યત્ર યાતિ મહેશ્વરઃ ।
તત્ર પ્રયાન્તિ કામાર્ત્તા મદવિહ્વલિતેન્દ્રિયાઃ

ત્યક્ત્વાશ્રમણિ શૂન્યાનિ સ્વાનિતા મુનિયોષિતઃ ।
અનુડજગ્મુર્યથા મત્તં કરિણ્ય ઇવ કુઞ્જરમ્

તતસ્તુ ઋષયો દૃષ્ટ્વા ભાર્ગવાઙ્ગિરસો મુને ।
ક્રોધાન્વિતાબ્રુવન્સર્વે લિઙ્ગે ઽસ્ય પતતાં ભુવિ

તતઃ પપાત દેવસ્ય લિઙ્ગં પૃથ્વીં વિદારયન્ ।
અન્તર્દ્ધાનં જગામાથ ત્રિશૂલી નીલલોહિતઃ

તતઃ સ પતિતો લિઙ્ગો વિભિદ્ય વસુધાતલમ્ ।
રસાતલં વિવેશાશુ બ્રહ્મણ્ડં ચોર્ધ્વતો ઽભિનત્

તતશ્ચચાલ પૃથિવી ગિરયઃ સરિતો નગાઃ ।
પાતાલભુવનાઃ સર્વે જઙ્ગમાજઙ્ગમૈર્વૃતાઃ

સંક્ષુબ્ધાન્ ભુવનાન્ દૃષ્ટ્વા ભૂર્લોકાદીન્ પિતામહઃ ।
જગામ માધવં દ્રષ્ટું ક્ષીરોદં નામ સાગરમ્

તત્ર દૃષ્ટ્વા હૃષીકેશં પ્રણિપત્ય ચ ભક્તિતઃ ।
ઉવાચ દેવ ભુવનાઃ કિમર્થ ક્ષુભિતા વિભો

અથોવાચ હરિર્બ્રહ્મન્ શાર્વો લિઙ્ગો મહર્ષિભિઃ ।
પાતિતસ્તસ્ય ભારાર્તા સંચચાલ વસુંધરા

તતસ્તદદ્ભુતતમં શ્રુત્વા દેવઃ વિતામહઃ ।
તત્ર ગચ્છામ દેવેશ એવમાહ પુનઃ પુનઃ

તતઃ પિતામહો દેવઃ કેશવશ્ચ જગત્પતિઃ ।
આજગ્મતુસ્તમુદ્દેશં યત્ર લિઙ્ગં ભવસ્ય તત્

તતો ઽનન્તં હરિર્લિઙ્ગં દૃષ્ટ્વારુહ્ય ખગેશ્વરમ્ ।
પાતાલં પ્રવિવેશાથ વિસ્મયાન્તરિતો વિભુઃ

બ્રહ્મ પદ્મવિમાનેન ઉર્ધ્વમાક્રમ્ય સર્વતઃ ।
નૈવાન્તમલભદ્ બ્રહ્મન્ વિસ્મિતઃ પુનરાગતઃ

વિષ્ણુર્ગત્વાથ પાતાલાન્ સપ્ત લોકપરાયણઃ ।
ચક્રપાણિર્વિનિષ્ક્રાન્તો લેભે ઽન્તં ન મહામુને

વિષ્ણુઃ પિતામહશ્ચોભૌ હરલિઙ્ગં સમેત્ય હિ ।
કૃતાઞ્જલિપુટૌ ભૂત્વા સ્તોતું દેવં પ્રચક્રતુઃ

હરિબ્રહ્માણાવૂચતુઃ ।
નમો ઽસ્તુ તે શૂલપાણે નમો ઽસ્તુ વૃષભધ્વજ ।
જીમૂતવાહન કવે શર્વ ત્ર્યમ્બક શઙ્કર

મહેશ્વર મહેશાન સુપર્ણાક્ષ વૃષાકપે ।
દક્ષયજ્ઞક્ષયકર કાલરૂપ નમો ઽસ્તુ તે

ત્વમાદિરસ્ય જગતસ્ત્વં મધ્યં પરમેશ્વર ।
ભવાનન્તશ્ચ ભગવાન્ સર્વગસ્ત્વં નમો ઽસ્તુ તે

પુલસ્ત્ય ઉવાચ। ।
એવં સંસ્તૂયમાનસ્તુ તસ્મિન્ દારુવને હરઃ ।
સ્વરૂપી તાવિદં વાક્યમુવાચ વદતાં વરઃ

હર ઉવાચ ।
કિમર્થં દેવતાનાથૌ પરિભૂતક્રમં ત્વિહ ।
માં સ્તુવાતે ભૃશાસ્વસ્થં કામતાપિતવિગ્રહમ્

દેવાવૂચતુઃ । ।
ભક્તઃ પાતિતં લિઙ્ગં યદેતદ્ ભુવિ શઙ્કર ।
એતત્ પ્રગૃહ્યતાં ભૂય અતો દેવ સ્તુવાવહે

હર ઉવાચ। ।
યદ્યર્ચયન્તિ ત્રિદશા મમ લિઙ્ગં સુરોત્તમૌ ।
તદેતત્પ્રતિગૃહ્ણીયાં નાન્યથેતિ કથઞ્ચન

