વામન પુરાણ · અધ્યાય 24

દેવદેવ ઉવાચ ।
એવં પૃથૂદકો દેવાઃ પુણ્યઃ પાપભયાપહઃ ।
તં ગચ્છધ્વં મહાતીર્થં યાવત્ સંનિધિવોધિતમ્

યદા મૃગશિરોઋક્ષે શશિસૂર્યૌ બૃહસ્પતિઃ ।
તિષ્ઠન્તિ સા તિથિઃ પુણ્યા ત્વક્ષયા પરિગીયતે

તં ગચ્છધ્વં સુરશ્રેષ્ઠા યત્ર પ્રાચી સરસ્વતી ।
પિતૄન્ આરાધયધ્વં હિ તત્ર શ્રાદ્ધેન ભક્તિતતઃ

તતો મુરારિવચનં શ્રુત્વા દેવાઃ સવાસવાઃ ।
સમાજગ્મુઃ કુરુક્ષેત્રે પુણ્યતીર્થં પૃથૂદકમ્

તત્ર સ્નાત્વા સુરાઃ સર્વે બૃહસ્પતિમચોદયન્ ।
વિશસ્વ ભગવન્ ઋક્ષમિમં મૃશિરં કુરુ ।
પુણ્યાં તિથિં પાપહરાં તવ કાલો ઽયમાગતઃ

પ્રવર્તતે રવિસ્તત્ર ચન્દ્રમાપિ વિશત્યસૌ ।
ત્વદાયત્તં ગુરો કાર્યં સુરાણાં તત્ કુરુષ્વ ચ

ઇત્યેવમુક્તો દેવૈસ્તુ દેવાચાર્યો ઽબ્રવીદિદમ્ ।
યદિ વર્ષાધિપો ઽહં સ્યાં તતો યાસ્યામિ દેવતાઃ

આષાઢે માસિ માર્ગર્ક્ષે ચન્દ્રક્ષયતિથિર્હિ યા ।
તસ્યાં પુરન્દરઃ પ્રીતઃ પિણ્ડં પિતૃષુ ભક્તિતઃ

પ્રાદાત્ તિલમધૂન્મિશ્રં હવિષ્યાન્નં કુરુષ્વથ ।
તતઃ પ્રીતાસ્તુ પિતરસ્તાં પ્રાહુસ્તનયાં નિજામ

મેનાં દેવાશ્ચ શૈલાય હિમયુક્તાય વૈ દદુઃ ।
તાં મેનાં હિમવાંલ્લબ્ધ્વા પ્રસાદાદ્ દૈવતેષ્વથ ।
પ્રીતિમાનભવચ્ચાસૌ રરામ ચ યથેચ્છયા

તતો હિમાદ્રિઃ પિતૃકન્યયા સમં સમર્પયન્ વૈ વિષયાન્ યથૈષ્ટમ્ ।
અજીજનત્ સા તનયાશ્ચ તિસ્રો રૂપાતિયુક્તાઃ સુરયોષિતોપમાઃ