સુહૃલ્લેખ · શ્લોક 21-40

પરદારાન્ન તુ પશ્યેદ્ દૃષ્ટે ચ જ્ઞેયા અવસ્થાનુરૂપ્યેણ ।
કન્યામ્બાભગિનીવદ્ આસક્તાવપ્યશુચિમેવ ચિન્તયેચ્ચ

રક્ષેચ્ચઞ્ચલચિત્તં શ્રુતિપુત્રનિધિપ્રાણસદૃશં ચ નિતરામ્ ।
ચિત્તં પરિહર્ત્તવ્યં શત્રુસર્પવિષાયુધાગ્નિસમાત્ કામાત્

કામસ્ત્વનર્થજનકઃ પ્રોક્તઃ કિમ્પાકફલસમો જિનેન્દ્રેણ ।
પાશૈસ્તસ્ય હિ બદ્ધો ભવચારકે લોકઃ સ પ્રહાતવ્યઃ

ચલાધ્રુવાણિ ષડક્ષાણિ જયન્તિ સમરે વા શત્રૂનપિ ચૈકે ।
તયોશ્ચ સુધિયઃ પ્રથમં વરમિન્દ્રિયવિજેતારં ચ મન્યન્તે

યુવતિશરીરં હિ પૂતિ યન્નવાશુચિદ્વારમશુચિભાણ્ડસમમ્ ।
ચર્માવૃતદુષ્પૂરં ભૂષિતમપિ ભૂષણૈઃ પૃથગ્ દ્રષ્ટવ્યમ્

કૃમિપીડિતો હિ કુષ્ઠી સુખલિપ્સયા ચ યથા વહ્નિમાશ્રયતે ।
પીડા ન યાતિ શાન્તિં તથૈવ હિ કામાસક્તિરપિ બોદ્ધવ્યા

પરમાર્થં પ્રતિવેત્તું સર્વભાવેષુ સવિધિ મનસિ નિધાયૈવ ।
સ ચ ખલુ ભાવયિતવ્યો ન હિ તત્તુલ્યો ઽપરો ગુણયુતો ધર્મઃ

સુકુલીનો ઽપિ ન પૂજ્યો જ્ઞાનશીલવિમુખો શ્રુતિરૂપવાન્ પુમાન્ ।
ગુણદ્વયૈતદ્યુક્તઃ પૂજ્યતે સો ઽન્યગુણૈર્હીનો ઽપિ સતતમ્

અષ્ટસુ લોકધર્મેષુ લોકવિત્ સમતયા પ્રવર્તયેચ્ચિત્તમ્ ।
હાનિલાભયશો ઽયશો ઽનુશંસાનિન્દાસુખદુઃખેષ્વશોચ્યેષુ

ભવદ્ભિર્બ્રાહ્મણભિક્ષુદેવાતિથિમાતાપિતૃકુલમહિષીભ્યઃ ।
પાપં નાચરણિયં યતઃ કતમો ઽપિ ન નરકફલસ્ય ભાગી

ન ચ કૃન્તતિ પાપકર્મ તત્ક્ષણમસ્ત્રપાતવત્ કમપિ પાપિનમ્ ।
મૃત્યોર્હિ સમયે કિન્તુ તત્કર્મણઃ ફલમભિમુખીભવત્યેવ

સપ્તધનાન્યુક્તાનિ શ્રદ્ધાશીલત્યાગામલશ્રુતધિયઃ ।
અપત્રપા હ્રી મુનિના મુધૈવાપરધનાનિ હિ સાધારણાનિ

દ્યૂતક્રીડા કૌતુકદર્શનાલસ્યકુમિત્રસઙ્ગમદિરાશ્ચ ।
નિશાવિહરણં ષડિમે ત્યાજ્યા દુર્ગતિદા યશોવિનાશકાશ્ચ

સનરામરશાસકેન સન્તોષઃ સર્વધનપ્રધાનમુક્તમ્ ।
સન્તોષો ઽનુષ્ઠેયઃ ધનં વિનૈવ સ ધનિકઃ સતિ સન્તોષે

યથા સમૃદ્ધાઃ પુરુષા દુઃખિનો ભવન્તિ નૈવ તથાલ્પેચ્છુકાઃ ।
યાવત્યઃ સન્તિ ફણા આર્ય, દુઃખકરાઃ, નાગસ્ય તાવત્યઃ

પત્ની ત્યાજ્યા ત્રિવિધા પ્રકૃત્યા રિપુસમ્બદ્ધા સ્વઘાતિકેવ ।
પત્યુરપમાનકર્ત્રી સ્વૈરા લઘુવસ્તુચૌર્યરતા સ્તેયીવ

ભગિનીસમાનુકૂલા મિત્રવદ્ હૃદયઙ્ગમા ચ સેવનીયા ।
માતેવોપકારિણી પૂજ્યા સેવિકેવાજ્ઞાકૃદ્ દેવીવ

વિહાય રાગદ્વેષૌ ભોજનમૌષધિવદવગત્ય સેવેત ।
કાયસ્થિત્યૈ નિતરાં ન ચ સૌન્દર્યગર્વમાનાર્થં સેવ્યમ્

દિનમખિલં શુભકાર્યે યાપયેદ્ રાત્રેરાદ્યન્તૌ યામૌ ચ ।
ધીમન્, મધ્યે યામે શયીત યતો હિ ન ભવેદ્ વિફલા નિદ્રા

મૈત્રીકરુણોપેક્ષામુદિતાશ્ચ સદા સમ્યગ્ ભાવયિતવ્યાઃ ।
અલબ્ધે ઽનુત્તરપદે ધ્રુવમેવ બ્રહ્મલોકે સુખાવાપ્તિઃ