તિકનિકયાત્ર · અધ્યાય 7

લગ્નોપગતૈઃ સૌમ્યૈર્ આરોગ્યં ભવતિ ચિત્તસૌખ્યઞ્ ચ।
અર્થસ્થૈર્ અર્થચયો યોધવિવૃદ્ધિસ્ તૃતીયસ્થૈઃ॥

વાહનસુહૃદાં વૃદ્ધિશ્ ચતુર્થગૈઃ પઞ્ચગૈશ્ ચ મન્ત્રિબલમ્।
રિપુનાશઃ ષષ્ઠસ્થૈઃ ભૃગુવર્જં સપ્તમેષુ હિતાઃ॥

રક્ષન્ત્ય્ આયુન્નિ(ર્નિ)ધને શશિવર્જં નવમભેષુ વસુસમ્પત્।
કર્મણિ સિદ્ધિર્ લાભો બલસમ્પાતશ્ ચ દશમાદ્યૈઃ॥

ભૌમાર્કાર્કિશશાઙ્કૈર્ લગ્ને વધબન્ધમરણસન્ત્રાસાઃ।
અર્થક્ષયો દ્વિતીયૈસ્ તૃતીયસંસ્થૈર્ યશો દ્યુતિમત્॥

વાહનબન્ધુવિયોગો મન્ત્રખાવો રિપુક્ષયશ્ ચેતિ।
હિબુકાદિષુ સપ્તમગૈઃ સ્વવિષયનાશો ભૃગુસુતે ચ॥

મૃત્યુર્ નિધનોપગતૈઃ સેનાવ્યસનં મહન્ નવમસંસ્થૈઃ।
કુજસૂર્યૌ દશમસ્થૌ જયદૌ ભઙ્ગપ્રદઃ સૌરિઃ॥

જયમ્ એકાદશસંસ્થૈઃ ક્રૂરૈર્ અન્ત્યોપગૈઃ સ્વબલભેદઃ।
ઉપચયવર્જં સૌમ્યૈર્ યાતુઃ પાપૈર્ વિપર્યસ્તમ્॥

ક્રૂરો ઽપ્ય્ અનુકૂલસ્થઃ શસ્તો લગ્ને શુભો ઽપિ વાનિષ્ટઃ।
વક્રી ન શુભઃ કેન્દ્રે તદહસ્ તદ્વર્ગલગ્નઞ્ ચ॥

સામપતી જીવસિતૌ ભેદસ્ય તુ રાહુકેતુબુધસૌરાઃ।
દણ્ડસ્યાર્કક્ષિતિજાબુધ(વ્ અથ) પ્રદાનસ્ય શીતાંશુઃ॥

આટવિકો(ક)દેશરિપુમન્ત્રિમૌલિ(ક)શ્રેણિભૃતકવીર્યેશાહ્।
સૂર્યાદિભિર્ અનુકૂલૈસ્ તદ્ ઉદયવર્ગૈશ્ ચ તત્સિદ્ધિઃ॥

નીચસ્થા ગ્રહવિજિતા રવ્યભિભૂતા વિરશ્મયો હ્રસ્વાઃ।
ભુજગા ઇવ મન્ત્રહતા ભવન્ત્ય્ અકાર્યક્ષમા લગ્ને॥

યેષાં ગમે નવમપઞ્ચમકણ્ટકસ્થાઃ સૌમ્યાસ્ ત્રીતીયરિપુલાભગતાશ્ ચ પાપાઃ।
આયાન્તિ તે સ્વભવનાનિ પુનઃ કૃતાર્થાઃ દત્તા દ્વિજાતિષુ તથા વિધિવદ્ યથાર્થાઃ॥

એકસ્મિન્ન્ અપિ કેન્દ્રે યદિ સૌમ્યો ન ગ્રહો ઽસ્તિ યાત્રાયામ્।
જન્મન્ય્ અથ વા કર્મણિ ન તચ્ છુભં પ્રાહુર્ આચાર્યાઃ॥

રાહ્વર્કારશિખિસિતા યાયિન ઇતિ શર્વરીશ આક્રન્દઃ।
ગુરુબુધ્હસૌરાઃ પૌરાઃ પૌરઃ સૂર્યો ઽપિ પૂર્વાહ્ણે॥

યાયિભિર્ અનુકૂલસ્થૈર્ યાનં પૌરૈર્ વિગૃહ્ય ચાસીનમ્।
પૌરેતરૈર્ અપિ શુભૈર્ યાયાદ્ અર્ધેન સૈન્યસ્ય॥

સર્વૈર્ અપ્ય્ અશુભકરૈઃ શુભદૈવં સંશ્રયેત્ પ્રધાનનૃપમ્।
બલસિદ્ધિઃ સૌમ્યફલૈર્ બલિભિઃ ક્રૂરૈર્ જયો યુદ્ધે॥એ16