તન્ત્રાલોક · અધ્યાય 24

અથ શામ્ભવશાસનોદિતાં સરહસ્યાં શૃણુતાન્ત્યસંસ્ક્રિયામ્ ॥ 1બ્

સર્વેષામધરસ્થાનાં ગુર્વન્તાનામપિ સ્ફુટમ્ ।
શક્તિપાતાત્પુરાપ્રોક્તાત્કુર્યાદન્ત્યેષ્ટિદીક્ષણમ્ ॥ 2

ઊર્ધ્વશાસનગાનાં ચ સમયોપહતાત્મનામ્ ।
અન્ત્યેષ્ટિદીક્ષા કર્તવ્યા ગુરુણા તત્ત્વવેદિના ॥ 3

સમયાચારદોષેષુ પ્રમાદાત્સ્ખલિતસ્ય હિ ।
અન્ત્યેષ્ટિદીક્ષા કાર્યેતિ શ્રીદીક્ષોત્તરશાસને ॥ 4

યત્કિંચિત્કથિતં પૂર્વં મૃતોદ્ધારાભિધે વિધૌ ।
પ્રતિમાયાં તદેવાત્ર સર્વં શવતનૌ ચરેત્ ॥ 5

શ્રીસિદ્ધાતન્ત્રકથિતો વિધિરેષ નિરૂપ્યતે ।
અન્તિમં યદ્ભવેત્પૂર્વં તત્કૃત્વાન્તિમમાદિમમ્ ॥ 6

સંહૃત્યૈકૈકમિષ્ટિર્યા સાન્ત્યેષ્ટિર્દ્વિતયી મતા ।
પૂજાધ્યાનજપાપ્લુષ્ટસમયે નતુ સાધકે ॥ 7

પિણ્ડપાતાદયં મુક્તઃ ખેચરો વા ભવેત્પ્રિયે ।
આચાર્યે તત્ત્વસંપન્ને યત્ર તત્ર મૃતે સતિ ॥ 8

અન્ત્યેષ્ટિર્નૈવ વિદ્યેત શુદ્ધચેતસ્યમૂર્ધનિ ।
મન્ત્રયોગાદિભિર્યે ચ મારિતા નરકે તુ તે ॥ 9

કાર્યા તેષામિહાન્ત્યેષ્ટિર્ગુરુણાતિકૃપાલુના ।
ન મણ્ડલાદિકં ત્વત્ર ભવેચ્છમાશાનિકે વિધૌ ॥ 10

કેચિત્તદપિ કર્તવ્યમૂચિરે પ્રેતસદ્મનિ ।
પૂજયિત્વા વિભું સર્વં ન્યાસં પૂર્વવદાચરેત્ ॥ 11

સંહારક્રમયોગેન ચરણાન્મૂર્ધપશ્ચિમમ્ ।
તથૈવ બોધયેદેનં ક્રિયાજ્ઞાનસમાધિભિઃ ॥ 12

બિન્દુના રોધયેત્તત્ત્વં શક્તિબીજેન વેધયેત્ ।
ઘટ્ટયેન્નાદદેશે તુ ત્રિશૂલેન તુ તાડયેત્ ॥ 13

સુષુમ્નાન્તર્ગતેનૈવ વિસર્ગેણ પુનઃ પુનઃ ।
તાડયેત કલાઃ સર્વાઃ કમ્પતે@સૌ તતઃ પશુઃ ॥ 14

ઉત્ક્ષિપેદ્વામહસ્તં વા તતસ્તં યોજયેત્પરે ।
પ્રત્યયેન વિના મોક્ષો હ્યશ્રદ્ધેયો વિમોહિતૈઃ ॥ 15

તદર્થમેતદુદિતં નતુ મોક્ષોપયોગ્યદઃ ।
ઇત્યૂચે પરમેશઃ શ્રીકુલગહ્વરશાસને ॥ 16

સાધ્યો@નુમેયો મોક્ષાદિઃ પ્રત્યયૈર્યદતીન્દ્રિયઃ ।
દીક્ષોત્તરે ચ પુર્યષ્ટવર્ગાર્પણમિહોદિતમ્ ॥ 17

તદ્વિધિઃ શ્રુતિપત્રે@બ્જે મધ્યે દેવં સદાશિવમ્ ।
ઈશરુદ્રહરિબ્રહ્મચતુષ્કં પ્રાગ્દિગાદિતઃ ॥ 18

પૂજયિત્વા શ્રુતિસ્પર્શૌ રસં ગન્ધં વપુર્દ્વયમ્ ।
ધ્યહંકૃતી મનશ્ચેતિ બ્રહ્માદિષ્વર્પયેત્ક્રમાત્ ॥ 19

એતેષાં તર્પણં કૃત્વા શતહોમેન દૈશિકઃ ।
એષા સાંન્યાસિકી દીક્ષા પુર્યષ્ટકવિશોધની ॥ 20

પુર્યષ્ટકસ્યાભાવે ચ ન સ્વર્ગનરકાદયઃ ।
તથા કૃત્વા ન કર્તવ્યં લૌકિકં કિંચનાપિ હિ ॥ 21

ઉક્તં શ્રીમાધવકુલે શાસનસ્થો મૃતેષ્વપિ ।
પિણ્ડપાતોદકાસ્ર્વાદિ લૌકિકં પરિવર્જયેત્ ॥ 22

શિવં સંપૂજ્ય ચક્રાર્ચાં યથાશક્તિ સમાચરેત્ ।
ક્રમાત્ત્રિદશમત્રિંશત્રિંશવત્સરવાસરે ॥ 23

ઇત્યુક્તો@ન્ત્યેષ્ટિયાગો@યં પરમેશ્વરભાષિતઃ ॥ 24