તૈત્તિરીયસંહિતા · શ્લોક 1.3-2

અનુવાક

સૌમિકી વેદિઃ (અવાન્તરદીક્ષા, ઉપસદઃ)
અંશુરંશુસ્ તે દેવ સોમાઽઽ પ્યાયતામ્ ઇન્દ્રાયૈકધનવિદ આ તુભ્યમ્ ઇન્દ્રઃ પ્યાયતામ્ આ ત્વમ્ ઇન્દ્રાય પ્યાયસ્વ ।
આઽઽ પ્યાયય સખીન્ત્ સન્યા મેધયા સ્વસ્તિ તે દેવ સોમ સુત્યામ્ અશીય ।
એષ્ટા રાયઃ પ્રેષે ભગાયર્તમ્ ઋતવાદિભ્યો નમો દિવે નમઃ પૃથિવ્યૈ ।
અગ્ને વ્રતપતે ત્વં વ્રતાનાં વ્રતપતિર્ અસિ યા મમ તનૂર્ એષા સા ત્વયિ ॥
યા તવ તનૂર્ ઇયં સા મયિ સહ નૌ વ્રતપતે વ્રતિનોર્ વ્રતાનિ
યા તે અગ્ને રુદ્રિયા તનૂસ્ તયા નઃ પાહિ તસ્યાસ્ તે સ્વાહા
યા તે અગ્ને ઽયાશયા રજાશયા હરાશયા તનૂર્ વર્ષિષ્ઠા ગહ્વરે ષ્ઠા ।
ઉગ્રં વચો અપાવધીં ત્વેષં વચો અપાવધીં સ્વાહા ॥