તત્ત્વજ્ઞાનસંસિદ્ધિ · અધ્યાય 4

વસ્ત્રાન્નપાનધનધાન્યવિશાલભૂમિઃ પ્રાસાદદિવ્યશયનાસનસાધનાનિ ।
તસ્યોદ્ભવન્તિ દયિતા વિવિધાશ્ચ વિદ્યા, યો ભાવયત્યશનિકોલમુખીં સચક્રાં ॥ 12 ॥
ઇતિ તત્વજ્ઞાનસંસિદ્ધૌ સાનુશંસા શિષ્યાનુગ્રહવિધિઃ ॥
મંત્રોદ્ધારમતઃ પરમધિધાસ્યે વજ્રયોગિનીહૃદયં ।
કર્ણાત્કર્ણમુપાગતમાસ્યાદાસ્યં તથાક્રમતઃ

પૂર્વોદિતમિવ ચક્ર સંલિખ્યં મરુદ્ગણાલયોપેતાં ।
તત્ર લિખેત્પરિપાટિત આલિકાલિં તથૈવ કોણં

ઝાધરગં ડાધરસ્થં હાધરગવિભૂષિતં સમાયુક્તં ।
ત્રિકમાદિતો વિલિખ્યં સદક્ષરં તત્વપરિદીપિ

ભોર્દ્ધગતં છોર્દ્ધસ્થિતસમેતટોર્દ્ધસ્થિતં તદનુ લેખ્યં ।
ડાધરયુતં ષાધારગં ષોર્દ્ધસ્થિતયુક્તશોર્દ્ધગતં

ઞાધરયુતઌતલસ્થં ટાધરયુતપોર્દ્ધસંસ્થિતં ।
તદનુ ઠાધરગાન્વિતફોર્દ્ધગં ઐવામયુતં હટાન્તસ્થં

ચસમધ્યગતં ઠસવ્યગસમેતં ભાધરસુસંસ્થિતં ।
તદનુ હથમધ્યગતં તવામયુક્તં ઠલમધ્યગ પશ્ચાત્

સર્વકરાન્તફમધ્યગં તૃતીયવર્ગાદિવામગસમેતં ।
ણોર્દ્ધયુતં લાધરગં છોર્દ્ધસ્થં ભતલગં ઠસવ્યયુતં

તોર્દ્ધગયુતં ષાધરગં થોર્દ્ધદસંયુક્તં ણાધરગં પશ્ચાત્ ।
ફાધરગં ઠાધરસંયુક્તં ફોર્દ્ધસ્થં ણોર્દ્ધયુક્તં લાધરગં

ડાધરશૂન્યસમેતં ત્રિવતલગં ચોર્દ્ધસ્થિતં રતલં ।
થાધરયુતં શાધરગં ઞાધરસમાયુક્તં ચાપિ

સયમધ્યગં ઝવામગસમેતમુક્તાક્ષરકૃતો રહસ્યઃ ।
મંત્રોયમશનીદેવ્યા લેખ્યો જપ્યો વિભાવ્યશ્ચ

ચિન્તામણિઃ કલ્પકુઠાગ્રકુમ્ભઃ શ્રીકામદુગ્ધેનુરપિ પ્રશસ્તાઃ ।
તે સાધ્યમાના દદતીહ વિત્તાન્યયન્તુ સૌખ્યં સધનં દદાતિ