વલ્લાલચરિત · અધ્યાય 2.1

ઇત્યાનન્દભટ્ટપ્રોક્તે વલ્લાલચરિતે પૂર્વ્વખણ્ડં સમ્પૂર્ણમ્ ।
[[015]]
વલ્લાલચરિતમ્
ઉત્તરખણ્ડમ્
અથ પ્રથમો ઽધ્યાયઃ ।
વલ્લાલચરિતં પૂર્બ્બખણ્ડીયં કથિતં મયા ।
શ્રૂયતામુત્તરે ખણ્ડે વિસ્તરાત્ કથ્યતે ઽધુના

સેનવંશધરો રાજા વલ્લાલો નામ વિશ્રુતઃ ।
પુરેમામભુનક્ પૃથ્વીં પ્રભાવાક્ષતશાસનઃ

પ્રભુશ્ચ યૌવનસ્થો ઽપિ તસ્મિન્નાસીદ્વિવેકતા ।
નાહારિ બ્રાહ્મણી કન્યા કદાચિદપિ ભૂભૃતા ॥ વલ્ચ્_2,1.3
કામાચારો ઽપિ દૃપ્તો ઽપિ સ પ્રિયઙ્કરકિઙ્કરઃ ।
કદાચિચ્ચ પરસ્ત્રીણાં જારત્વં નાકરોન્નૃપઃ

અસેવિ ચાણ્ડાલકન્યા રાજ્ઞા દ્વાદશવાર્ષિકી ।
નટીકન્યા ચ સિદ્ધ્યર્થં પાષણ્ડમતવર્ત્તિના

યાવન્નાસીત્ ભટ્ટપાદૈરુપદિષ્ટો મહીપતિઃ ।
તાવત્ સ કૃતવાન્ કર્મ્મ તત્તત્ સજ્જનગર્હિતમ્

[[016]]
ભટ્ટાનુવ્રતિના તેન તતો વિમલબુદ્ધિના ।
કિં કિં નાનુષ્ઠિતં કર્મ્મ બ્રાહ્મણાનાં પ્રિયઙ્કરમ્

વઙ્ગવાગદડિવારેન્દ્રરાઢાભૂર્મિથિલાપિ ચ ।
તસ્યાસીદ્વિપુલં રાષ્ટ્રમેતદ્વિષયપઞ્ચકમ્

વસતિસ્મ નૃપઃ શ્રીમાન્ પુરા ગૌડે પુરોત્તમે ।
કદાચિદ્વા યથાકામં નગરે વિક્રમે પુરે

સ્વર્ણગ્રામે કદાચિદ્વા પ્રાસાદે સુમનોહરે ।
રમમાનઃ સહ શ્રીભિર્દિવીવ ત્રિદિવેશ્વરઃ

વૈહારિકાસુ વિદ્યાસુ વાજિપૃષ્ઠે ચ પણ્ડિતઃ ।
શસ્ત્રાસ્તેષુ પરં દક્ષો દાને કર્ણ ઇવાપરઃ