સુવર્ણપ્રભાસસૂત્ર · અધ્યાય 9

ઇતિ શ્રીસુવર્ણપ્રભાસોત્તમસૂત્રેન્દ્રરાજે સરસ્વતીદેવીપરિવર્તો નામાષ્ટમઃ ।
॥ શ્રીમહાદેવીપરિવર્તઃ ॥
અથ ખલુ શ્રીર્મહાદેવી ભગવન્તં પ્રણમ્યૈતદવોચત્ । અહમપિ ભદન્ત ભગવન્ભગવતી શ્રીર્મહાદેવી તસ્ય ધર્મભાણકસ્ય ભિક્ષોરૌત્સુક્યતાં કરિષ્યામિ । યદિદં ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારૈરન્યૈશ્ચોપકરણૈર્યથા સ ધર્મભાણકઃ સર્વોપકરણસંપન્નો ભવિષ્યતિ । અવૈકલ્પતાં ચ પ્રતિલપ્સ્યતે । સ્વસ્થચિત્તો ભવિષ્યતિ । સુખચિત્તો રાત્રિં દિવા પ્રતિનામયિષ્યતિ । ઇતશ્ચ સુવર્ણપ્રભાસોત્તમાત્સૂત્રેન્દ્રરાજાન્નાનાવિધાનિ પદવ્યઞ્જનાન્યુપનામયિષ્યતિ । વ્યુપપરીક્ષિષ્યતિ । યેનાયં સુવર્ણપ્રભાસોત્તમઃ સૂત્રેન્દ્રરાજસ્તેષાં બુદ્ધસહસ્રાવરુપ્તકુશલમૂલાનાં સત્ત્વાનામર્થાય ચિરં જમ્બુદ્વીપે પ્રચતિષ્યતિ । ન ચ ક્ષિપ્રમન્તર્ધાસ્યતિ । સન્તિ સત્ત્વાઃ સુવર્ણપ્રભાસોત્તમં સૂત્રેન્દ્રરાજં શૃણુયુઃ । અનેકાનિ ચ કલ્પકોટીનિયુતશતસહસ્રાણ્યચિન્ત્યાનિ દિવ્યમાનુષ્યકાનિ સુખાનિ પ્રત્યનુભવેયુઃ । દુર્ભિક્ષશ્ચાન્તર્ધાપયેત્ । સુભિક્ષશ્ચ પ્રાદુર્ભવેત્ । સત્ત્વાશ્ચ મનુષ્યસુખોપધાનેન સુખિતા ભવેયુઃ । તથાગતસમવધાનગતાશ્ચ ભવેયુઃ । અનાગતે ઽધ્વતિ ચાનુત્તરાં સમ્યક્સંબોધિમભિસંબોધયેયુઃ । સર્વનરકતિર્યગ્યોનિયમલોકદુઃખાન્યત્યન્તસમુચ્છિન્નાનિ ભવેયુરિતિ ॥
રક્તકુસુમગુણસાગરવૈડૂર્યકનકગિરિસુવર્ણકાઞ્ચનપ્રભાસશ્રીર્નામ તથાગતો ઽર્હન્ સમ્યક્સંબુદ્ધઃ । યત્ર શ્રિયા મહાદેવ્યા મયા કુશલમૂલમવરુપ્તમ્ । યેનૈતર્હિ યાં યાં દિશં સત્ત્વાનાં વિહરતિ । યાં યાં દિશં સત્ત્વાન્યવલોકયતિ । યાં યાં દિશમુપસંક્રમતિ । તસ્યાં તસ્યાં દિશ્યનેકાનિ સત્ત્વકોટીનિયુતશતસહસ્રાણિ સર્વસુખોપધાનેન સુખિતાનિ ભવિષ્યન્તિ । અવૈકલ્પતાં ચ પ્રતિલપ્સ્યન્તે । અન્નેન વા પાનેન વા ધનેન વા ધાન્યેન વા હિરણ્યસુવર્ણમણિમુક્તવૈડૂર્યશઙ્ખશિલાપ્રવાલજાતરૂપરજતાદિભિરન્યૈશ્ચોપકરણૈઃ સર્વોપકરણસમૃદ્ધાનિ સત્ત્વાનિ ભવિષ્યન્તિ શ્રિયો મહાદેવ્યાઃ પ્રભાવેન । તસ્ય ચ તથાગતસ્ય પૂજા કર્તવ્યા । ગન્ધાશ્ચ પુષ્પાશ્ચ ધૂપાશ્ચ દીપાશ્ચ દાતવ્યાઃ । શ્રિયો દેવ્યાસ્ત્રિષ્કૃતો નામધેયમુચ્ચારયિતવ્યમ્ । તસ્યાશ્ચ ગન્ધં પુષ્પં ધૂપં દીપં દાતવ્યમ્ । રસવિહારા નિક્ષેપ્તવ્યાનિ । તસ્ય મહાદ્રવ્યરાશિર્વિવર્ધતે । તત્રેદમુચ્યતે ॥
વિવર્ધત ધરણી રસો ધરણ્યા પ્રહર્ષિતા ।
( બગ્છિ 61 ) ભોન્તિ ચ દેવતા સદા ફલશસ્યચિતોપમમ્ ।
વૃક્ષદેવતા રોહન્તિ શસ્યાનિ સુચિત્રભાવાઃ