તિકનિકયાત્ર · અધ્યાય 8

અયનાનુકૂલગમનં હિતમ્ અર્કેન્દ્વોર્ દ્વયોર્ અસંપત્તૌ।
દ્યુનિશં જયાય યાયાદ્ વિપર્યયે ક્લેશભઙ્ગવધાઃ॥

ઉદિતો યતો યતશ્ ચ ભ્રમણે યદ્વારભેષુ ચારગતે।
તદ્રિ?બિધં પ્રતિશુક્રં ત્યાજ્યસ્ તત્રોદયો યત્નાત્॥

ન પ્રતિશુક્રે સિદ્ધિં સ્વલ્પો ઽપ્ય્ અર્થઃ પ્રયાતિ યાતૃણામ્।
કામં વ્રજેત્ પ્રતિભૃગું જિજીવિષુર્ નાસ્તગે શુક્રે॥

કલુષિ વપુષિ ગ્રહહતે પ્રતિલોમે નીચગે ઽસ્તગે ચ ભૃગૌ।
બલસંપન્નો ઽપિ નૃપો યાતા શત્રોર્ વશં યાતિ॥

એવંવિધે ઽપિ યાયાદ્ યદિ શુક્રે ચન્દ્રજો ઽનુકૂલસ્થઃ।
પ્રતિબુધયાતસ્યાન્યે ન પરિત્રાણે ગ્રહાઃ શક્તાઃ॥

યો ઽપિ પતિર્ દિશિ યસ્યાં તસ્મિન્ તત્સ્થે ન તાં દિશં યાયાત્।
અનુકૂલે ચ દિગીશે ગતવ્યં કણ્ટકોપગતે॥એ6