સ્કન્દપુરાણ: રેવાખણ્ડ (સંશોધિત પાઠ) · અધ્યાય 116

ઇતિ શ્રીસ્કન્દપુરાણે રેવાખણ્ડે ચક્રતીર્થમહિમાનુવર્ણનો નામ પઞ્ચદશાધિક શતતમો ઽધ્યાયઃ ॥
ર્ક્સ્ અધ્યાય 116
માર્કણ્ડેય ઉવાચ:
ધૂમપાતં તતો ગચ્છેન્ મહાપાતકનાશનમ્ ।
સમીપે ચક્રતીર્થસ્યા વિષ્ણુના નિર્મિતં પુરા

મેકલાં પરમાં દેવીમ્ ઇમાં ત્રૈલોક્યપાવનીમ્ ।
કદાચિત્ પયસાં રાજા સાન્તઃપુરપરિચ્છદઃ

શિષ્ટૈર્ ઇષ્ટૈર્ બન્ધુભિશ્ ચ અર્ઘપાત્રેણ સંયુતૈઃ ।
હસ્તાભરણસંયુક્તૈઃ પુણ્યૈર્ અમલકાન્તિભિઃ

ચન્દ્રમણ્ડલમાનૈશ્ ચ યુક્તૈર્ મુક્તાફલૈસ્ તથા ।
પ્રવાલલતિકાભિશ્ ચ ઇન્દ્રનીલસમન્વિતૈઃ

અર્ઘં દદૌ તદા તસ્યૈ વરુણઃ સરિતાં પતિઃ ।
ગઙ્ગાદ્યાઃ સરિતઃ સર્વાસ્ તાપી ચાપિ પયોષ્ણિકા

નન્દિની નલિની પુણ્યા સર્વમ્ અર્ઘં દદુસ્ તદા ।
નર્મદોવાચ:
મદીયે સઙ્ગમે દિવ્યે સ્નાત્વા સન્તર્પયન્તિ યે

તસ્ય સપ્તકુલોત્પન્નાંસ્ તારયામિ ન સંશયઃ ।
જલાઞ્જલિં તતો દત્ત્વા સમુદ્રો વાક્યમ્ અબ્રવીત્

ધન્યો ઽહં કૃતકૃત્યો ઽહં ત્વયા દેવિ વરાનને ।
સમાયાતાસિ ભદ્રં તે માં ચાત્ર પાવનં કુરુ

નર્મદોવાચ:
પવિત્રો ઽસિ મહાભાગ એકાકી ત્વં મહોદધે ।
માર્કણ્ડેય ઉવાચ:
એવં ભગવતી રાજન્ નર્મદા મેકલા શુભા

પૂજિતા સાગરેણાપિ શુભે સિંહાસને સ્થિતા ।
પાણિગ્રહં ગૃહીતા સા પુરુકુત્સેન ભારત

પુરુકુત્સસ્ય ભાર્યા સા ગૃહધર્મેણ સંયુતા ।
સદા વૈ વર્તતે રાજંસ્ તત્રૈવ સઙ્ગમે શુભે

પુષ્પવૃષ્ટિસ્ તદા હ્ય્ આસીત્ ત્રિદશાનાં મહોત્સવે ।
તત્ર સ્વયંવરશ્ચાસીત્ સરિતઃ પૃથિવીપતે

તત્ર યઃ કુરુતે શ્રાદ્ધં સ્થાનં ચ પિતૃતર્પણમ્ ।
લક્ષયજ્ઞફલં પ્રાપ્ય સ મુક્તો નાત્ર સંશયઃ

એવં ત્રૈલોક્યપૂજ્યા તે નર્મદા લોકપાવની ।
તસ્યા માહાત્મ્યમ્ અતુલં કીર્તિતં હિ મહાભુજ

ભક્ત્યા શ્રુત્વા મહાભાગ રુદ્રલોકે મહીયતે ।
આદિમધ્યાવસાનેષુ રેવામાહાત્મ્યમ્ ઉત્તમમ્

યઃ કશ્ચિચ્ છૃણુયાદ્ ભક્ત્યા તસ્ય સ્યાદ્ વાઞ્છિતં ફલમ્ ।
શ્રુત્વા માહાત્મ્યમ્ અતુલં યો નરો હિ જિતેન્દ્રિયઃ

દાનં કુર્યાત્ તદા તસ્ય સર્વકામાર્થસિદ્ધયઃ ।
પુસ્તકં પૂજયિત્વા તુ ધૂપદીપકચન્દનૈઃ

દાનં તત્ર પ્રકર્તવ્યં બ્રાહ્મણાંશ્ ચાપિ પૂજયેત્ ।
શ્રવણેન તુ દાનેન સુપ્રીતા નર્મદા ભવેત્

તીર્થે તીર્થે ચ કથિતં તત્પૂર્વં પાણ્ડુનન્દન ।
પુણ્યં શ્રુત્વા તુ માહાત્મ્યં તદ્ દાનેનૈવ પાણ્ડવ

એતસ્માત્ કારણાદ્ દાનં શ્રુત્વા દાનં હિ કારણમ્ ।
તચ્ છ્રુત્વા રાજશાર્દૂલો માર્કણ્ડેયસ્ય ભાષિતમ્

અર્ઘં દત્ત્વા યથાન્યાયં પૂજયિત્વા ઋષીન્ સદા ।
અશ્વૈર્ગજૈસ્ તથા રથૈર્ ભ્રાતૃભિઃ સહ ધર્મરાટ્

તીર્થયાત્રાં ચકારાશુ નર્મદાયાં યુધિષ્ઠિર ।
ઉત્તરે દક્ષિણે તીરે સ્નાનપાનાવગાહનમ્