સુવર્ણપ્રભાસસૂત્ર · અધ્યાય 14

ઇતિ શ્રીસુવર્ણપ્રભાસોઓત્તમસૂત્રેન્દ્રરાજે દેવેન્દ્રસમયં નામ રાજશાસ્ત્રપરિવર્તસ્ત્રયોદશમઃ ॥
॥ સુસંભવપરિવર્તઃ ॥
સસાગરા ત્યક્ત વસુંધરા તદા યદા બભૂવ નૃપ ચક્રવર્તી ।
ચત્વારિ દ્વીપાનિ સરત્નપૂર્ણનિર્યાતિ તા પૂર્વજિનેષુ મહ્યમ્

ન ચાસ્તિ તદ્વસ્તુ પ્રિયં મનાપં પૂર્વં ચ મહ્યં ન વ ત્યક્તમાસીત્ ।
તં ધર્મકાયં પરિમાર્ગણાર્થઃ પ્રિયજીવિતં ત્યક્તમનેકકલ્પાન્

યથ પૂર્વકલ્પેષુ અચિન્તિયેષુ રત્નશિખિસ્ય સુગતસ્ય શાસને ।
પરિનિર્વૃતસ્ય સુગતસ્ય તસ્ય સુસંભવો નામ બભૂવ રાજા

સ ચક્રવર્તી ચતુર્દ્વીપ ઈશ્વરઃ સમુદ્રપર્યન્તમહી પ્રશાસ્યતે ।
જિનેન્દ્રઘોષાય ચ રાજધાનીય સુપ્તો બભૂવા તદ રાજકુઞ્જરઃ

સ્વપ્નાન્તરે બુદ્ધગુણાઞ્ચ શ્રુત્વા રત્નોચ્ચયં પશ્યતિ ધર્મભાણકમ્ ।
સ્થિત સૂર્યમધ્યે વ વિરોચમાનં પ્રકાશયન્તં ઇમ સૂત્રરાજમ્

સ્વપ્નાદ્વિબુદ્ધશ્ચ બભૂવ રાજા પીતિસ્ફુટં સર્વશરીરમસ્ય ।
અભિનિષ્ક્રર્મ રાજકુલાનિ દૃષ્ટુ ઉપસંક્રમી શ્રાવકસંઘમગ્રમ્

કરોતિ પૂજાં જિનશ્રાવકાણાં રત્નોચ્ચયં પૃચ્છતિ ધર્મભાણકમ્ ।
ક્વ ચાસ્તિ ભિક્ષૂરિહ ચાર્યસંઘે રત્નોચ્ચયો નામ ગુણાન્વિતશ્ચ

તેનાન્તરેણા રતનોચ્ચયો હિ અન્યત્ર ગૂહાન્તર સંનિષણઃ ।
વિચિત્રરત્નં ઇમ સૂત્રરાજં સ્વધ્યાયમાનઃ સુખ સંનિષણઃ

દેશેન્તિ રાજસ્ય તદન્તરેણ રત્નોચ્ચયં ભિક્ષુ સ ધર્મભાણકમ્ ।
અન્યત્ર ગૂહાન્તરસંનિષણં । તં તેન રશ્મીશ્રિયયા જ્વલન્તમ્

એષો ઽત્ર રત્નોચ્ચય ધર્મભાણકો ધારેતિ ગમ્ભીરજિનસ્ય ગોચરમ્ ।
સ્વર્ણપ્રભાસોત્તમસૂત્રરત્નં સૂત્રેન્દ્રરાજં સતતં પ્રકાશયેત્

વન્દિત્વ પાદૌ રતનોચ્ચયસ્ય સુસંભવો રાજ ઇદં પ્રવીદ્ધિ ।
દેશે હિ મે પૂર્ણશશાઙ્ક ચક્રં સ્વર્ણપ્રભાસોત્તમસૂત્રરત્નમ્

અધિવાસયી સો રતનોચ્ચયશ્ચ રાજ્ઞશ્ચ તસ્યૈવ સુસંભવસ્ય ।
સર્વત્રિસાહસ્રિકલોકધાતૌ પ્રહર્ષિતાસ્સર્વિ બભૂવુ દેવતાઃ

વસુધાપ્રદેશે પરમે વિશિષ્ટે રત્નોદકે ગન્ધજલામ્વુસિક્તે ।
પુષ્પાવકીર્ણાં ધરણીં સ કૃત્વા તત્રાસનં પ્રાપ્ય તદા નરેન્દ્રઃ

સમલંકૃતં રાજ્ઞ તદાસનં ચ ચ્છત્રૈર્ધ્વજૈર્ઘણ્ટસહસ્રનેકૈઃ ।
નાનાવિચિત્રૈર્વરપુષ્પચન્દ્રૈર્ અભ્યોકિરે રાજ્ઞ તદાસનં ચ

દેવાશ્ચ નાગાસુરકિંનરાશ્ચ યક્ષાશ્ચ યક્ષેન્દ્રમહોરગાશ્ચ ।
દિવ્યૈશ્ચ માન્દારવપુષ્પવર્ષૈર્ અભ્યાવકીર્ણાશ્ચ તદાસનં ચ

