વલ્લાલચરિત · અધ્યાય 2.7

ઇત્યાનન્દભટ્ટપ્રોક્તે વલ્લાલચરિતે ઉગ્રમાધવપૂજનં નામ ષષ્ઠોધ્યાયઃ ।
અથ સપ્તમા ઽધ્યાયઃ
કસ્મિંશ્ચિત્ કાલે પદ્માક્ષી વલ્લાલદયિતા પુરા ।
શઙ્કરં પૂજિતું તત્ર મહાસ્થાનમુપાગતા

ગૃહીત્વા બહુદ્રવ્યાણિ હૈમાનિ રાજતાનિ ચ ।
આતપત્રઞ્ચ દેવસ્ય દેવ્યાશ્ચ કર્ણપાલિકામ્

પ્રાલમ્બિકાઞ્ચ કટકં કિરીટં કણ્ઠભૂષણમ્ ।
અઙ્ગદં કઙ્કણં સારશનઞ્ચ નૂપુરાદિકમ્

વસ્ત્રાણિ ચ મહાર્હાણિ પતાકાશ્ચ ધ્વજાનિ ચ ।
યજ્ઞસૂત્રાણિ ગન્ધાનિ નાનોપકરણાનિ ચ

અર્ચયામાસ દેવં સા દેવીં ચ સ પુરોહિતઃ ।
નૈવેદ્યે સ્તૈરલઙ્કારૈચ્છત્રેણ ચ પરં મુદા

પૂજયિત્વા ગતા દેવી સારુહ્ય હયનં વરમ્ ।
પુરોહિતઃ સ્થિતસ્તત્ર દ્રવ્યાણામંશકાઙ્ક્ષયા

સ મહાન્તમ્ ધર્મ્મગિરિં વલદેવ ઉવાચ હ ।
ભદન્ત દેહિ મે ભાગમ્ મત્પ્રાપ્યમચિરેણ ભોઃ

તચ્છ્રત્વા તદ્વચઃ સ્થાનાધિપઃ સ પ્રત્યુવાચ તમ્ ।
અદદામ ન કસ્મૈચિત્ ભાગમેવ કદાચન

[[038]]
અતો ન દદ્યાં ભવતે ગચ્છ ગચ્છ ગૃહં વ્રજ ।
ઇત્થં તાભ્યામભૂત્તત્ર વાક્પારુષ્યં કિયત્ક્ષણમ્

વલદેવસ્તતઃ ક્રદ્ધો દેવલેશં શશાપ હ ।
નિપતધ્વમરે મૂઢ ન તે ભદ્રં ભવિષ્યતિ

શ્રુત્વા તદ્દેવલેશસ્ત્વં ક્રોધમ્લેચ્છાનનાનનઃ ।
વલદેવં ગણ્ડદેશે ચપેટેન વ્યતીતડત્

આદિશત્ વ્યાયતાન્ શિષ્યાન્ એષોપસાર્ય્યતામિતિ ।
તતસ્તે પુરુષાશ્ચક્રુઃ ગુરોરાજ્ઞાપ્રપાલનમ્ ।
વલદેવસ્તતો ઽગચ્છદ્રુદન્નૃપતિસન્નિધિમ્

આદ્યોપાન્તં યથાવૃત્તં નૃપે સર્વ્વમચીકથત્ ।
પાર્ષદ્યા બ્રાહ્મણાશ્ચાપિ ચક્રુસ્તસ્ય સમર્થનમ્

વલદેવસ્ય વાક્યસ્ય પ્રોચુશ્ચ દણ્ડ્યતાં ગિરેઃ ।
એવં વિજ્ઞાય રાજાસાવપમાનં પુરોધસઃ ।
મન્યુના સ પ્રજજ્વાલ વહ્નિના પટલં યથા

નિર્વ્વાસ્યતાં ધર્મ્મગિરી રાષ્ટ્રાન્મે સ્વગણૈઃ સહ ।
ઇતિ રાજા રુદ્રનાગમન્વશાત્ દણ્ડનાયકમ્

નિધિર્ગુણાનાં સ્વજનૈકબન્ધુઃ સત્યં વિધાતુર્દ્વિજવર્ય્યવાક્યમ્ ।
ચકાર રાષ્ટ્રાત્ સ વહિષ્કૃતં તં ગણેન સાર્દ્ધં કિલ રાજસિંહઃ