સ્મરદીપિકા · શ્લોક 101-120

સમ્પ્રસાર્ય સ્ત્રિયાઃ પાદૌ શય્યાર્પિતકફોણિકઃ ।
ભગે લિઙ્ગસ્ય સંયોગાદ્ રમતે સમ્પુટો હિ સઃ

સ્ત્રીપાદૌ સરલીકૃત્ય ભૂમૌ કુઞ્ચિતજાનુકઃ ।
સ્તનલગ્નો રમેત્ કામી બન્ધઃ સમ્પુટકો મતઃ

સ્વજઙ્ઘાદ્વયબાહ્યે ચ વા યોષિત્પદદ્વયમ્ ।
સ્તનૌ ધૃત્વા રમેત્ કામી બન્ધઃ સ્યાન્ મન્મથપ્રિયઃ

નારીપાદદ્વયં કામી ધારયેત્ કુચમણ્ડલે ।
ધૃત્વા કણ્ઠં રમેન્ નારીં બન્ધો ઽયં રતિસુન્દરઃ

સ્ત્રિયા ઊરુયુગં ધૃત્વા કરાભ્યાં પીડયેત્ પુનઃ ।
કુર્યાચ્ ચ નિર્ભયાં કામી બન્ધઃ સ્યાદ્ ઊરુપીડનઃ

ધૃત્વા વામકરેણોરું પાદં ચાપિ શિરઃસ્થિતમ્ ।
રમતે સુદૃઢઃ કામી સ્મરચક્રં પ્રકીર્તિતમ્

સ્વજાનુદ્વયમધ્યાભ્યાં હસ્તાભ્યાં ધારયેત્ સ્ત્રિયમ્ ।
રમેન્ નિઃશઙ્કિતઃ કામી બન્ધઃ સ્યાન્ નાગપાશકઃ

સમાશ્લિષ્ય યદા કાન્તઃ કામિન્યા જઘનદ્વયમ્ ।
ઊર્ધ્વગં રમતે દોર્ભ્યાં બન્ધો ગગનકઃ સ્મૃતઃ

નારીપાદદ્વયં ચૈવ સ્કન્ધે યઃ પરિવર્તનમ્ ।
કૃત્વા કાન્તો રમેદ્ આશુ બન્ધો ઽયં વંશદારકઃ

મુખં મુખે યદા બાહ્યં બાહ્યે જઙ્ઘે ઽપિ જઙ્ઘયોઃ ।
વક્ષો વક્ષઃસ્થલે દત્ત્વા ભવેત્ સ કનકક્ષયઃ

સુન્દરીં ચ રમેત્ કાન્તઃ કટ્યાસક્તભુજદ્વયામ્ ।
હૃદિ તત્કાન્તહસ્તાં ચ બન્ધો ઽયં નાગરો મતઃ

સ્ત્રીપાદદ્વયમ્ આલિઙ્ગ્ય વિમુખાક્ષિપ્તલિઙ્ગકઃ ।
યોનિમ્ આપીડયેત્ કામી બન્ધઃ કુલિશનામકઃ

સ્વજઙ્ઘાદ્વયબાહ્યેન ધારયેત્ કુચમણ્ડલમ્ ।
ધૃત્વા કણ્ઠં રમેત્ કામી બન્ધઃ સ્યાત્ કામસુન્દરઃ

ઇત્યાદિકણ્ઠવિન્યાસાદ્ ગાઢં સમ્પાદયેત્ સુખમ્ ।
તસ્માદ્ વિદગ્ધસંઘાતૈઃ કાર્યા બન્ધાઃ પ્રયત્નતઃ

સ્ત્રિયમ્ આનતપૂર્વાઙ્ગીં પાદાહિતકરદ્વયામ્ ।
ધૃતોદરો રમેત્ કામી બન્ધો ઽયં પશુનામકઃ

પાદાલીઢસ્તનીં નારીમ્ ઉત્ક્ષિપ્તજઘનાં યદિ ।
કાન્તઃ કામયતે પશ્ચાત્ કથિતસ્ ત્વ્ એકબન્ધકઃ

ઉદ્ધૃત્ય પાદમ્ એકં તુ ભુવિ સંસ્થાપ્ય ચાપરમ્ ।
કુડ્યાશ્રિતાં રમેત્ કાન્તાં બન્ધસ્ ત્રૈવિક્રમો મતઃ

હૃદિ સંસ્થાપ્ય પાદૈકં બાહુભ્યાં વેષ્ટયેદ્ યદિ ।
કાન્તઃ કુડ્યાશ્રિતાં નારીં બન્ધો વેષ્ટનકો મતઃ

નારીજાનુદ્વયં ધૃત્વા આત્મજાનુદ્વયોપરિ ।
કુડ્યાશ્રિતાં રમેત્ કાન્તાં બન્ધો દોલાદિનામકઃ

નારીબાહુદ્વયં ન્યસ્ય સ્વીયબાહુદ્વયે તથા ।
ગ્રીવાં ધૃત્વા રમેત્ કામી બન્ધો દોલાયિતઃ સ્મૃતઃ