તતઃ પ્રોવાચ ભગવાનેવમસ્ત્વિતિ કેશવ ।
બ્રહ્મ સ્વયં ચ જગ્રાહ લિઙ્ગં કનકપિઙ્ગલમ્

તતશ્ચકાર ભગવાંશ્ચાતુર્વર્ણ્યં હરાર્ચને ।
શાસ્ત્રાણિ ચૈષાં મુખ્યાનિ નાનોક્તિવિદિતાનિ ચ । ।
6.86 આદ્યં શૈવં પરિખ્યાતમન્યત્પાશુપતં મુને ।
તૃતીયં કાલવદનં ચતુર્થં ચ કપાલિનમ્

શૈવશ્ચાસીત્સ્વયં શક્તિર્વસિષ્ઠસ્ય પ્રિયઃ શ્રુતઃ ।
તસ્ય શિષ્યો બભૂવાથ ગોપાયન ઇતિ શ્રુતઃ

મહાપાશુપતશ્ચાસીદ્ભરદ્વાજસ્તપોધનઃ ।
તસ્ય શિષ્યો ઽપ્યભૂદ્રાજા ઋષભઃ સોમકેશ્વરઃ

કાલસ્યો ભગવાનાસીદાપસ્તમ્બસ્તપોધનઃ ।
તસ્ય શિષ્યોભવદ્વૈશ્યો નામ્ના ક્રાથેશ્વરો મુને

મહાવ્રતી ચ ધનદસ્તસ્ય શિષ્યશ્ચ વિર્યવાન્ ।
કર્ણોદર ઇતિ ખ્યાતો જાત્યા શૂદ્રો મહાતપાઃ

એવં મ ભગવાન્બ્રહ્મ પૂજનાય શિવસ્ય તુ ।
કૃત્વા તુ ચાતુરાશ્રમ્યં સ્વમેવ ભવનં ગતઃ

ગતે બ3હ્મણિ શર્વો ઽપિ ઉપસંહૃત્ય તં તદા ।
લિઙ્ગં ચિત્રવને સૂક્ષ્મં પ્રતિષ્ઠાપ્ય ચચાર હ ।
6.93 વિચરન્તં તદા ભૂયો મહેશં કુસુમાયુધઃ ।
આરાત્સ્થિત્વાગ્રતો ધન્વી સંતાપયિતુમુદ્યતઃ

તતસ્તમગ્રતો દૃષ્ટ્વા ક્રોધાધ્માતદૃશા હરઃ ।
સ્મરમાલોકયામાસ શિખાગ્રાચ્ચરણાન્તિકમ્

આલોકિતસ્ત્રિનેત્રેણ મદનો દ્યુતિમાનપિ ।
પ્રાદહ્યત તદા બ્રહ્મન્ પાદાદારભ્ય કક્ષવત્

પ્રદહ્યમાનૌ ચરણૌ દૃષ્ટ્વાસૌ કુસુમાયુધઃ ।
ઉત્સસર્જ ધનુઃ શ્રેષ્ઠં તજ્જગામાથ પઞ્ચધા

યદાસીન્મુષ્ટિબન્ધં તુ રુક્મપૃષ્ઠં મહાપ્રભમ્ ।
સ ચમ્પકતરુર્જાતઃ સુગન્ધાઢ્યો ગુણાકૃતિઃ

નાહસ્થાનં શુભાકારં યદાસીદ્વજ્રભૂષિતમ્ ।
તજ્જાતં કેસરારણ્યં બકુલં નામતો મુને

યા ચ કોટી સુભા હ્યાસીદિન્દ્રનીલવિભૂષિતા ।
જાતા સા પાટલા રમ્યા ભૃઙ્ગરાજિવિભૂષિતા

નાહોપરિ તથા મુષ્ટૌ સ્થાનં શશિમણિપ્રભમ્ ।
પઞ્ચગુલ્માભવજ્જાતી શશાઙ્કકિરણોજ્જ્વલા

ઊર્દ્ધ્વ મુષ્ટ્યા અધઃ કોટ્યોઃ સ્થાનં વિદ્રુમભૂષિતમ્ ।
તસ્માદ્ભુપુટા મલ્લી સંજાતા વિવિધા મુને

પુષ્પોત્તમાનિ રમ્યાણિ સુરભીણિ ચ નારદ ।
જાતિયુક્તાનિ દેવેન સ્વયમાચરિતાનિ ચ

મુમોચ માર્ગણાન્ ભૂમ્યાં શરીરે દહ્યતિ સ્મરઃ ।
ફલોપગાનિ વૃક્ષાણિ સંભૂતાનિ સહસ્રશઃ

ચૂતાદીનિ સુગન્ધીનિ સ્વાદૂનિ વિવિધાનિ ચ ।
હરપ્રસાદાજ્જાતાનિ ભોજ્યાન્યપિ સુરોત્તમૈઃ

એવં દગ્ધ્વા સ્મરં રુદ્રઃ સંયમ્ય સ્વતનું વિભુઃ ।
પુષ્યાર્થા શિશિરાદ્રિં સ જગામ તપસે ઽવ્યયઃ

એવં પુરા દેવવરેણ શંભુના કામસ્તુ દગ્ધઃ સશરઃ સચાપઃ ।
તતસ્ત્વનઙ્ગેતિ મહાધનુર્દ્ધરો દેવૈસ્તુ ગીતઃ સુરપૂર્વપૂજિતઃ