સુવર્ણપ્રભાસસૂત્ર · અધ્યાય 7

ઇતિ શ્રીસુવર્ણપ્રભાસોત્તમસૂત્રેન્દ્રરાજે શૂન્યતાપરિવર્તો નામ ષષ્ઠઃ ॥
॥ ચતુર્મહારાજપરિવર્તઃ ॥
અથ ખલુ વૈશ્રવણો મહારાજો ધૃતરાષ્ટ્રો મહારાજો વિરૂઢકો મહારાજો વિરૂપાક્ષો મહારાજ ઉત્થાયસનેભ્ય એકાંસેન ચીવરાણિ પ્રાવૃત્ય દક્ષિણજાનુમણ્ડલાનિ પૃથિવ્યાં પ્રતિષ્ઠાપ્ય યેન ભગવાંસ્તેનાઞ્જલિં પ્રણમ્ય ભગવન્તમેતદવોચન્ । અયં ભગવન્, સુવર્ણપ્રભાસોત્તમસૂત્રેન્દ્રરાજઃ સર્વતથાગતભાષિતઃ સર્વતથાગતાવલોકિતઃ સર્વતથાગતસમન્વાગતઃ સર્વબોધિસત્ત્વગણનમસ્કૃતઃ સર્વદેવગણપૂજિતઃ સર્વેદેવેન્દ્રગણસંપ્રહર્ષકઃ સર્વલોકપાલસ્તુતઃ સ્તવિતો વર્ણિતઃ પ્રશંસિતઃ સર્વદેવભવનાવભાસિતઃ સર્વસત્ત્વાનાં પરમસુખપ્રદાયકઃ સર્વનરકતિર્યગ્યોનિયમલોકદુઃખસંશોધકઃ સર્વભયપ્રતિશમનઃ સર્વપરચક્રપ્રતિનિવર્તકો દુર્ભિક્ષકાન્તારપ્રશમનો વ્યાધિકાન્તારપ્રણાશકો જ્ઞાનપ્રકાશકઃ પરમશાન્તિકરઃ શોકાયાસપ્રશમનો વિવિધનાનોપદ્રવ્યપ્રશમયિતોપદ્રવશતસહસ્રપ્રણાશયિતા । ઇમમસ્ય ભદન્ત ભગવન્ સુવર્ણપ્રભાસોત્તમસૂત્રેન્દ્રરાજસ્ય વિસ્તરેણ પર્ષદિ સંપ્રકાશ્યમાનસ્યાસ્માકં ચતૂર્ણાં મહારાજાનાં સબલપરિવારાણામ્ । એતેન ચ ધર્મશ્રવણેન ધર્મામૃતરસેન ચ દિવ્યાત્મભાવમહાતેજસા વિવર્ધયિષ્યન્તિ ॥ અસ્માકં કાયેષુ વીર્યં ચ બલં સ્થામ ચ સંજનિતં ભવિષ્યન્તિ । તેજશ્ચ શ્રિયં ચ લક્ષ્મીં ચાસ્માકં કાયેષ્વાવિશન્તિ । વયં ભગવંશ્ચત્વારો મહારાજા ધાર્મિકાશ્ચ ધર્મવાદિનશ્ચ ધર્મરાજા ધર્મેણ વયં ભદન્ત ભગવન્ દેવનાગયક્ષગન્ધર્વાસુરગરુડનરમહોરગાણાં રાજત્વં કારયિષ્યામઃ । તે વયં ભગવન્, ચત્વારો મહારાજાઃ સાર્ધમષ્ટાવિંશતિયક્ષસેનાપતિભિરનેકૈશ્ચ યક્ષશતસહસ્રૈઃ સતતસમિતં સર્વે જમ્બુદ્વીપં દિવ્યેન વિશુદ્ધેનાતિક્રાન્તમાનુષ્યકેણ વ્યવલોકયિષ્યામ આરક્ષયિષ્યામઃ પરિપાચયિષ્યામઃ । તેન હેતુના ભદન્ત ભગવન્નસ્માકં ચતુર્ણાં મહારાજાનાં લોકપાલ ઇતિ સંજ્ઞોત્પાદિતા ॥
યે કેચિદ્ભદન્ત ભગવન્નસ્મિન્ જમ્બુદ્વીપે વિપર્યાસાઃ પરચક્રેણ ચોપહતા ભવિષ્યન્તિ, દુર્ભિક્ષકાન્તરેણ વા નાનાવિધૈરુપદ્રવશતૈરુપદ્રવસહસ્રૈરુપદ્રવશતસહસ્રૈરુપહતા ભવિષ્યન્તિ, તે વયં ભદન્ત ભગવન્ ચત્વારો મહારાજા ઇદમસ્ય સુવર્ણપ્રભાસોઓત્તમસૂત્રેન્દ્રરાજસ્ય તેષાં ચ સૂત્રેદ્રધારિણાં ભિક્ષૂણાં સંચોદનાં કરિષ્યામઃ । યદા ચેમે ભદન્ત ભગવન્ ધર્મભાણકા ભિક્ષવો ઽસ્માકં ચતુર્ણાં મહારાજાનાં સંચોદનયા બુદ્ધાધિષ્ઠાનેન ચ યેષુ વિષયેષૂપસંક્રમેયુસ્તેષુ તે વિષયેષુઃ ચેમં સુવર્ણપ્રભાસોત્તમસૂત્રેન્દ્રરાજં વિસ્તરેણ સંપ્રકાશયેયુઃ । ય ઇમાન્યેવંરૂપાણિ વિષયગતાતિ નાનાવિધાન્યુપદ્રવશતાન્યુપદ્રવસહસ્રાન્યુપદ્રવશતસહસ્રાણિ ચ પ્રશમયિષ્યન્તિ ॥
યસ્ય ચ ભદન્ત ભગવન્ મનુષ્યરાજસ્ય વિષયે તે સૂત્રેન્દ્રધારકા ભિક્ષવા ધર્મભાણાકા ઉપસંક્રાન્તા ભવિષ્યન્તિ । અયં ચ મનુષ્યરાજ ઇમં સુવર્ણપ્રભાસસૂત્રેન્દ્રરાજં શૃણ્યાત્ । શ્રુત્વા ચ તેષાં સૂત્રેન્દ્રધારકાણાં ભિક્ષૂણાં સર્વપ્રત્યર્થિકેભ્ય આરક્ષાં કુર્યાત્ પરિત્રાણં પરિગ્રહં પરિપાલનં કુર્યાત્ । તે વયં ભદન્ત ભગવન્ ચત્વારો મહારાજાસ્તસ્ય મનુષ્યરાજસ્ય સર્વવિષયગતાનાં ચ સત્ત્વાનામારક્ષાં કરિષ્યામઃ પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યામઃ । યદા ચ ભદન્ત ભગવન્ સર્વમનુષ્યરાજઃ સૂત્રેન્દ્રધારકાણાં ભિક્ષુભિક્ષુણ્યુપાસકોપાસિકાનાં સર્વસુખોપધાનૈઃ સુખતાં કુર્યાત્ । તે વયં ભદન્ત ભગવન્ ચત્વારો મહારાજાસ્તં મનુષ્યરાજં સર્વરાજેભ્યઃ સત્કૃતતરં કરિષ્યામો ગુરુકૃતં ચ કરિષ્યામો માનિતં ચ પૂજિતં ચ સર્વવિષયેષુ ચ પ્રસંશનીયં કરિષ્યામઃ ।
અથ ખલુ ભગવાંશ્ચતુર્ણાં મહારાજાનાં સાધુકારમદાત્ । સાધુ સાધુ મહારાજાઃ સાધુ સાધુ યુષ્માકં મહારાજાઃ । યથાપિ તે યૂયં પૂર્વજિનકૃતાધિકારા અવરોપિતકુશલમૂલા બહુબુદ્ધકોટીનિયુતશતસહસ્રપર્યુપાસિતા ધર્મિકાશ્ચ ધર્મવાદિનશ્ચ ધર્મેણ દેવાનાં ચ મનુષ્યાણાં ચ રાજત્વં કારયધ્વમ્ । યથાપિ પૂર્વદીર્ઘરાત્રં સર્વસત્ત્વાનાં હિતચિત્તાઃ સુખમૈત્રીચિત્તાઃ સર્વસત્ત્વહિતસુખાધ્યાશયપ્રતિપન્નાઃ ( બગ્છિ 38 ) સર્વાહિતપ્રતિષેધિકાઃ સર્વસત્ત્વાનાં સર્વહિતોપસંહારાભિયુક્તાઃ । તે યૂયં ચત્વારો મહારાજાસ્તેષાં મનુષ્યરાજસ્ય ચ સુવર્ણપ્રભાસોત્તમસૂત્રેન્દ્રરાજસ્ય પૂજાસત્કારાભિયુક્તાનામારક્ષાં કરિષ્યત પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યત । તેન યુષ્માભિશ્ચતુર્મહારાજૈઃ સબલપરિવારૈરનેકૈશ્ચ યક્ષશતસહસ્રૈરતીતાનાગતપ્રત્યુત્પન્નાનાં બુદ્ધાનાં ભગવતાં ધર્મનેત્ર્યારક્ષિતા ભવિષ્યતિ પરિપાલિતા ચ પરિગૃહીતા ચ ભવિષ્યતિ । તેન યુષ્માકં ચતુર્ણાં મહારાજાનાં સબલપરિવારાણમનેકેષાં યક્ષશતસહસ્રાણાં દેવાનાં દેવાસુરસંગ્રામે જયો ભવિષ્યતિ, અસુરાણાં ચ પરિજયો ભવિષ્યતિ । સર્વપરચક્રપ્રમર્દકસ્ય સુવર્ણપ્રભાસોત્તમસૂત્રેન્દ્રરાજસ્યાર્થાય તેષાં સૂત્રેન્દ્રધારકાણાં ભિક્ષુભિક્ષુણ્યુપાસકોપાસિકાનામારક્ષાં કરિષ્યત પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યત ॥

