વલ્લાલચરિત · અધ્યાય 2.25

ઇત્યાનન્દભટ્ટપ્રોક્તે વલ્લાલચરિતે દાનવર્મ્માનુષ્ઠાનં નામ ચતુર્વિંશો ઽધ્યાયઃ ।
અથ પઞ્ચવિંશો ઽધ્યાયઃ
ઓંનમઃ શિવાય ।
આદિત્યવર્ણસ્તમસઃ પરસ્તાત્ હિરણ્યગર્ભો જગદન્તરાત્મા ।
ત્વત્તો ઽસ્તિ જાતઃ પુરુષઃ પુરાણઃ ત્વત્તો ઽપિ વેદા જય દેવ દેવ

ત્વત્તઃ પ્રસૂતા જગતઃ પ્રસૂતિઃ સર્વ્વાનુભૂસ્ત્વં પરમાણુભૂતઃ ।
અનોરણીયાન્ મહતો મહીયાન્ આનન્દરુપ જય દેવ શમ્ભો

ત્વમેવ વિષ્ણુશ્ચતુરાનનસ્ત્વમ્
ત્વમેવ રુદ્રો ભગવાન્ મહેશઃ ।
ખં બ્રહ્મ શૂન્યં સગુણોગુણશ્ચ
ચિન્માત્રરુપો જય દેવ સર્વ્વ

એકોરુદ્રસ્ત્વં કરોષીહ વિશ્વમ્
ત્વં પાલયસ્યખિલં વિશ્વરૂપમ્ ।
ત્વામેવાન્તે નિલયં વિન્દતીદમ્
વન્દામહે જયદેવાદિદેવ

[[116]]
પ્રમુઞ્ચમાન અમૃતસ્ય ધારાં
સમેહિ તાપં સુરમાનુષાણામ્ ।
અનન્તરુપં ખલુ બોધયન્તિ
ત્વામેવ વેદા જય વિશ્વનાથ

અધિમુક્તિવિમુક્તિપ્રદં ભવમ્
મહામુનિં બ્રહ્મપરં પવિત્રમ્ ।
શિરસા વન્દામહે જગદ્ગુરુમ્
સ્વયમ્ભવં દેવ જય લોકનાથ

ત્રાતાસિ દીપ્તોસિ પરાયણેસિ
નાથોસિ લોકે પ્રણતો ઽસ્મિ તુભ્યમ્ ।
વૈદ્યોત્તમસ્ત્વં ખલુ શલ્યહર્ત્તા
ચિકિત્સકસ્ત્વં જય દેવદેવ

અમલં વિમલં રજતાદ્રિનિભમ્
ભવપારકારં જગદર્થકરમ્ ।
પઞ્ચધા વિમોક્ષવર ચક્ષુઃપ્રદમ્
વન્દામહે ત્રિનયનં જય દેવ

સહસ્રપાદાક્ષિશિરોભિયુક્તમ્
સહસ્રવાહું પરતઃ પરસ્તાત્ ।
ત્વાં બ્રહ્મપારં પ્રણમામિ શમ્ભુમ્
પિનાકિનં ત્વાં જય દેવદેવ

ઉમાધવોગ્રાય ભવોદ્ભવાય
નમામિ સર્વ્વાય હરાય તુભ્યમ્ ।
કાલાય ભગાય પ્રભાકરાય
સર્વ્વાત્મને દેવ નમઃ શિવાય