તન્ત્રાલોક · અધ્યાય 36

આયાતિરથ શાસ્ત્રસ્ય કથ્યતે@વસરાગતા ।0બ્
શ્રીસિદ્ધાદિવિનિર્દિષ્ટા ગુરુભિશ્ચ નિરૂપિતા ।
ભૈરવો ભૈરવી દેવી સ્વચ્છન્દો લાકુલો@ણુરાટ્ ॥ 1

ગહનેશો@બ્જજઃ શક્રો ગુરુઃ કોટ્યપકર્ષતઃ ।
નવભિઃ ક્રમશો@ધીતં નવકોટિપ્રવિસ્તરમ્ ॥ 2

એતૈસ્તતો ગુરુઃ કોટિમાત્રાત્ પાદં વિતીર્ણવાન્ ।
દક્ષાદિભ્ય ઉભૌ પાદૌ સંવર્તાદિભ્ય એવ ચ ॥ 3

પાદં ચ વામનાદિભ્યઃ પાદાર્ધં ભાર્ગવાય ચ ।
પાદપાદં તુ બલયે પાદપાદસ્તુ યો@પરઃ ॥ 4

સિંહાયાર્ધં તતઃ શિષ્ટાદ્દ્વૌ ભાગૌ વિનતાભુવે ।
પાદં વાસુકિનાગાય ખણ્ડાઃ સપ્તદશ ત્વમી ॥ 5

સ્વર્ગાદર્ધં રાવણો@થ જહ્રે રામો@ર્ધમપ્યતઃ ।
વિભીષણમુખાદાપ ગુરુશિષ્યવિધિક્રમાત્ ॥ 6

ખણ્ડૈરેકાન્નવિંશત્યા વિભક્તં તદભૂત્તતઃ ।
ખણ્ડં ખણ્ડં ચાષ્ટખણ્ડં પ્રોક્તપાદાદિભેદતઃ ॥ 7

પાદો મૂલોદ્ધારાવુત્તરવૃહદુત્તરે તથા કલ્પઃ ।
સાંહિતકલ્પસ્કન્દાવનુત્તરં વ્યાપકં ત્રિધા તિસ્રઃ ॥ 8

દેવ્યો@ત્ર નિરૂપ્યન્તે ક્રમશો વિસ્તારિણૈવ રૂપેણ ।
નવમે પદે તુ ગણના ન કાચિદુક્તા વ્યવચ્છિદાહીને ॥ 9

રામાચ્ચ લક્ષ્મણસ્તસ્માત્ સિદ્ધાસ્તેભ્યો@પિ દાનવાઃ ।
ગુહ્યકાશ્ચ તતસ્તેભ્યો યોગિનો નૃવરાસ્તતઃ ॥ 10

તેષાં ક્રમેણ તન્મધ્યે ભ્રષ્ટં કાલાન્તરાદ્યદા ।
તદા શ્રીકણ્ઠનાથાજ્ઞાવશાત્ સિદ્ધા અવાતરમ્ ॥ 11

ત્ર્યમ્બકામર્દકાભિખ્યશ્રીનાથા અદ્વયે દ્વયે ।
દ્વયાદ્વયે ચ નિપુણાઃ ક્રમેણ શિવશાસને ॥ 12

આદ્યસ્ય ચાન્વયો જજ્ઞે દ્વિતીયો દુહિતૃક્રમાત્ ।
સ ચાર્ધત્ર્યમ્બકાભિખ્યઃ સંતાનઃ સુપ્રતિષ્ઠિતઃ ॥ 13

અતશ્ચાર્ધચતસ્રો@ત્ર મઠિકાઃ સંતતિક્રમાત્ ।
શિષ્યપ્રશિષ્યૈર્વિસ્તીર્ણાઃ શતશાખં વ્યવસ્થિતૈઃ ॥ 14

અધ્યુષ્ટસંતતિસ્રોતઃસારભૂતરસાહૃતિમ્ ।
વિધાય તન્ત્રાલોકો@યં સ્યન્દતે સકલાન્રસાન્ ॥ 15

ઉક્તાયાતિરુપાદેયભાવો નિર્ણીયતે@ધુના ।