અથ વૈશ્રવણો મહારાજો ધૃતરાષ્ટ્રો મહારાજો વિરુઢકો મહારાજો વિરૂપાક્ષો મહારાજ ઉત્થાયાસનેભ્ય એકાંસાનિ ચીવરૈઃ પ્રાવૃત્ય દક્ષિણાનિ જાનુમણ્ડલાનિ પૃથિવ્યાં પ્રતિષ્ઠાપ્ય યેન ભગવાંસ્તેનાઞ્જલિં પ્રણમ્ય ભગવન્તમેતદવોચન્ । અયં ભદન્ત ભગવન્, સુવર્ણપ્રભાસોત્તમસૂત્રેન્દ્રરાજો ઽનાગતે ઽધ્વનિ યત્ર ગ્રામનગરનિગમજનપદરાષ્ટ્રરાજધાનીષુ પ્રચરિષ્યતિ યસ્ય યસ્ય મનુષ્યરાજસ્ય વિષયમનુપ્રાપ્તો ભવિષ્યતિ । કશ્ચિદ્ભદન્ત ભગવન્મનુષ્યરાજો ભગવન્ યેનાનેન દેવેન્દ્રસમયેન રાજશાસ્રેણ રાજત્વં કારયેત્ । અસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય શ્રોતા ભવંસ્તાશ્ચ સૂત્રેન્દ્રધારકા ભિક્ષુભિક્ષુણ્યુપાસકોપાસિકાઃ સત્કુર્યાદ્ગુરુકુર્યાન્માનયેત્પૂજયેત્સતતસમિતં સુવર્ણપ્રભાસોત્તમસૂત્રેન્દ્રરાજં શૃણુયાત્ । અનેન ધર્મશ્રવણેન સંચોદનધર્મામૃતપુણ્યાત્મકાનામસ્માકં ચતુર્ણાં મહારાજાનાં સકલપરિવારાણામનેકેષાં ચ યક્ષરાક્ષસશતસહસ્રાણામિમાન્ દિવ્યાત્મભાવાન્ મહતૌજસા વિવર્ધયેત્ । મહાન્તં વીર્યં ચ સ્થામ ચ બલં ચાસ્માકં કાયેષુ તેજઃશ્રિયશ્ચ લક્ષ્મી ચાસ્માકં વિવર્ધયેત્ । તેન વયં ભદન્ત ભગવંશ્ચત્વારો મહારાજાઃ સબલપરિવારા અનેકૈઃ ( બગ્છિ 39 ) યક્ષશતસહસ્રૈરદૃશ્યદ્ભિઃ કાયાત્મભાવૈરેતર્હિ ચાનાગતે ઽધ્વનિ યત્ર ગ્રામનગરનિગમજનપદરાષ્ટ્રરાજધાનીષૂપસંક્રમિષ્યામઃ તત્રાયં સુવર્ણપ્રભાસોત્તમઃ સૂત્રેન્દ્રરાજઃ પ્રચરિષ્યતિ । તેષાં ચ મનુષ્યરાજાનામસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય શ્રોતૄણાં માતાપિતૄણાં ચારક્ષાં કરિષ્યામઃ । પરિત્રાણં પરિપાલનં દણ્ડપરિહારં શસ્રપરિહારં શાન્તિસ્વસ્ત્યયનં ચ કરિષ્યામઃ । તેષાં ચ રાજકુલાનાં તેષાં ચ રાષ્ટ્રાણાં તેષાં ચ વિષયાણામારક્ષાં કરિષ્યામઃ । પરિત્રાણં પરિગ્રહં પરિપાલનં દણ્ડપરિહારં શસ્રપરિહારં શાન્તિસ્વસ્ત્યયનં કરિષ્યામઃ । તાંશ્ચ વિષયાન્ સર્વભયોપાયાસેભ્યઃ પરિમોચયિષ્યામઃ પરચક્રાણિ ચ પ્રતિનિવર્તયિષ્યામઃ ।
યઃ કશ્ચિત્ તસ્ય મનુષ્યરાજસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય શ્રોતુર્માનયિતુઃ પૂજયિતુરન્યઃ સામન્તકઃ પ્રતિશત્રુરાજા ભવેત્ । યદા ચ ભદન્ત ભગવંસ્તસ્ય સામન્તકસ્ય પ્રતિશત્રો રાજ્ઞ એવં ચિત્તમુત્પાદેત્ । સો ઽહં ચતુરઙ્ગેન બલકાયેન સાર્ધમસ્ય વિષયમુપસંક્રમેયં વિનાશયિતુમ્ । તેન ખલુ પુનર્ભદન્ત ભગવાન્ કાલેન તેન સમયેનાસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય તેજો ઽનુભાવેન તસ્ય સામન્તકસ્ય પ્રતિશત્રુરાજસ્યાન્યૈ રાજભિઃ સાર્ધં સંગ્રામે ભવિષ્યતિ । સ્વવિષયગતાશ્ચ વિષયવિલોપાશ્ચ ભવિષ્યન્તિ । દારુણાશ્ચ રાજસંક્ષોભા ભવિષ્યન્તિ । ગ્રહરોગાશ્ચ વિષયે પ્રાદુભૂતા ભવિષ્યન્તિ । નાનાવ્યાક્ષેપશતાનિ વિષયે પ્રાદુર્ભૂતાનિ ભવિષ્યન્તિ । યદા ચ ભદન્ત ભગવંસ્તસ્ય સામન્તકસ્ય પ્રતિશત્રુરાજસ્ય સ્વવિષયગતાન્યેવંરૂપાણિ નાનોપદ્રવશતાનિ નાનાવ્યક્ષેપશતાનિ ભવેયુઃ । સ ચ ભદન્ત ભગવન્ સામન્તકપ્રતિશત્રુરાજશ્ચતુરઙ્ગીણીં સેનાં યોજયિત્વા પરચક્રગમનાય સ્વવિષયાન્નિષ્ક્રાન્તો ભવેત્ । યત્રાયં સુવર્ણપ્રભાસોત્તમઃ સુત્રેન્દ્રરાજો ભવેત્ સ પ્રતિશત્રુરાજઃ સાર્ધં ચતુરઙ્ગબલકાયેન તં વિષયમુપસંક્રમિતુકામો ભવેત્ । તં વિનાશિતુકામો ભવેત્ । તે વયં ભદન્ત ભગવઞ્ચત્વારો મહારાજાઃ સબલપરિવારા અનેકૈર્યક્ષરાક્ષસશતસહસ્રૈરદૃશ્યૈરાત્મભાવૈસ્તત્રોપસંક્રમિષ્યામઃ તં પરચક્રમધ્વાનં માર્ગપ્રતિપન્નં ( બગ્છિ 40 ) તથૈવ પ્રતિનિવર્તયિષ્યામો નાનાવ્યાક્ષેપશતાનિ ચોપસંહરિષ્યામો વિઘ્નાંશ્ચ કરિષ્યામઃ । યથા ચ તત્પરચક્રં ન શક્ષ્યતિ તત્ર વિષય ઉપસંક્રમિતુમ્ । કુતઃ પુનર્વિનાશં કરિષ્યતિ ॥
અથ ખલુ ભગવાંસ્તેષાં ચતુર્ણાં મહારાજાનાં સાધુકારમદાત્ । સાધુ સાધુ મહારાજાઃ સાધુ ખલુ પુનર્યુષ્માકં મહારાજાનામ્ । યદ્યૂયમત્યા અસંખ્યેયકલ્પકોટીનિયુતશતસહસ્રસમુદાનીતાયા અનુત્તરાયાઃ સમ્યક્સંબોધેરર્થાય તેષાં મનુષ્યરાજાનામસ્ય ચ સુવર્ણપ્રભાસોત્તમસ્ય સૂત્રેન્દ્રરાજસ્ય શ્રોતૄણામારક્ષાં કરિષ્યથ । પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યથ । તાનિ ચ રાજકુલાનિ તાનિ નગરાણિ તાનિ ચ રાષ્ટ્રાણિ તાનિ ચ વિષયાણ્યારક્ષયિષ્યથ । પરિત્રાણં પરિગ્રહં પરિપાલનં દણ્ડપરિહારં શસ્રપરિહારં શાન્તિસ્વસ્ત્યયનં કરિષ્યથ । તાનિ ચ વિષયાણિ સર્વમયોપદ્રવોપસર્ગાપાયાસેભ્યઃ પરિમોચયિષ્યથ । પરચક્રાણિ ચ નિવર્તયિષ્યથ । સર્વજમ્બુદ્વીપગતાનાં ચાસ્ય મનુષ્યરાજસ્યાકલહયાભણ્ડનયાવિગ્રહયા વિવાદયૌત્સુક્યમપપદ્યથ । યથા ચ તે યુષ્માકં ચતુર્ણાં મહારાજાનાં સબલપરિવારાણામસ્મિઞ્જમ્બુદ્વીપે તેષુ ચતુર્ષુ નગરસહસ્રેષુ તાનિ ચતુરશીતિનગરસહસ્રાણિ તેષુ તેષુ વિષયેષ્વભિરમેયુસ્તેન ચ રાજ્યૈશ્વર્યેણાભિરમેયુસ્તેન ચ ધનસ્કન્ધેન પરસ્પરં ન વિહેઠયેયુઃ । ન પરસ્પરં વિહેઠં જનયેયુઃ । સ્વેન ચ યથા પૂર્વકર્મોપચયેન રાજત્વં પ્રતિલભેયુઃ । સ્વેન ચ રાજ્યૈશ્વર્યેણ ચ તુષ્ટા ભવેયુઃ । ન ચ પરસ્પરેણ વિનાશયેયુઃ । ન વિષેય વિનાશાય પરક્રમેયુઃ ॥
યથા ચાસ્મિઞ્જમ્બુદ્વીપે તેષુ ચતુરશીતિષુ વિષયનગરસહસ્રેષુ તાનિ ચતુરશીતિરાજ સહસ્રાણિ પરસ્પરેણ હિતચિત્તાનિ મૈત્રીચિત્તાનિ સુખચિત્તાનિ પરસ્પરેણ કલહયાભણ્ડનયાવિગ્રહયાવિવાદયા સ્વેષુ સ્વેષુ વિષયેષ્વભિરમેરન્તેન પુણ્યેન ચતુર્ણાં મહારાજાનાં સબલપરિવારાણામયં ચ જમ્બુદ્વીપઃ સ્ફીતો ભવિષ્યતિ । સુભિક્ષશ્ચ રમણીયશ્ચ બહુજનસમાકીર્ણશ્ચર્દ્ધશ્ચૌજોવતરશ્ચ ભવિષ્યતિ । ઋતુમાસાર્ધમાસસંવત્સરાણિ ચ સર્વાણિ સમાચારયુક્તાનિ ભવિષ્યન્તિ । અહોરાત્રં ગ્રહનક્ષત્રચન્દ્રસૂર્યાશ્ચ સમાગ્રહિષ્યન્તિ । કાલેન ચ વર્ષધારાઃ પૃથિવ્યાં નિપતિષ્યન્તિ । સર્વજમ્દુદ્વીપગતાનિ ચ સત્ત્વાનિ સર્વધનધાન્યસમૃદ્ધાનિ ભવિષ્યન્તિ । મહાભોગાનિ ચામત્સરાણિ ચ ભવિષ્યન્તિ । પરિત્યાગવન્તિ દશકુશલકર્મપથસમન્વાગતાનિ ચ ભવિષ્યન્તિ । યદ્ભૂયસા સુગતૌ સ્વર્ગલોક ઉપપત્સ્યન્તે । દેવભુવનાનિ ચાકીર્ણાનિ ભવિષ્યન્તિ દેવૈર્દેવપુત્રૈશ્ચ ॥

