વૈશેષિકસૂત્ર · અધ્યાય 1.2

કારણાભાવાત્ કાર્યાભાવઃ

ન તુ કાર્યાભવાત્ કારણાભાવઃ

સામાન્યં વિશેષ ઇતિ બુદ્ધ્યપેક્ષમ્

ભાવઃ સામાન્યમ્ એવ

દ્રવ્યત્વં ગુણત્વં કર્મત્વં ચ સામાન્યાનિ વિશેષાશ્ ચ

અન્યત્રાન્ત્યેભ્યો વિશેષેભ્યઃ

સદ્ ઇતિ યતો દ્રવ્યગુણકર્મસુ

દ્રવ્યગુણકર્મભ્યો ઽર્થાન્તરં સત્તા

એકદ્રવ્યવત્ત્વાન્ ન દ્રવ્યમ્

ગુણકર્મસુ ચ ભાવાન્ ન કર્મ ન ગુણઃ

સામાન્યવિશેષાભાવાચ્ ચ

એકદ્રવ્યવત્ત્વેન દ્રવ્યત્વમ્ ઉક્તમ્

સામાન્યવિશેષાભાવેન ચ

ગુણે ભાવાદ્ ગુણત્વમ્ ઉક્તમ્

સામાન્યવિશેષાભાવાચ્ ચ

કર્મણિ ભાવાત્ કર્મત્વમ્ ઉક્તમ્

સામાન્યવિશેષાભાવાચ્ ચ

સલ્લિઙ્ગાવિશેષાદ્ વિશેષલિઙ્ગાભાવાચ્ ચૈકો ભાવઃ