તત્ત્વજ્ઞાનસંસિદ્ધિ · અધ્યાય 3

ઇતિ તત્ત્વજ્ઞાનસંસિદ્ધૌ ભાવનાવિધિઃ ॥ 2 ॥
અધ્યેષિતશ્ચ બહુશઃ શિષ્યૈઃ કૃતમણ્ડલૈઃ પદાવ્જનતૈઃ ॥
મન્ત્રી તિથૌ દશમ્યાં વિદધીતાનુગ્રહન્તેષાં

સંપૂજ્ય મંત્રરૂપાં દેવીં ચક્રસ્થિતાં વિહિતયોમઃ ।
આદાય મંત્રજપ્તં પરમાદ્યં નિષ્ક્રમેત્તસ્માત્

અથ વિહિતપઞ્ચમણ્ડલમૂર્દ્ધસ્થાં તદન્તદક્ષિણંશિષ્યં ।
કુસુમસ્રજં દધાનં ધ્યાતકેનાથં ગુરુઃ પશ્યેત્
તદનુ ચ યથોક્તં દેવીચક્રં પ્રોદ્યન્મરીચિકં રયવત્ ।
ધ્યાત્વાન્તબાસિગાત્રે વજ્રભૃત્તસ્ય સંદદ્યાત્

એવં સ્યાદાવેશસ્તત્કલિકા પ્રકમ્પનં વાષ્પઃ ।
પાતો જ્ઞાનોત્પાદઃ સ્વારૂપઞ્ચાપિ પરિપાદ્યાઃ

તદનુ કથયેત્સમાધિં પૂજામંત્રં ચ વજ્રયોગિન્યાઃ ।
શ્રદ્ધાન્વિતસ્ય ગુણિનો ગુરુબુદ્ધાભિન્નસદ્ભક્તેઃ

કથયેન્ન યોગમેનં સદ્યઃ પ્રત્યયકરં સુસિદ્ધંવા ॥
શ્રદ્ધાવિરહિતમનસો ભક્તિવિહીનશિષ્યસ્ય

વિદધાતિ યસ્તુ પૂજાં દેવીચક્રસ્ય મંત્રયુક્તસ્ય ।
તસ્યાપયાન્તિ ભયાન્યષ્ટૌ પાપાનિ ચ મહાન્તિ

દુર્ભગતા દારિદ્ર્યં વ્યાધિજરાદુઃખદૌર્મનસ્યાનિ ।
ભ્રમકલિકલુષક્લેશાઃ પીડા નાનાવિધાશ્ચાપિ

યો જપતિ ચક્રમન્ત્રં ધ્યાત્વા હૃદયે નિરોધવાચાસૌ ।
પ્રાપ્નોત્યષ્ટૌ સિદ્ધીઃ પઞ્ચાભિજ્ઞાંસ્તથાષ્ટગુણાન

ધ્યાયતિ યઃ કિરવક્ત્રાં પ્રતિદવસં યત્નતશ્ચતુઃસંધ્યં હરિહરહિરણ્યગર્ભૈર્જેતુમશક્યાં મૃતિં જયતિ