યત્કશ્ચિન્મહારાજો ભવેદ્ ય ઇત્થમસ્ય સુવર્ણપ્રભાસત્તમસ્ય સૂત્રેન્દ્રરાજસ્ય શ્રોતા ભવેન્માનયિતા ચ પૂજયિતા ચ તેષાં ચ સૂત્રેન્દ્રધારકાણાં ભિક્ષુભિક્ષુણ્યુપાસકોપાસિકાનામૌત્સુક્યં સત્કુર્યાદ્ ગુરુકુર્યાન્માનયેત્પૂજયેત્ । યુષ્માકં ચતુર્ણાં મહારાજાનાં સબલપરિવારાણામનેકેષાં ચ યક્ષશતસહસ્રાણામનુકમ્પાર્થાય સતતસમિતં સુવર્ણપ્રભાસોત્તમં સૂત્રેન્દ્રરાજેન્દ્રં શૃણ્વન્ । અનેન ધર્મશ્રવણસલિલોદકેન યુષ્માકમેતાન્યાત્મભાવાનિ સંતર્પયેત્ । મહતૌજસા યુષ્માકમેતાનિ શરીરાણિ વિવર્ધયેત્ । મહચ્ચ યુષ્માકં વીર્યં ચ સ્થામ બલં ચ વપુષઃ સંજનયેત્ । તેજશ્ચ શ્રિયશ્ચ લક્ષ્મીશ્ચ યુષ્માકં વિવર્ધયેત્ । તેન ચ મનુષ્યરાજેન મમ શાક્યમુનેસ્તથાગતસ્યાર્હતઃ સમ્યક્સંબુદ્ધસ્યાચિન્ત્યા મહાવિપુલવિસ્તીર્ણા પૂજા કૃતા ભવિષ્યતિ । તેન તસ્ય મનુષ્યરાજેનાતીતાનાગતપ્રત્યુત્પન્નાનાં બુદ્ધાનામનેકેષાં તથાગતાનાં કોટીનિયુતશતસહસ્રાણામચિન્ત્યા મહતી વિસ્તીર્ણા સર્વોપકરણૈઃ પૂજા કૃતા ભવિષ્યતિ । તેન તસ્ય મનુષ્યરાજસ્ય મહત્યારક્ષા કૃતા ભવિષ્યતિ । તેન ચ તસ્ય રાજ્ઞો રક્ષાં પરિત્રાણં પરિગ્રહં પરિપાલનં દણ્ડપરિહારં શસ્રપરિહારં શાન્તિસ્વસ્ત્યયનં કૃતં ભવિષ્યતિ । અગ્રમહિષ્યાશ્ચ રાજપુત્રાણાં ચ સર્વાન્તઃપુરસ્ય ચ રાજકુલસ્ય ચ સર્વસ્ય મહત્યારક્ષા કૃતા ભવિષ્યતિ । પરિત્રાણં પરિગ્રહં પરિપાલનં શાન્તિસ્વસ્ત્યયનં કૃતં ભવિષ્યતિ । રાજકુલનિવાસન્યશ્ચ સર્વદેવતા ઓજોવત્તરાશ્ચ ચિત્તેન સુખસૌમનસ્યેન સમન્વાગતા ભવિતારો રતિમનુભવિષ્યન્તિ । તાનિ ચ રાષ્ટ્રાણિ તાનિ ચ વિષયાણિ ચારક્ષિતાનિ ભવિષ્યન્તિ । પરિપાચિતાનિ ચાનુત્પીડિતાનિ ચાકણ્ટકાનિ ભવિષ્યન્તિ । સર્વપરચક્રાન્યવમર્દિતાનિ ચાનુપસર્ગાણિ ચાનુપાયાસાનિ ચેતિ ॥
એવમુક્તે વૈશ્રવણો મહારાજો ધૃતરાષ્ટ્રો મહારાજો વિરૂઢકો મહારાજો વિરૂપાક્ષો મહારાજસ્તે સર્વે ભગવન્તમેતદવોચન્ । તેન ચ ભગવન્મનુષ્યરાજેન સુસ્નાતગાત્રેણ ભવિતવ્યં સુગન્ધવાસનધારિણા નવરુચિરવસ્ત્રપ્રાવૃતેન નાનાલંકારવિભૂષિતેન ભવિતવ્યમ્ । આત્મનશ્ચ નીચતરમાસનં પ્રજ્ઞપયિતવ્યમ્ । તત્રાસને નિષીદિત્વા રાજ્યમદમત્તેન ન ભવિતવ્યમ્ । ન ચોચ્ચૈ રાજ્ઞા સ્વયં પ્રજ્ઞપયિતવ્યમ્ । શાઠ્યમાનમદદર્પવિવર્જિતેન ચિત્તેનાયં સુવર્ણપ્રભાસોત્તમઃ સૂત્રેન્દ્રરાજઃ શ્રોતવ્યઃ । તસ્ય ચ ધર્મભાણકસ્ય ભિક્ષોરન્તિકે શાસ્તૃસંજ્ઞોત્પાદયિતવ્યા । તેન મનુષ્યરાજેન તસ્મિન્કાલે તસ્મિત્સમયે ઽગ્રમહિષી રાજપુત્રાશ્ચ રાજદુહિતરશ્ચ સર્વાન્તઃપુરગણાશ્ચ ( બગ્છિ 42 ) પ્રિયહિતાભ્યાં પ્રેક્ષિતવ્યાઃ । પ્રિયવચનૈશ્ચાગ્રમહિષી રાજપુત્રાશ્ચ રાજદુહિતરશ્ચ સર્વાન્તઃપુરગણાશ્ચ આલપયિતવ્યાઃ । નાનાવિચિત્રાશ્ચ ધર્મશ્રવણપૂજા આજ્ઞાપયિતવ્યાઃ । અચિન્ત્યયાતુલ્યયા પ્રીત્યાત્માનં સંતર્પયિતવ્યમ્ । અચિન્ત્યેન પ્રીતિસુખેન સુખાપયિતવ્યમ્ । સુખેન્દ્રિયેણ ચ ભવિતવ્યમ્ । આત્મનશ્ચ મહાબલેન ભવિતવ્યમ્ । મહતા પ્રહર્ષેણાત્મા પ્રહર્ષયિતવ્યઃ । મહતા પ્રેમજાતેન ધર્મભાણકઃ પ્રત્યુત્થાતવ્યઃ ॥
એવમુક્તે ભગવાંસ્તાંશ્ચતુરો મહારાજાનેતદવોચત્ । તસ્મિંશ્ચ ખલુ પુગર્મહારજાઃ કાલે તસ્મિન્સમયે તેન મનુષ્યરાજેન સર્વશ્વેતાનિ પાણ્ડુરાણિ નવરુચિવસ્ત્રાણિ પ્રાવરિતવ્યાનિ । નાનાવિભૂષણાલંકારૈરાત્મા સમલંકર્તવ્યં । મહતા રાજાનુભાવેન મહતા રાજવ્યૂહેન નાનાવિચિત્રરત્નમઙ્ગલપરિગૃહીતૈસ્તતો રાજકુલાદભિનિષ્ક્રમિતવ્યમ્ । તસ્ય ચ ધર્મભાણકસ્ય ભિક્ષોઃ પ્રત્યુદ્ગમનાય ગન્તવ્યમ્ । તત્કસ્ય હેતોઃ? યાવન્તિ મનુષ્યરાજસ્તત્ર પદાનિ ભાવયતિ તાવન્તિ કલ્પકોટીનિયુતશતસહસ્રાણિ સંસારાત્પરાઙ્મુખાનિ કરિષ્યતિ તાવતાં ચક્રવર્તિરાજકુલકોટીનિયુતશતસહસ્રાણાં લાભી ભવિષ્યતિ । યાવન્તિ સ તત્ર પદાન્યતિક્રમિષ્યતિ તાવતાં ચૈવ દૃષ્ટધાર્મિકેણાચિન્ત્યેન મહતા રાજ્યૈશ્વર્યેણ વિવર્ધિષ્યતે । અનેકકલ્પકોટીનિયુતશતસહસ્રાણામુદારોદારાણાં ચાવસ્થાનાનાં સપ્તરત્નમયાનાં દિવ્યવિમાનાનાં લાભી ભવિષ્યતિ । અનેકેષાં ચ દિવ્યોદારાણાં માનુષ્યકાણાં રાજકુલપુત્રશતસહસ્રાણાં લાભી ભવિષ્યતિ । સર્વત્ર ચ જાતિષુ મહૈશ્વર્યપ્રાપ્તો ભવિષ્યતિ । દીર્ઘાયુષ્કશ્ચ ભવિષ્યતિ । ચિરંજીવી ચ ભવિષ્યતિ । પ્રતિભાણવાંશ્ચાદેયવચનશ્ચ યશસ્વી ચ સુવિશાલકીર્તિશ્ચ ભવિષ્યતિ । સદેવમાનુષાસુરસ્ય લોકસ્ય સુખિતશ્ચ ભવિષ્યતિ । ઉદારોદારાણાં ચ દિવ્યમાનુષ્યકાણાં સુખાનાં લાભી ભવિષ્યતિ । મહાબલશ્ચ મહાનગ્નબલવેગધારી ચાભિરૂપઃ પ્રાસાદિકો દર્શનીયઃ પરમયા શુભવર્ણપુષ્કરતયા સમન્વાગતશ્ચ ભવિષ્યતિ । સર્વત્ર જાતિષુ તથાગતસમવધાનગતો ભવિષ્યતિ । સર્વકલ્યાણમિત્રાણિ ચ પ્રતિલપ્સ્યતે । અપરિમિતપુણ્યસ્કન્ધસ્ય પરિગૃહીતો ભવિષ્યતિ ॥
ઇમન્યેવંરૂપાણિ મહારાજગુણાનુશંસાનિ સંપશ્યમાનેન તેન રાજ્ઞા ધર્મભાણકો યોજનાત્પ્રત્યુત્થાતવ્યઃ । તસ્ય ધર્મભાણકસ્યાન્તિકે શાસ્તૃસંજ્ઞોત્પાદયિતવ્યા । એવં ચિત્તમુત્પાદયિતવ્યમ્ । અદ્ય મમ શાક્યમુનિસ્તથાગતો ઽર્હન્સમ્યક્સંબુદ્ધ ઇહ રાજકુલે પ્રવેક્ષ્યતિ । અદ્ય મમ શાક્યમુનિસ્તથાગતો ઽર્હન્સમ્યક્સંબુદ્ધ ઇહ રાજકુલે સ્વજનમનુશસિષ્યતે । સર્વલોકવિપ્રત્યયનીયં ધર્મશ્રવણં શ્રોષ્યામિ । ( બગ્છિ 43 ) અદ્યાહમનેન ધર્મશ્રવણેનાવૈવર્તિકો ભવિષ્યામ્યનુત્તરાયાં સમ્યક્સંબોધૌ । અદ્ય મયા તથાગતકોટીનિયુતશતશસ્રાણ્યારાગિતાનિ ભવિષ્યન્તિ । અદ્ય મયાતીતાનાગતપ્રત્યુત્પન્નાનાં બુદ્ધાનાં ભગવતામચિન્ત્યા મહતી વિપુલા વિસ્તીર્ણા પૂજા કૃતા ભવિષ્યતિ । અદ્ય મમ નરકગતિતિર્યગ્યોનિયમલોકદુઃખાન્યન્તશઃ સમુચ્છિન્નાનિ ભવિષ્યન્તિ । અદ્ય મયાનેકાનાં બ્રહ્મેન્દ્રરાજત્વકોટીનિયુતશતસહસ્રાત્મભાવપ્રતિલબ્ધાનાં કુશલમૂલબીજાન્યવરોપિતાનિ ભવિષ્યન્તિ । અદ્ય મયાનેકાનાં શક્રકોટીનિયુતશતસહસ્રાત્મભાવપ્રતિલબ્ધાનાં કુશલમૂલાન્યવરોપિતાનિ ભવિષ્યન્તિ । અદ્ય મયાનેકાનિ ચક્રવર્તિરાજકોટીનિયુતશતસહસ્રાત્મભાવપ્રતિલબ્ધાનાં કુશલમૂલબીજાન્યવરોપિતાનિ ભવિષ્યન્તિ । અદ્ય મયા સત્ત્વકોટીનિયુતશતસહસ્રાણિ સંસારાત્પરિમોચિતાનિ ભવિષ્યન્તિ । અદ્ય મયાચિન્ત્યસુવિપુલવિસ્તીર્ણાપારમિતપુણ્યસ્કન્ધઃ પરિગૃહીતો ભવિષ્યન્તિ । અદ્ય મમ સર્વાન્તઃપુરસ્ય મહત્યારક્ષા કૃતા ભવિષ્યન્તિ । અદ્ય મમ રાજકુલે ઽચિન્ત્યા સમબિશિષ્ટાનુત્તરા મહતી શાન્તિઃ કૃતા ભવિષ્યતિ સ્વસ્ત્યયનં ચ । અદ્ય મમાયં સર્વવિષય આરક્ષિતો ભવિષ્યતિ । પરિપાલિતશ્ચાનુત્પીડિતશ્ચાનુત્કણ્ઠિકશ્ચ સર્વપરચક્રાનવમર્દિતશ્ચાનુપસર્ગશ્ચાનુપાયાસશ્ચ ભવિષ્યતિ ॥

