સુહૃલ્લેખ · શ્લોક 101-120

દેવેભ્યશ્ચ્યુતસ્ય યદિ નાવશિષ્યેત્ કુશલમણુમાત્રમપિ ।
વિવશતયોષિતવ્યં હિ તતસ્તિર્યક્પ્રેતનરકેષ્વેકસ્મિન્

દુઃખં સ્યાન્માનસિકં દેવૈશ્વર્યં પ્રતીર્ષ્યયાસૂરેષ્વપિ ।
ન કુર્વન્તિ ધીમન્તો જન્માવરણાચ્ચ તે સત્યદર્શનાનિ

સંસારે ઽસ્મિન્નેવં દેવનરકપ્રેતતિર્યગ્યોનિષુ ।
જન્મગ્રહણમયુક્તં બહુબાધં જન્મ તત્રેતિ વિજ્ઞેયમ્

જ્વલિતે શિરસિ ચ વસને તન્નિવૃત્ત્યુપાયમુપેક્ષ્ય ત્વરિતમેવ ।
અપુનર્ભવાય યતેત યતસ્તસ્માન્મહત્પ્રયોજનં નાન્યત્

શીલસમાધિજ્ઞાનૈર્ભૂજલતેજોવાયુરવિવિધુરહિતં ચ ।
અજરામરણમક્ષયં પ્રાપ્યં શાન્તદાન્તવિમલં નિર્વાણમ્

પ્રસ્રબ્ધિવીર્યપ્રીતિધર્મવિચયસ્મૃતિસમાધ્યુપેક્ષાઃ સપ્ત ।
બોધ્યઙ્ગાનીમાનિ પ્રાપ્ત્યૈ નિર્વાણસ્ય કુશલસમ્ભારઃ

પ્રજ્ઞાભાવે ધ્યાનં ધ્યાનાભાવે ઽપિ ન જાયતે સા પ્રજ્ઞા ।
યત્રોભે વિદ્યેતે જ્ઞેયસ્તસ્ય ભવસાગરો ગોષ્પદવત્

યે ઽવ્યાકૃતધર્માશ્ચાદિત્યબન્ધુના ચતુર્દશોપદિષ્ટાશ્ચ ।
લોકે ન ચિન્તનીયા યતો તૈર્નાપ્નોતિ ચિત્તમેવ શાન્તિમ્

એવં પ્રોક્તં મુનિનાવિદ્યયા કર્મ કર્મણા ચ વિજ્ઞાનમ્ ।
તસ્માચ્ચ નામરૂપં તતઃ ષડાયતનાનિ તતઃ સ્પર્શા વૈ

તત ઉત્પન્ના વિત્તિર્વેદનાશ્રયેણ જાયતે ખલુ તૃષ્ણા ।
તસ્યાશ્ચોપાદાનં તતો ભવો ઽપિ ભવાચ્ચ જાયતે જાતિઃ

સત્યાં જાતૌ દુઃખવ્યાધિજરેષ્ટ વસ્ત્વલાભભયમરણાનિ ।
દુઃખસ્કન્ધો વિપુલઃ સતિ જાતિનિષેધે નિષિદ્ધાનીમાનિ

ગમ્ભીરો ઽનર્ઘકોશઃ પ્રિયઃ પ્રતીત્યોત્પાદો જિનવચનાનામ્ ।
સમ્યગિમં યઃ પશ્યતિ સ ચ પશ્યતિ તત્ત્વદર્શિનં બુદ્ધમેવ

શમાય ભાવ્યાઃ સમ્યગ્દૃષ્ટિસંકલ્પવાક્કર્માજીવસ્મૃતિ ।
સમાધિવ્યાયામેત્યાર્યાષ્ટાઙ્ગિકમાર્ગાશ્ચૈતે ચારુતયા

જાતિરિયં દુઃખમેવ તૃષ્ણા ચ તસ્ય સમુદયો મહાન્ જ્ઞેયઃ ।
નિર્વૃતિસ્તન્નિરોધસ્તદધિગમાય ચાષ્ટાઙ્ગિકો ઽયં માર્ગઃ

યત્નઃ સદા વિધેયશ્ચતુરાર્યસત્યપ્રતિવેધાયૈવમ્ ।
ક્રોડે શ્રિયશ્ચ યેષાં ગૃહસ્થાસ્તરન્તિ ક્લેશનદીં જ્ઞાનાત્

યે દૃષ્ટાર્યસત્યાશ્ચ નાવિર્ભવન્તિ તે ઽઙ્કુરવત્ પૃથિવીતઃ ।
નાવતરન્તિ ચ ગગનાત્ તે ઽપિ પૃથગ્જનાઃ ક્લેશવશા હિ પૂર્વમ્

ચિત્તં હિ ધર્મમૂલં ભગવતોક્તમતસ્તદપિ સાધુ દમયેચ્ચ ।
ભો નિર્ભય, કિં બહુના કથનેન યતો ઽયમેવ હિતોપદેશઃ

યન્મયોપદિષ્ટં તત્સપ્રયાસૈરપિ ભિક્ષુભિર્દુઃસાધ્યમ્ ।
ચર્યાગુણાન્ સેવસ્વ શિક્ષામાચર જીવનં ચ કુરુ સાર્થમ્

સર્વેષાં કુશલાનિ તુ સર્વાર્થમનુમોદ્ય સ્વચર્યાત્રયીં ચ ।
બુદ્ધત્વાય પરિણામ્ય તતસ્તદનેન પુણ્યરાશિના ભવતા

જન્મસ્વપ્રમેયેષુ દેવનરલોકયોગિનશ્ચ વશીકૃત્ય ।
દુઃખિનો ઽનુગ્રાહ્યાસ્ત્વસહાયા અવલોકિતેશ્વરચર્યાભિઃ