વલ્લાલચરિત · અધ્યાય 2.6

ઇત્યાનન્દભટ્ટપ્રોક્તે વલ્લાલચરિતે લક્ષ્મણાનયનં નામ પઞ્ચમો ઽધ્યાયઃ ।
[[034]]
અથ ષષ્ઠોધ્યાયઃ
અથાસ્તિ શૈવૈઃ સકલૈશ્ચ શાક્તૈઃ સૌરૈસ્તથા વૈષ્ણવગાણપત્યૈઃ ।
ઉપાસિકોપાસકદણ્ડિભિશ્ચ વન્દ્યઃ સદા ભિક્ષુકભિક્ષુણીભિઃ

વિપ્રૈશ્ચ ક્ષેત્રૈઃ વરિગજૈશ્ચ શૂદ્રૈઃ સન્ન્યાસિભિ ર્માનુષમાનુષીભિઃ ।
સર્વ્વૈશ્ચ પૂજ્યો વરદઃ પ્રસિદ્ધ ઉ માધવોગ્રઃ કિલ દેવદેવઃ

અથાનાદિમહાલિઙ્ગં પૂર્વ્વસ્મિન્ ગૌડ્મણ્ડલે ।
ગતાઃ સ્મ પૂજિતું દેવં માનવા ઉગ્રમાધવમ્

બ્રાહ્મણાઃ ક્ષત્રિયાઃ સર્વ્વે વૈશ્યાશ્ચ મનુજાદયઃ ।
સત્શૂદ્રાદ્યાશ્ચ શૂદ્રાશ્ચ મહાસ્થાનમુપાગતાઃ ॥ વલ્ચ્_2,6.4
કેચિત્ પુષ્પાણિ સંગૃહ્ય ધૂપદીપાનથાપરે ।
કેચિત્ ગન્ધઞ્ચ નૈવેદ્યાન્ કેચિત્ વ્યજનચામરાન્

કેચિચ્છત્રાણિ રત્નાનિ દામ્નશ્ચ વસનાનિ ચ ।
ઇત્યાદીનિ સમાગૃહ્ય તે દ્રવ્યાણિ સમાગતાઃ

ષડાર્ત્તવૈઃ પ્રસૂનૈશ્ચ કરવીરાદિભિર્જનાઃ ।
સ્વભુવં પૂજયામાસ ર્ધૂપૈશ્ચ ચન્દનાદિભિઃ

વારિભિસ્તીર્થજૈઃ સ્વચ્છૈઃ કુઙ્કુમૈઃ સહ રઞ્જિતૈઃ ।
શઙ્કરં સ્નાપયામાસુઃ શીતલૈશ્ચ સુગન્ધિભિઃ

દદુ ર્ઘૃતપ્રદીપાન્ ચ તૈલદીપાનથાપરે ।
ક્ષીરાર્ઘઞ્ચ દદુસ્તત્ર પાદ્યઞ્ચામલવારિભિઃ

ગોપાયસૈ ર્ગોઘૃતૈશ્ચ મધુકુઙ્કુમકર્પૂરૈઃ ।
પઞ્ચામૃતૈઃ કેશરૈશ્ચ ગુડૈશ્ચ શર્કરૈરપિ

ચન્દનશ્ચ સુગન્ધશ્ચ પઞ્ચગન્ધૈ ર્મુદાપરે ।
શઙ્કરં લેપયામાસુ ર્માનવા ભક્તિતત્પરાઃ

શાલ્યન્નમોદનૈર્યુક્તં પરમાન્નં દદુ ર્મુદા ।
લડ્ડુકાઞ્ચ પિષ્ટકાઞ્ચ નૈવેદ્યાન્ વિવિધાનપિ

પતાકાન્ સ્થાપયામાસુશ્ચલચ્ચીનાંશુકાન્ તથા ।
નનૃતુશ્ચ જગુઃ કેચિત્ કેચિત્ ઘણ્ટામવીવદન્

સુવર્ણં રજતં તામ્રં દદુઃ કેચિત્ સ્વયમ્ભુવે ।
દદુશ્ચ પઞ્ચરત્નાનિ સહ લાજાક્ષતૈ ર્નરાઃ

કરોદ્ધર્ત્તનતામ્બલમુખવાસાન્ દદુસ્તથા ।
દેવસ્યારૂરુપન્ મૂર્દ્ધ્નિ દુર્વ્વાપુષ્પાક્ષતાનિ ચ

એવં પઞ્ચોપચારેણ માનવા ભૂસુરાદયઃ ।
શિવમીજુ ર્જપઞ્ચક્રુઃ પ્રચક્રુશ્ચ પ્રદક્ષિણામ્

નૃત્યૈ ર્ગીતૈ ર્મહોત્સાહૈઃ વાદ્યૈશ્ચ મધુરસ્વનૈઃ ।
હાં હુઙ્કારૈઃ સમુલ્લાસૈર્વાહયન્નુગ્રમાધવમ્

[[036]]
કેચિત્પઞ્ચાઙ્ગયુક્તેન સાષ્ટાઙ્ગેન તથાપરે ।
પ્રણેમુશ્ચાર્પયામાસુઃ સ્તોત્રઞ્ચ મધુરસ્વનૈઃ

ભલ્લકૈ ર્ઝલ્લરીભિશ્ચ મૃદઙ્ગૈર્મર્દ્દલૈસ્તથા ।
મુરલીભિશ્ચ તન્ત્રીભિઃ કેચિદીજુઃ સ્વયમ્ભુવમ્

જયમઙ્ગલગાથાભિર્ધારણીભિશ્ચ ગીતિભિઃ ।
શઙ્કરં ભિક્ષુભિક્ષુણ્યરીજુર્ગાનૈશ્ચ ભાષજૈઃ

સુસ્વરૈ ર્વેદપાઠૈશ્ચ વિપ્રા વેદવિદાં વરાઃ ।
ક્ષત્રિયા સ્વર્ણરત્નાદિછત્રકૈશ્ચ મહોત્તમૈઃ

વણિકાશ્ચૂડામણિભિઃ સૌવર્ણૈ ર્બિલ્વપત્રકૈઃ ।
શૂદ્રાશ્ચ પૂજયામાસુ ર્વિવિધૈશ્ચ ક્રિયાફલૈઃ

અથાન્યે આગતા યે ચ જાતયો રજકાદયઃ ।
તે સર્વ્વે દૂરતઃ સ્થિત્વા પ્રણેમુશ્ચ પુનઃ પુનઃ