યદા ચ મહારાજાઃ સ મનુષ્યરાજો ઽનેનૈવંરૂપેણ સદ્ધર્મગૌરવેણ સુવર્ણપ્રભાસોત્તમસૂત્રેન્દ્રરાજધારકા ભિક્ષુભિક્ષુણ્યુપાસકોપાસિકાઃ સત્કુર્યાદ્ગુરુકુર્યાન્માનયેદ્યુષ્માકં ચતુર્ણાં મહારાજાનાં સબલપરિવારાણાં તેષાં ચ દેવગણાનામનેકેષાં ચ યક્ષશતસહસ્રાણાં મહા તથા ધર્માઙ્ગપ્રત્યક્ષં દદ્યાત્ યેન ચૈવાસૌ મનુષ્યરાજઃ પુણ્યભિસંસ્કારેણ કુશલાભિસંસ્કારેણ ચ તેનૈવ ચાત્મભાવેન ચ દૃષ્ટધાર્મિકેણાચિન્ત્યેન મહતા રાજ્યૈશ્વર્યેણ વિવર્ધયિષ્યતિ । દૃષ્ટધાર્મિકેણાચિન્ત્યેન મહતા રાજતેજસા સમન્વાગતો ભવિષ્યતિ । શ્રિયા ચ તેજસા ચ લક્ષ્મ્યા ચાલંકૃતો ભવિષ્યતિ । સર્વપ્રત્યર્થિકાશ્ચ સર્વશત્રવશ્ચ સહધર્મેણ સુનિગૃહીતા ભવિષ્યન્તિ ॥
એવમુક્તે ચત્વારો મહારાજા ભગવન્તમેતદવોચન્ । યઃ કશ્ચિદ્ભદન્ત ભગવન્મનુષ્યરાજો ભવેત્ સો ઽનેનૈવંરૂપેણ ધર્મગૌરવેણેમં સુવર્ણપ્રભાસોત્તમં સૂત્રેન્દ્રરાજં શૃણુયાત્ । તાશ્ચ સૂત્રેન્દ્રધારકા ભિક્ષુભિક્ષુણ્યુપાસકોપાસિકાઃ સત્કુર્યાદ્ગુરુકુર્યાન્માનયેત્પૂજયેત્ । અસ્માકં ચતુર્ણાં મહારાજાનામર્થાય તદ્રાજકુલં સુશોધિતં શોધયેત્ । નાનાગન્ધોદકસંસિક્તં કુર્યાત્ । તં ચ ધર્મશ્રાવણમસ્માભિશ્ચતુર્ભિશ્ચ મહારાજૈઃ સાર્ધં સાધારણં શૃણ્યાદાત્મનો ઽર્થાય સર્વદેવતા ચ કિંચિન્માત્રં કુશલં પ્રત્યક્ષં દદ્યાત્ । સમન્તરનિષણ્ણસ્ય ચ ભદન્ત ભગવંસ્તસ્ય ભિક્ષોર્ધમાસનગતસ્ય તેન મનુષ્યરાજેનાસ્માકં ચતુર્ણાં મહારાજાનામર્થાય નાનાગન્ધા ધૂપયિતવ્યાઃ । સહધૂપિતેષુ ભદન્ત ભગવંસ્તસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય પૂજાર્થાય નાનાગન્ધેષુ નાનાગન્ધધૂપલતા નિશ્ચરન્તિ । તસ્મિન્નેવ ક્ષણલવમુહૂર્તે ઽસ્માકં ચતુર્ણાં મહારાજાનાં સ્વકસ્વકભવનગતાન્યુપર્યન્તરીક્ષે નાનાગન્ધધૂપલતાછત્રાણિ સંસ્થાસ્યન્તિ । ઉદારાંશ્ચ ગન્ધાનાઘ્રાસ્યન્તિ । સુવર્ણવર્ણમયાશ્ચાવભાસાઃ પ્રાદુર્ભવિષ્યન્તિ । તેન ચાવભાસેનાસ્માકં ભવનાન્યવભાસિતાનિ ભવિષ્યન્તિ । બ્રહ્મણઃ સહાંપતેઃ શક્રસ્ય ચ દેવાનામિન્દ્રસ્ય સરસ્વત્યાશ્ચ મહાદેવ્યા દૃઢાયાશ્ચ મહાદેવ્યાઃ શ્રિયશ્ચ મહાદેવ્યાઃ સંજયસ્ય ચ મહાયક્ષસેનાપતેરષ્ટાવિંશતીનાં ચ મહાયક્ષસેનાપતીનં મહેશ્વરસ્ય ચ દેવપુત્રસ્ય વજ્રપાણેશ્ચ મહાયક્ષસેનાપતેર્માણિભદ્રસ્ય ચ મહાયક્ષસેનાપતેર્હારીત્યાશ્ચ પઞ્ચપુત્રશતપરિવારાણામનવતપ્તસ્ય ચ નાગરાજસ્ય ચૈતેષાં ભદન્ત ભગવન્સ્વકસ્વકભવનગતાનામ્ । તેન ક્ષણલવમુહૂર્તેનોપર્યન્તરીક્ષે નાનાગન્ધધૂપલતાછત્રાણિ સંસ્થાસ્યન્તિ । ઉદારાંશ્ચ નાનાગન્ધાનાઘ્રાસ્યન્તિ । સુવર્ણવર્ણમયાશ્ચાવભાસાઃ પ્રાદુર્ભવિષ્યન્તિ । તયા ચાવભાસયા સર્વભવનાન્યવભાસિતાનિ ભવિષ્યન્તિ ॥
એવમુક્તે ભગવાંશ્ચતુરો મહારાજાનેતદવોચત્ । ન કેવલં યુષ્માકં ચતુર્ણાં મહારાજાનાં સ્વકસ્વકભવનગતાનામુપર્યન્તરીક્ષગતાતિ નાનાગન્ધધૂપલતાછત્રાણિ સંસ્થાસ્યન્તિ । તત્કસ્ય હેતોઃ? સહપ્રધૂપિતાશ્ચ મહારાજાસ્તેન મનુષ્યરાજેન નાનાગન્ધા અસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય પૂજોપસ્થાનાય । તતશ્ચૈવ ધૂપકુણ્ડહસ્તપરિગૃહીતા નાનાગન્ધધૂપલતા નિશ્ચરિષ્યન્તિ । તેન ક્ષણલવમુહૂર્તેન સર્વસ્યામસ્યાં ત્રિસાહસ્રમહાસાહસ્રાયાં લોકધાતૌ યત્ર કોટીશતં ચન્દ્રાણાં ( બગ્છિ 45 ) કોટીશતં સુમેરૂણાં પર્વતરાજાનાં કોટીશતં ચક્રવાડમહાચક્રવાડાનાં પર્વતરાજાનાં કોટીશતં ચતુર્મહાદ્વીપાનાં કોટીશતં ચતુર્મહારાજકાયિકાનાં દેવાનાં કોટીશતં ત્રયસ્ત્રિંશાનાં દેવાનાં કોટીશતં યાવન્નૈવસંજ્ઞાયતનોપગાનાં દેવાનામ્ । સર્વત્ર ચ તેષુ ત્રિસાહસ્રમહાસાહસ્રલોકધાતુકોટીશતેષુ ત્રયસ્ત્રિંશેષુ દેવનિકાયેષુ સર્વેષાં ચ દેવનાગયક્ષગન્ધર્વાસુરગરુડકિંનરમહોરગાણાં ચ ભવનગતાનાં ચોપર્યન્તરીક્ષગતાનિ નાનાગન્ધધૂપલતાછત્રાણિ સંસ્થાસ્યન્તિ । ઉદારાંશ્ચ નાનાગન્ધાનાઘ્રાસ્યન્તિ । સુવર્ણવર્ણમયાશ્ચાવભાસાઃ પ્રાદુર્ભવિષ્યન્તિ । તાભિશ્ચાવભાસાભિઃ સર્વભવનાન્યવભાસિતાનિ ભવિષ્યન્તિ । રત્નચ્છત્રાણિ સંસ્થાસ્યન્તિ । ઉદારોદારાઞ્ચ ગન્ધાનાઘ્રાસ્યન્તિ સર્વદેવભવનેષુ સુવર્ણવર્ણાવભાસાઃ પ્રાદુર્ભવિષ્યન્તિ । તેન ચાવભાસેન સર્વદેવભવનાન્યવભાસિતાનિ ભવિષ્યન્તિ । યથા ત્રિસાહસ્રમહાસાહસ્રાયાં લોકધાતૌ સર્વદેવભવનાન્યુપર્યન્તરીક્ષે તાનિ નાનાગન્ધધૂપલતાછત્રાણિ સંસ્થાસ્યન્તિ । તથા ચાસ્ય મહારાજાઃ સુવર્ણપ્રભાસોત્તમસ્ય સૂત્રેન્દ્રરાજસ્ય તેજસા કુણ્ડહસ્તેન ધૂપિતાસ્તેન મનુષ્યરાજેન નાનાગન્ધા અસ્ય સુવર્ણપ્રભાસોત્તમસ્ય સૂત્રેન્દ્રરાજસ્ય પૂજાર્થાય નાનાગન્ધધૂપલતાછત્રાણિ સંસ્થાસ્યન્તિ । તેન ક્ષણલવમુહૂર્તેન સમન્તાદ્દશસુ દિક્ષ્વનેકેષુ ગઙ્ગાનદીવાલુકોપમેષુ બુદ્ધક્ષેત્રકોટીનિયુતશતસહસ્રેષ્વનેકેષાં ગઙ્ગાનદીવાલુકાસમાનાં તથાગતકોટીનિયુતશતસહસ્રાણામુપર્યન્તરીક્ષે તાનિ નાનાગન્ધધૂપલતાછત્રાણિ સંસ્થાસ્યન્તિ । તેષુ વાલુકોપમેષુ બુદ્ધકોટીનિયુતશતસહસ્રેષ્વુદારોદારાન્નાનાગન્ધધૂપાનાઘ્રાસ્યન્તિ । સુવર્ણવર્ણમયાવભાસાઃ પ્રાદુર્ભવિષ્યન્તિ । તેન ચાવભાસેન તાન્યનેકાનિ ગઙ્ગાનદીવાલુકોપમાનિ બુદ્ધક્ષેત્રકોટીનિયુતશતસહસ્રાણ્યભાસિતાનિ ભવિષ્યન્તિ । સમનન્તરપ્રાદુર્ભૂતાનિ ચ મહારાજા ઇમાન્યેવંરૂપાણિ મહાપ્રાતિહાર્યાણિ તાન્યનેકાનિ ગઙ્ગાનદીવાલુકાસમાનિ બુદ્ધક્ષેત્રકોટીનિયુતશતસહસ્રાણિ પ્રતિષ્ઠિતાસ્તથાગતાસ્તં ચ ધર્મભાણકં સમન્વાહરિષ્યન્તિ । સાધુકારાણિ ચ પ્રદાસ્યન્તિ સાધુ સાધુ સત્પુરુષ સાધુ પુનસ્ત્વં સત્પુરુષ । યસ્ત્વમિમમેવંરૂપં ગમ્ભીરમેવં ગમ્ભીરાર્થમેવં ગમ્ભીરાવભાસમેવમચિન્ત્યગુણધર્મસમન્વાગતં સુવર્ણપ્રભાસોત્તમં સૂત્રેન્દ્રરાજં વિસ્તરેણ સંપ્રકાશયિતુકામઃ । ( બગ્છિ 46 ) ન ચૈતે સત્ત્વા ઇતરેણ કુશલમૂલેન સમન્વાગતા ભવિષ્યન્તિ । ય ઇમં સુવર્ણપ્રભાસોત્તમં સૂત્રેન્દ્રરાજમન્તશઃ શ્રોષ્યન્તિ, પ્રાગેવોદ્ગ્રહીષ્યન્તિ ધારયિષ્યન્તિ લિખિષ્યન્તિ લિખાપયિષ્યન્તિ વાચયિષ્યન્તિ પર્યવાપ્સ્યન્તિ । વિસ્તરેણ પર્ષદિ સંપ્રકાશયિષ્યન્તિ દેશયિષ્યન્ત્યુદ્દેક્ષ્યન્તિ સ્વાધ્યાયિષ્યન્તિ યોનિશો મનસિ ભાવયિષ્યન્તિ । તત્કસ્ય હેતોઃ? સહશ્રવણેનાસ્ય પુરુષસ્ય સુવર્ણપ્રભાસોત્તમસ્ય સૂત્રેન્દ્રરાજસ્યાનેકાનિ બોધિસત્ત્વકોટીનિયુતશતસહસ્રાણ્યવૈવર્તિકાનિ ભવિષ્યન્ત્યનુત્તરાયાઃ સમ્યક્સબોધેઃ ॥