અચિન્તિયાનન્ત સહસ્રકોટિયો યે આગતા દેવભવાગ્રકામાઃ ।
અભિનિષ્ક્રમિત્વા રતનોચ્ચયં હિ અભ્યો કિરન્તિ સ્મ ચ સાલપુષ્પા

સો ચાપિ રત્નોચ્ચય ધર્મભાણકઃ શુભાભગાત્રઃ શુચિવસ્ત્રપ્રાવૃતઃ ।
ઉપસંક્રમિત્વા ચ તદાસનં હિ કૃતાઞ્જલીભૂત્વ નમસ્યતે ચ

દેવેન્દ્રદેવાનિ ચ દેવતાનિ માન્દારપુષ્પં ચ પ્રવર્ષયન્તિ ।
અચિન્તિયા તૂર્યશતા સહસ્રા પ્રવાદયન્તિ સ્થિત અન્તરીક્ષે

અભીરુહિત્વા ચ સ સંનિષણો રત્નોચ્ચયો ભિક્ષુ સ ધર્મભાણકઃ ।
અનુસ્મરિત્વા દશસૂ દિશાસુ અચિન્તિયા બુદ્ધસહસ્રકોટ્યઃ

સર્વેષ સત્ત્વાન કૃપાંજ નિત્ય કારુણ્યચિત્તં સમુપાદયેત્ સઃ ।
રાજ્ઞશ્ચ તસ્યાપિ સુસંભવસ્ય પ્રકાશિતં સૂત્રમિદં તદન્તરે

કૃતાઞ્જલીભૂત્વ સ્થિહિત્વ રાજા યઃ કાયવાચા મનુમોદિતઃ સઃ ।
સદ્ધર્મવેગાશ્રુપ્રમુક્તનેત્રઃ પ્રતિસ્ફટસ્તસ્ય બભૂવ કાયઃ

ઇમસ્ય સૂત્રસ્ય ચ પૂજનાર્થં સુસંભવો રાજ તદન્તરેણ
ગૃહ્ણિત્વ ચિન્તામણિરાજરત્નં સર્વાર્થહેતોઃ પ્રણિધિં ચકાર

વર્ષન્તુ અદ્યા ઇહ જમ્બુદ્વિપે સસપ્તરત્નાણિ ચ ભૂષણાનિ
યે ચેહ સત્ત્વાઃ ખલુ જમ્બુદ્વિપે સુખિતાશ્ચ ભેષ્યન્તિ મહાધનાશ્ચ

ચતુર્ષુ દ્વીપેષુ પ્રવર્ષિતાનિ સપ્તાનિ રત્નાનિ તદન્તરેણ ।
કેયૂરહારા વરકુણ્ડલાનિ તથાન્નપાને વસનાનિ ચૈવ

દૃષ્ટ્વા ચ તં રાજ સુસંભવશ્ચ રત્નપ્રવર્ષં ખલુ જમ્બુદ્વીપે ।
ચત્વારિ દ્વીપાનિ સરત્નપૂર્ણા નિર્યાતયી રત્નશિખિસ્ય શાસને

અહં ચ સઃ શાક્યમુનિસ્તથાગતઃ સુસંભવો નામ બભૂવ રાજા ।
યેનેહ મે ત્યક્ત વસુંધરા તદા ચત્વારિ દ્વીપાનિ સરત્નપૂર્ણા

અક્ષોભ્ય આસીત્ સ તથાગતશ્ચ રત્નોચ્ચયો ભિક્ષુ સ ધર્મભાણકઃ ।
યેનાસ્ય રાજસ્ય સુસંભવસ્ય પ્રકાશિતં સૂત્રમિદં તદાન્તરે

યન્મે શ્રુતં સૂત્રમિદં તદન્તરે એકાગ્રવાચામનુમોદિતં ચ ।
તેનૈવ મહ્યં કુશલેન કર્મણા શ્રોતાનુમોદેન શ્રુતેન તેન

સુવર્ણવર્ણં શતપુણ્યલક્ષણં લભેયિ કાયં પ્રિયદર્શનં સદા ।
નયનાભિરામં જનકાન્તદર્શનં રતિંકરં દેવસહસ્રકોટિનામ્

નવોત્તરં નોતિસહસ્રકોટ્યા કલ્પાનભૂવં નૃપચક્રવર્તી ।
અનેક કલ્પાન સહસ્રકોટ્યો ત્રૈલોક્યરાજત્વ મયાનુભૂતમ્

અચિન્તિયા કલ્પ બભૂવ શક્રઃ તથૈવ બ્રહ્મેન્દ્ર પ્રશાન્તમાનસઃ ।
આરાગિતા મે બલાપ્રમેયા યેષાં પ્રમાણં ન કદાચિ વિદ્યતે

તથા પ્રમાણં બહુ પુણ્યસ્કન્ધં યન્મે શ્રુતં સૂત્રનુમોદિતં ચ ।
યથાભિપ્રાયેણ મિ બોધિ પ્રાપ્તા સદ્ધર્મકાયશ્ચ મયા હિ લબ્ધ