સુશ્રુતસંહિતા · અધ્યાય 6.28

અથાતઃ સ્કન્ધગ્રહપ્રતિષેધં વ્યાખ્યાસ્યામઃ॥

યથોવાચ ભગવાન્ ધન્વન્તરિઃ॥

સ્કન્દગ્રહોપસૃષ્ટાનાં કુમારાણાં પ્રશસ્યતે।
વાતઘ્નદ્રુમપત્રાણાં નિષ્ક્વાથઃ પરિષેચને॥

તેષાં મૂલેષુ સિદ્ધં ચ તૈલમભ્યઞ્જને હિતમ્।
સર્વગન્ધસુરામણ્ડકૈડર્યાવાપમિષ્યતે॥

દેવદારુણિ રાસ્નાયાં મધુરેષુ દ્રુમેષુ ચ।
સિદ્ધં સર્પિશ્ચ સક્ષીરં પાનમસ્મૈ પ્રયોજયેત્॥

સર્ષપાઃ સર્પનિર્મોકો વચા કાકાદની ઘૃતમ્।
ઉષ્ટ્રાજાવિગવાં ચૈવ રોમાણ્યુદ્ધૂપનં શિશોઃ॥

સોમવલ્લીમિન્દ્રવલ્લીં શમીં બિલ્વસ્ય કણ્ટકાન્।
મૃગાદન્યાશ્ચ મૂલાનિ ગ્રથિતાન્યેવ ધારયેત્॥

રક્તાનિ માલ્યાનિ તથા પતાકા રક્તાશ્ચ ગન્ધા વિવિધાશ્ચ ભક્ષ્યાઃ।
ઘણ્ટા ચ દેવાય બલિર્નિવેદ્યઃ સુકુક્કુટઃ સ્કન્દગ્રહે હિતાય॥

સ્નાનં ત્રિરાત્રં નિશિ ચત્વરેષુ કુર્યાત્ પુરં શાલિયવૈર્નવૈસ્તુ।
અદ્ભિશ્ચ ગાયત્ર્યભિમન્ત્રિતાભિઃ પ્રજ્વાલનં વ્યાહૃતિભિશ્ચ વહ્નેઃ॥

રક્ષામતઃ પ્રવક્ષ્યામિ બાલાનાં પાપનાશિનીમ્।
અહન્યહનિ કર્તવ્યા યા ભિષગ્ભિરતન્દ્રિતૈઃ॥

તપસાં તેજસાં ચૈવ યશસાં વપુષાં તથા।
નિધાનં યોઽવ્યયો દેવઃ સ તે સ્કન્દઃ પ્રસીદતુ॥

ગ્રહસેનાપતિર્દેવો દેવસેનાપતિર્વિભુઃ।
દેવસેનાતિપુહરઃ પાતુ ત્વાં ભગવાન્ ગુહઃ॥

દેવદેવસ્ય મહતઃ પાવકસ્ય ચ યઃ સુતઃ।
ગઙ્ગોમાકૃત્તિકાનાં ચ સ તે શર્મ પ્રયચ્છતુ॥

રક્તમાલ્યામ્બરઃ શ્રીમાન્ રક્તચન્દનભૂષિતઃ।
રક્તદિવ્યવપુર્દેવઃ પાતુ ત્વાં ક્રૌઞ્ચસૂદનઃ॥