અથ ખલુ તાનિ સમન્તાદ્દશસુ દિક્ષુ ગઙ્ગાનદીવાલુકોપમેષુ બુદ્ધક્ષેત્રકોટીનિયુતશતસહસ્રેષ્વનેકાનિ તથાગતકોટીનિયુતશતસહસ્રાણિ સ્વકસ્વકેષુ બુદ્ધક્ષેત્રેષુ પ્રતિષ્ઠિતાનિ તેન કાલેન તેન સમયેનૈકપાદેનૈકવાચૈકસ્વરનિર્ઘોષેણ તસ્ય ધર્મભાણકસ્ય ભિક્ષોર્ધર્માસનગતસ્યૈતદૂચુઃ । ઉપસંક્રમિષ્યસિ ત્વં સત્પુરુષાનાગતે ઽધ્વનિ બોધિમણ્ડમ્ । પ્રદર્શયિષ્યસિ ત્વં સત્પુરુષ બોધિમણ્ડવરાગ્રગતો દ્રુમરાજમૂલોપવિષ્ટઃ સર્વત્રૈલોક્યપ્રતિવિશિષ્ટાનિ સર્વસત્ત્વાંસ્ત્રિકાલાન્તરાણિ વ્રતતપશ્ચરણબલાધાનાન્યધિષ્ઠાનાન્યધિષ્ઠિતાન્યનેકાનિ દુષ્કરકલ્પકોટીનિયુતશતસહસ્રાણિ સમલંકરિષ્યસિ ત્વં સત્પુરુષ બોધિમણ્ડમ્ । પરિત્રાયિષ્યસિ ત્વં સત્પુરુષ સર્વાંસ્ત્રિસાહસ્રમહાસાહસ્રલોકધાતૂન્ । પરાજયિષ્યસિ ત્વં સત્પુરુષ દ્રુમરાજમૂલોપવિષ્ટઃ કૃતિમરૂપપરમબીભત્સદર્શનં નાનાવિકૃતરૂપમચિન્ત્યમારસૈન્યમ્ । અભિસંભોત્સ્યસિ ત્વં સત્પુરુષ બોધિમણ્ડવરાગ્રગતો ઽનુપમપ્રશાન્તવિરજસ્કગમ્ભીરામનુત્તરાં સમ્યક્સંબોધિમ્ । પ્રવર્તયિષ્યસિ ત્વં સત્પુરુષાર્યસારદૃઢવજ્રાસનોપવિષ્ટઃ સર્વજનાભિસંસ્તુતં પરમગમ્ભીરં દ્વાદશાકારમનુત્તરધર્મચક્રમ્ । પરાહનિષ્યસિ ત્વં સત્પુરુષાનુત્તરં ધર્મગઞ્જવાદ્યમ્ । આપૂરયિષ્યસિ ત્વં સત્પુરુષાનુત્તરં મહાધર્મશઙ્ખમ્ । ઉચ્છ્રયિષ્યસિ ત્વં સત્પુરુષ મહાધર્મધ્વજમ્ । પ્રજ્વલયિષ્યસિ ત્વં સત્પુરુષાનુત્તરાં ધર્મોલ્કામ્ । પ્રવર્ષયિષ્યસિ ત્વં સત્પુરુષાનુત્તરં મહાધર્મવર્ષમ્ । પરાજયિષ્યસિ ત્વં સત્પુરુષનેકાનિ ક્લેશશતસહસ્રાણિ । પ્રતારયિષ્યસિ ત્વં સત્પુરુષાનેકાનિ સત્ત્વકોટીનિયુતશતસહસ્રાણિ સુભીમાન્મહાભયસમુદ્રાત્ । પરિમોચયિષ્યસિ ત્વં સત્પુરુષાનેકાનિ સત્ત્વકોટીનિયુતશતસહસ્રાણિ સંસારચક્રાત્ । આરાગયિષ્યસિ ત્વં સત્પુરુષાનેકાનિ તથાગતકોટીનિયુતશતસહસ્રાણિ ॥
એવમુક્તે ચત્વારો મહારાજા ભગવન્તમેતદવોચન્ । અસ્ય ભદન્ત ભગવન્સુવર્ણપ્રભાસોત્તમસ્ય સૂત્રેન્દ્રરાજસ્યેમાન્યેવંરૂપાણિ દૃપ્ધાર્મિકાણિ મારપરાજયિકાનિ ચ ગુણાનિ સંપશ્યમાનસ્ય બુદ્ધસહસ્રાવરુપ્તકુશલમૂલસ્ય મનુષ્યરાજસ્યાનુકમ્પાચ્ચાપરિમિતપુણ્યસ્કન્ધપરિગ્રહં સંપશ્યમાનાસ્તે વયં ભદન્ત ભગવંશ્ચત્વારો મહારાજાઃ સબલપરિવારા અનેકૈર્યક્ષશતસહસ્રૈઃ સાર્ધં સ્વભવનગતા નાનાગન્ધધૂપલતાછત્રાઃ સંચોદિતાઃ સમાના અદૃશ્યૈરાત્મભાવૈર્યેન તસ્ય મનુષ્યરાજસ્યોપગતસંસ્કારકૂટસુશોધિતં નાનાગન્ધોદકસુસંસિક્તં નાનાલંકારસમલંકૃતં રાજકુલં તેનોપસંક્રમિષ્યામો ધર્મશ્રવણાય । બ્રહ્મા ચ સહાંપતિઃ શક્રશ્ચ દેવાનામિન્દ્રઃ સરસ્વતી ચ મહાદેવી શ્રીશ્ચ મહાદેવી દૃઢા ચ પૃથિવીદેવતા સંજયશ્ચ મહાયક્ષસેનાપતિરષ્ટાવિંશતિમહાયક્ષસેનાપતયશ્ચ મહેશ્વરશ્ચ દેવપુત્રો વજ્રપાણિશ્ચ ગુહ્યકાધિપતિર્માણિભદ્રશ્ચ મહાયક્ષસેનાપતિર્હારીતી ચ પઞ્ચપુત્રશતપરિવારા અનવતપ્તશ્ચ નાગરાજઃ સાગરશ્ચ નાગરાજઃ । અનેકાનિ ચ દેવકોટીનિયુતશતસહસ્રાણ્યદૃશ્યૈરાત્મભાવૈર્યેન તસ્ય મનુષ્યરાજસ્ય તત્ર ત નાનાલંકારસમલંકૃતં રાજકુલં યત્ર તસ્ય ધર્મભાણકસ્ય ભિક્ષોઃ પુષ્પાભિકીર્ણાયાં ધરણ્યાં શૌચપ્રગૃહીતં નાનાલંકારસમલંકૃતં યત્ર યત્ર ધર્મભાણકસ્ય ભિક્ષોઃ પુષ્પાભિકીર્ણાયં ધરણ્યાં શૌચપ્રગૃહીતં નાનાલંકારસમલંકૃતં યત્ર યત્ર ધર્માસનં પ્રજ્ઞપ્તં તત્ર ભવિષ્યન્તિ ધર્મશ્રવણાય ॥
તે વયં ભદન્ત ભગવંશ્ચત્વારો મહારાજા અનેકૈર્યક્ષશતસહસ્રૈરેભિશ્ચ સર્વૈઃ સાર્ધં સમગ્રા ભવિષ્યામસ્તસ્ય મનુષ્યરાજસ્ય કલ્યાણમિત્રસહાયકસ્ય કલ્યાણસંપ્રાપકસ્યાનુત્તરમહારસોદારદાતુરનેન ધર્મામૃતરસેન સંતર્પિતાઃ સંતર્પ્ય તસ્ય મનુષ્યરાજસ્યારક્ષાં કરિષ્યામઃ । પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યામઃ । તસ્ય રાજકુલસ્ય ચ નગરસ્ય ચ વિષયસ્ય ચ રક્ષાં કરિષ્યામઃ । પરિત્રાણં પરિગ્રહં પરિપાલનં શાન્તિસ્વસ્ત્યયનં કરિષ્યામં । તચ્ચ વિષયં સર્વોપદ્રવોપસર્ગોપાયાસેભ્યઃ પરિમોચયિષ્યામ ઇતિ ॥
યઃ કશ્ચિદ્ભદન્ત ભગવન્મનુષ્યરાજો ભવેત્ । યસ્ય ચ મનુષ્યરાજસ્ય વિષયે ઽયં સૂત્રેન્દ્રરાજં સંપ્રચરેત્ । યદા ચાસૌ ભદન્ત ભગવન્મનુષ્યરાજઃ સુવર્ણપ્રભાસોત્તમસ્ય સૂત્રેન્દ્રરાજસ્ય ( બગ્છિ 48 ) ધારકાન્ ભિક્ષુભિક્ષુણ્યુપાસકોપાસિકા ન સત્કુર્યાન્ન ગુરુકુર્યાન્ન માનયેન્ન પૂજયેત્ । અસ્માકં ચતુર્ણાં મહારાજાનામનેકાનિ યક્ષકોટીનિયુતશતસહસ્સ્રાણ્યનેન ધર્મશ્રવણેનૈનેન ધર્મામૃતરસેન ન સંતર્પયેરન્ન પ્રતિમાનયેરન્ । ઇમાનિ દિવ્યાત્મભાવાનિ મહતા તેજસા ન વિવર્ધયેન્ન ચાસ્માકં વીર્યં ચ બલં ચ સંજનયેત્ । તેજશ્ચ શ્રિયશ્ચ લક્ષ્મીં ચાસ્માકં કાયેષુ ન વિવર્ધયેત્ । ન તે ઽપિ વયં ભદન્ત ભગવંશ્ચત્વારો મહારાજાઃ સબલપરિવારા અનેકૈર્યક્ષકોટીનિયુતશતસહસ્રૈસ્તસ્ય ચ વિષયે રક્ષાં કરિષ્યામઃ । ભદન્ત ભગવન્વિષયમસ્માકમુપેક્ષન્તઃ સર્વવિષયવાસિનો દેવગણાસ્તં વિષયમુપેક્ષ્યન્તિ । દેવતાશ્ચ ભદન્ત ભગવન્તં વિષયમુપેક્ષ્યન્તે ॥
તત્ર તત્ર વિષયે નાનાવિધા વિષયલોપા ભવિષ્યન્તિ । દારુણાનિ ચ રાજસંક્ષોભાનિ ભવિષ્યન્તિ । સર્વવિષયગતાનિ ચ સત્ત્વાનિ કલહજાતાનિ ભવિષ્યન્તિ । ભણ્ડનજાતાનિ વિગૃહીતાનિ વિવાદમાપન્નાનિ નાનાવિધાશ્ચ ગ્રહરોગા વિષયે પ્રાદુર્ભાવિષ્યન્તિ । નાનાદિગભ્ય આગતાશ્ચોલ્કાપાતાઃ પ્રાદુર્ભવિષ્યન્તિ । ગ્રહનક્ષત્રાણિ ચ પરસ્પરેણ વિરુદ્ધાનિ ભવિષ્યન્તિ । સૂર્યપ્રતિરૂપકાણિ શશિન ઉત્પાદયિષ્યન્તિ । ચન્દ્રગ્રહાશ્ચ ભવિષ્યન્તિ । સૂર્યગ્રહાશ્ચ સતતસમિતં ગગનાન્તરગતૌ સૂર્યચન્દ્રમસૌ નો દૃક્યથગતૌ ભવિષ્યતઃ । ઉલ્કાપાતસદૃશવર્ણાનિ પરિવેશકાનિ ગગનાન્તરે કાલેન કાલં પ્રાદુર્ભવિષ્યન્તિ । પૃથિવીકમ્પાશ્ચ ભવિષ્યન્તિ । કૂપાશ્ચ પૃથિવીગતાઃ સંક્ષેપન્તઃ શોક્ષ્યન્તિ । વિષમવાતાશ્ચ વાસ્યન્તિ । વિષમવર્ષાશ્ચ ભવિષ્યન્તિ । દુર્ભિક્ષકાન્તારશ્ચ સર્વવિષયે ભવિષ્યતિ । પરચક્રાણિ ચ તદ્વિષયં વેક્ષ્યન્તિ । આયાસબહુલં ભવિષ્યતિ । તેષામસ્માકં ભદન્ત ભગવંશ્ચતુર્ણાં મહારાજાનાં સબલપરિવારાણામનેકેષાં ચ યક્ષશતસહસ્રાણાં વિષયવાસિનાં ચ દેવનાગાનાં તં વિષયમુપેક્ષતસ્તત્ર વિષય ઇમાન્યેવં રૂપાણિ નાનાવિધાન્યુપદ્રવશતાનિ ભવિષ્યન્ત્યુપદ્રસહસ્રાણિ વા ॥
યઃ કશ્ચિદ્ભદન્ત ભગવન્મનુષ્યરાજો ભવેત્ । ય આત્મનો મહતીમારક્ષાં કર્તુકામો ભવેત્ । ચિરં ચ નાનાવિધાનિ રાજસૌખ્યાન્યનુભવિતુકામો ભવેત્ । સર્વસુખસમર્પિતો ન ચિરેણ રાજત્વં કર્તુકામો ભવેત્ । સર્વવિષયવાસિનાં ચ સત્ત્વાનાં સુખાપયિતુકામો ભવેત્ । સર્વપરચક્રાણિ ચ પરાજયિતુકામો ભવેત્ । સર્વસુખેન વિષયં પરિપાલયિતુકામો ભવેત્ । ધર્મેણ રાજત્વં કારયિતુકામો ભવેત્ । સ્વવિષયં ચ સર્વભયોપદ્રવોપસર્ગોપાયાસેભ્યઃ પરિમોચયિતુકામો ભવેત્ ॥

તેન ચ ભદન્ત ભગવન્મનુષ્યરાજેનાયં સુવર્ણપ્રભાસોત્તમઃ સૂત્રેન્દ્રરાજઃ શ્રોતવ્યઃ । શ્રુત્વા ચૈતાસ્તદ્ધારકા ભિક્ષુભિક્ષુણ્યુપાસકોપાસિકાઃ સત્કર્તવ્યા ગુરુકર્તવ્યા માનયિતવ્યાઃ પૂજયિતવ્યાઃ । વયં ચત્વારો મહારાજાઃ સબલપરિવારા અનેનૈવ ધર્મશ્રવણકુશલમૂલોપચયેનાનેન ધર્માકૃતરસેન સંતર્પયિતવ્યાઃ । અસ્માકં ચેમાનિ દિવ્યાત્મભાવાનિ મહાતેજસા વિવર્ધયિતવ્યાનિ । તત્કસ્ય હતોઃ? યદ્ભદન્ત ભગવંસ્તેન મનુષ્યરાજેનાવશ્યમયં સુવર્ણપ્રભાસોત્તમઃ સૂત્રેન્દ્રરાજઃ શ્રોતવ્યઃ ॥
યાવન્તિ ભદન્ત ભગવન્બ્રહ્મેન્દ્રેણ લૌકિકલોકોત્તરાણિ ચ નાનાવિધાનિ શાસ્ત્રાણ્યુપદર્શિતાનિ । યાવન્તિ ચ શક્રેણ દેવેન્દ્રેણ નાનાવિધાનિ શાસ્ત્રાણ્યુપદર્શિતાનિ । યાવન્તિ ચ નાનાવિધૈઃ પઞ્ચભિજ્ઞૈ ઋષિર્ભિર્લૌકિકલોકોત્તરાણિ ચ સત્ત્વાનામર્થાય શાસ્ત્રાણ્યુપદર્શિતાનિ । ભદન્ત ભગવંસ્તેભ્યો બ્રહ્મેન્દ્રશતસહસ્રેભ્યો ઽનેકેભ્યશ્ચ શક્રકોટીનિયુતશતસહસ્રેભ્યઃ સર્વેભ્યશ્ચ પઞ્ચાભિજ્ઞેભ્ય ઋષિકોટીનિયુતશતસહસ્રેભ્યસ્તથાગતો ઽગ્રતરશ્ચ વિશિષ્ટતરશ્ચેમં સુવર્ણપ્રભાસોત્તમસૂત્રેન્દ્રરાજં વિસ્તરેણ સત્ત્વાનામર્થાય સંપ્રકાશયિતઃ ॥
યથાયં સર્વજમ્બુદ્વીપગતાનાં મનુષ્યરાજાનાં રાજત્વં કારયિતવ્યમ્ । યથા ચ સર્વસત્ત્વાનિ સુખાર્પિતાનિ ભવિષ્યન્તિ । યથા ચ સર્વવિષયાનુત્પીડિતાશ્ચ ભવિષ્યન્ત્યકણ્ટકાઃ । યથા પરચક્રાણિ પરાજિતાનિ ભવિષ્યન્તિ । પરાઙ્મુખીભૂતાનિ । યથા ચ તે વિષયા અનુપાયાસાશ્ચ । યથા ચ સર્વવિષયધર્મા અનુપાયાસાશ્ચ ભવિષ્યન્ત્યનુપદ્રુતાશ્ચ । યથા ચ તૈર્મનુષ્યરાજૈઃ સ્વેષુ વિષયેષુ મહતી ધર્મોલ્કાઃ પ્રજ્વલિતા ભવિષ્યન્ત્યાદીપિતાશ્ચ । યથા ચ સર્વદેવતાભવનાનિ
( બગ્છિ 50 ) આદીપિતાનિ ભવિષ્યન્તિ દેવૈર્દેવપુત્રૈશ્ચ । યથ ચ વયં ચત્વારો મહારાજાઃ સબલપરિવારા અનેકાનિ યક્ષશતસહસ્રાણિ સર્વજમ્બુદ્વીપગતાશ્ચ દેવગણાઃ સંતર્પિતા ભવિષ્યન્તિ સંપ્રસાદિતાશ્ચ । યથા ચાસ્માકં કાયે મહાન્તં વીર્યં ચ બલં ચ સ્થામ ચ સંજનિતં ભવિષ્યન્તિ । યથા ચાસ્માકં કાયે તેજશ્ચ શ્રીશ્ચ લક્ષ્મીશ્ચ ભૂયસ્યા માત્રયાભિનિચિશન્તિ । યથા ચ સર્વજમ્બુદ્વીપઃ સુભિક્ષો ભવિષ્યતિ રમણીયશ્ચ બહુજનાકીર્ણમનુષ્યશ્ચ । યથા ચ સર્વજમ્બુદ્વીપગતાનિ સત્ત્વાનિ સર્વસુખાનિ ભવિષ્યન્તિ । નાનારતિમનુભવિષ્યન્તિ । યથા ચ સત્ત્વાન્યનેકકલ્પકોટીનિયુતશતસહસ્રાણ્યયિન્ત્યાન્યુદારોદારાણિ સુખાન્યનુભવિષ્યન્તિ । બુદ્ધૈશ્ચ ભગવદ્ભિઃ સાર્ધં સમવધાનગતાનિ ભવિષ્યન્તિ । અનાગતે ઽધ્વન્યનુત્તરાં સમ્યક્સંબોધિમભિસંભોત્સ્યન્તે । તત્સર્વમેતર્હિ ભગવતા તથાગતેનાર્હતા સમ્યક્સંબુદ્ધેન મહતા કારુણ્યબલાધિષ્ઠાનેન શક્રકોટીનિયુતશતસહસ્રાણિ દિવ્યાતિરેકતરે ઽનુત્તરે તથાગતજ્ઞાને નાનાવિધાનેકસર્વપઞ્ચાભિજ્ઞર્ષિગણકોટીનિયુતશતસહસ્રાણિ ચાતિરેકસમ્યક્સંબુદ્ધેન બ્રહ્મેન્દ્રકોટીનિયુતશતસહસ્રાણિ ચાતિરેકવ્રતતપો ઽધિષ્ઠાનેન સ ભગવતા તથાગતોનાર્હતા સમ્યક્સંબુદ્ધેનાયં સુવર્ણપ્રભાસોત્તમઃ સૂત્રેન્દ્રરાજો વિસ્તરેણ સર્વસત્ત્વાનામર્થાયેહ જમ્બુદ્વીપે સંપ્રકાશિતઃ ॥
તેન મનુષ્યરાજેન સર્વજમ્બુદ્વીપગતાનિ લૌકિકલોકોત્તરાણિ રાજકાર્યાણિ રાજશાસ્રાણિ રાજકરણાનિ નિર્યાતાનિ । યૈરિમે સત્ત્વાઃ સુખિનો ભવિષ્યન્તિ । તાનિ સર્વાણિ ભગવતા તથાગતેનાર્હતા સમ્યક્સંબુદ્ધેનાયં સુવર્ણપ્રભાસોત્તમસૂત્રેન્દ્રરાજ ઉપદર્શિતઃ પરિદીપિતઃ સંપ્રકાશિતઃ । તેન ભદન્ત ભગવન્હેતુના તેન પ્રત્યયેન ચ તેન મનુષ્યરાજેનાવશ્યમાયં સુવર્ણપ્રભાસોત્તમઃ સૂત્રેન્દ્રરાજઃ સત્કૃત્ય શ્રોતવ્યઃ સત્કૃત્ય માનયિતવ્યઃ સત્કૃત્ય પૂજયિતવ્યઃ ॥
એવમુક્તે ભગવાંશ્ચતુરો મહારાજાનેતદવોચત્ । તેન હિ ચત્વારો મહારાજાઃ સબલપરિવારા અવશ્યં તેષાં મનુષ્યરાજાનામસ્ય સુવર્ણપ્રભાસોત્તમય સૂત્રેન્દ્રરાજસ્ય શ્રોતૄણાં પૂજયિતૄણાં મહાન્તમૌત્સુક્યં કરિષ્યન્તિ રક્ષાર્થમ્ એતાશ્ચ મહારાજાઃ સૂત્રેન્દ્રધારકા ભિક્ષુભિક્ષુણ્યુપાસકોપાસિકા બુદ્ધક્ષેત્રમારાત્પ્રદર્શન્તે દેવમાનુષાસુરસ્ય લોકસ્ય બુદ્ધકૃત્યાનિ ( બગ્છિ 51 ) કરિષ્યન્તિ । ઇમં સુવર્ણપ્રભાસોત્તમં સૂત્રેન્દ્રરાજં વિસ્તરેણ સંપ્રકાશયિષ્યન્તિ । અવશ્યં યુષ્માભિશ્ચતુર્ભિર્મહારાજૈસ્તેષાં સૂત્રેન્દ્રેધારકાણાં ભિક્ષુભિક્ષુણ્યુપાસકોપાસિકાનામારક્ષા કર્તવ્યા । પરિપાલનં પરિત્રાણં પરિગ્રહં દણ્ડપરિહારં શસ્ત્રપરિહારં શાન્તિસ્વસ્ત્યયનં કર્તવ્યમ્ । યથા ચ સૂત્રેન્દ્રધારકા ભિક્ષુભિક્ષુણ્યુપાસકોપાસિકા આરક્ષિતા ભવેયુરનુત્પીડિતા અનુસર્ગોપાયાસાં સુખચિત્તાઃ । ઇમં સુવર્ણપ્રભાસોત્તમસૂત્રેન્દ્રરાજં વિસ્તરેણ સત્ત્વાનાં સંપ્રકાશયિતુમ્ ॥
અથ ખલુ વૈશ્રવણો મહારાજો ધૃતરાષ્ટ્રો મહારાજો વિરૂઢકો મહારાજો વિરૂપાક્ષો મહારાજોત્થાયાસનેભ્ય એકાંસાનિ ચીવરાણિ પ્રાવૃત્યોત્તરાસઙ્ગં કૃત્વા દક્ષિણં જાનુમણ્ડલં પૃથિવ્યાં પ્રતિષ્ઠાપ્ય યેન ભગવાંસ્તેનાઞ્જલિં પ્રણમ્ય તસ્યાં વેલાયામભિમુખં સારૂપ્યાભિર્ગાથાભિર્ભગવન્તમભિતુષ્ટુવુઃ ॥
જિનચન્દ્રવિમલવપુષં જિનસૂર્યસહસ્રકિરણાભમ્ ।
જિનકમલવિમલનેત્રં જિનકુમુદતુષારવિરજદશનાગ્રમ્

જિનગુણસાગરકલ્પ અનેકરત્નાકર જિનસમુદ્રમ્ ।
જ્ઞાનામ્બુસલિલપૂર્ણં સમાધિશતસહસ્રસંકીર્ણમ્

જિનચરણચક્રચિત્રં સમન્તનેભિસ્તથા સહસ્રાભમ્ ।
કરચરણજાલચિત્રં હંસેન્દ્ર યથા ચરણજાલમ્

કાઞ્ચનગિરિપ્રકાશં સુવર્ણકનકામલં જિનગિરીન્દ્રમ્ ।
સર્વગુણમેરુકલ્પં બુદ્ધગિરીન્દ્રજિન નમસ્યામઃ

આકાશચન્દ્રસદૃશમુદકચન્દ્રનિભં તથાગતશશાઙ્કમ્ ।
માયામરીચિકલ્પ વિમલજિન નમસ્યામઃ

અથ ખલુ ભગવાંશ્ચતુરો મહારાજાન્ગાથાભિર્બભાષે ॥
અયં -
સુત્રેન્દ્રરાજપ્રવરઃ સુવર્ણપ્રભાસોત્તમો દશબલાનામ્ ।
યુષ્માભિ લોકપાલૈઃ પાલયિતવ્યમ્ ----------

યેનાયં સૂત્રરતનગમ્ભીરઃ સર્વસત્ત્વ સુખદાતા ।
સત્ત્વાન હિતસુખાર્થં ચિરં ચ પ્રચરેજ્જમ્બૂદ્વીપે ઽસ્મિન્

યે ચ તૃસાહસ્રમહાસાહસ્રે લોકધાતૌ હિ ।
સત્ત્વા અપાયદુઃખા શમયિત્વા નરકદુઃખાનિ

યે ચેહ જમ્બુદ્વિપે ગતા હિ સર્વે રાજાનસ્તુ મહતઃ પ્રહર્ષજાતા ।
ધર્મેણ ચ પાલયન્તુ વિષયા યેનાયં જમ્બૂદ્વીપઃ ક્ષેમશ્ચ ભવેત્

સૂભિક્ષો રમણીયઃ સર્વે જમ્બૂદ્વીપે સુખિતાનિ ભવન્તિ સર્વસત્ત્વાનિ ।
યસ્યા નાસ્તિ નરપતેર્વિષયે પ્રિયાત્મસૌખ્ય પ્રયતા ચ રાજત્વમ્

ઐશ્વર્યં પ્રિયતા ચ શ્રોતવ્યસ્તેન સૂત્રરાજઃ પરમશત્રુક્ષયકરમ્ ।
પરચક્રનિવર્તનકરપરમભયવ્યસહારઃ પરમશુભકરો ઽયં સૂત્રેન્દ્રરાજ

યથા રત્નવૃક્ષઃ સુરુચિરસ્તુ સર્વગુણસંભવઃ સુગૃહઃ સંસ્થઃ ।
તથૈવાયં સૂત્રેન્દ્રરાજ દ્રષ્ટવ્યો રાજગુણાદીનામ્

યથા શીતલહિમસલિલં ધર્મતં પ્રતિલભત ઉષ્ણ અપહરણમ્ ।
તથૈવાયં સૂત્રવરેન્દ્રો ગુણસુખદાતા ભવતિ નરપતીનામ્

યથૈવ હિ રત્નકરણ્ડઃ સર્વરત્નાકરઃ કરતલસ્થઃ ।
તથૈવાયં સૂત્રેન્દ્રરાજ સ્વર્ણપ્રભાસોત્તમો નૃપગણાનામ્

દેવગણ અર્ચિતો ઽયં દેવેન્દ્રનમસ્કૃતશ્ચ સૂત્રેન્દ્રઃ ।
આરક્ષિતશ્ચતુર્ભિર્મહર્દ્ધિકૈર્લોકપાલૈશ્ચ

બુદ્ધૈહિ દશદિશસ્થૈઃ સદા સમન્વાહૃતો ઽયં સૂત્રેન્દ્રઃ ।
સૂત્રમિદં દેશયતઃ સાધૂકાર દદન્તિ સંબુદ્ધાઃ

યક્ષશતસહસ્રાણી રક્ષન્તિ ચ વિષયં દશસુ દિશાસુ ।
શૃણ્વન્તિ સૂત્રેન્દ્રમિમં પ્રમુદિતચિત્તાઃ પ્રહૃષ્ટાશ્ચ

જમ્બુદ્વીપગતાનિ વિવિક્તાનિ દેવગણાનિ ।
તે સર્વે દેવગણાઃ શૃણ્વન્તુ સૂત્રમિદં પ્રમુદિતાશ્ચ

તેજોબલં વીર્યબલં ચ લભન્તે તેન ધર્મશ્રવણેન ।
મહતૌજસા ચ દેવાં કાયાન્વિવર્ધયિષ્યન્તિ