સ્કંદ પુરાણ · અધ્યાય 7.97

॥ ઈશ્વર ઉવાચ ॥ ॥
તતો ગચ્છેન્મહાદેવિ યોગેશ્વરમિતિ શ્રુતમ્ ॥
કામેશાદ્વાયવે ભાગે ધનુષાં સપ્તકે સ્થિતમ્

લિંગં મહાપ્રભાવં હિ દર્શનાત્પાપનાશનમ્॥
પૂર્વે યુગે તુ સંખ્યાતં ગણેશ્વરમિતિ શ્રુતમ્

પુરા મમ ગણા દેવિ અસંખ્યાતા મહાવલાઃ ॥
ક્ષેત્રં માહેશ્વરં જ્ઞાત્વા પ્રભાસં સમુપાગમન્

તત્રસ્થાશ્ચ તપો ઘોરં તેપુસ્તે યોગમાશ્રિતાઃ ॥
દિવ્યાબ્દાનાં સહસ્રં તુ તતસ્તુષ્ટો મહેશ્વરઃ

સાલોક્યાં ચ દદૌ મુક્તિં તેષાં યોગબલેન ૩ ॥
યસ્મા ત્ષડંગયોગેન તેષાં તુષ્ટો વૃષધ્વજઃ ॥
તેન યોગેશ્વરં નામ લિંગં યોગફલપ્રદમ્

યસ્તમર્ચયતે ભક્ત્યા સમ્યક્પૂજાવિધાનતઃ ॥
સ યોગસિદ્ધિમાપ્નોતિ મોદતે દિવિ દેવવત્

યો દદ્યાત્કાંચનં મેરું કૃત્સ્નાં ચૈવ વસુન્ધરામ્ ॥
યોગેશં પૂજયેદ્યસ્તુ સ તયોરધિકઃ સ્મૃતઃ

વૃષભસ્તત્ર દાતવ્યઃ સંપૂર્ણફલહેતવે ॥
એવમેકાદશ પ્રોક્તા રુદ્રાઃ પ્રાભાસમાશ્રિતાઃ ॥
નિત્યં પૂજ્યાશ્ચ વંદ્યાશ્ચ ક્ષેત્રસ્ય ફલમીપ્સુભિઃ

ય એતાં ચૈવ શૃણુયાદ્રુદ્રૈકાદશસંહિતામ્ ॥
તસ્ય ક્ષેત્રફલં સર્વં પ્રભાસાંતરવાસિનઃ

યશ્ચૈતાન્નૈવ જાનાતિ રુદ્રાન્પ્રાભાસમાશ્રિતાન્ ॥
સ ક્ષેત્રમધ્યસંસ્થોઽપિ નાસ્ત્યેવ સ પશુઃ સ્મૃતઃ

એતેષાં ચૈવ રુદ્રાણાં સર્વાન્વાપ્યેકમેવ વા ॥
સોમેશ્વરં પૂજયિત્વા જપેદ્વૈ શતરુદ્રિયમ્ ॥
સર્વેષાં લભતે પુણ્યં રુદ્રાણાં નાત્ર સંશયઃ

ઇદં રહસ્યં સંખ્યાતં માહાત્મ્યં તવ ભામિનિ ॥
રુદ્રાણાં પાપશમનં શ્રુતં પુણ્યવિવર્દ્ધનમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે યોગેશ્વરમાહાત્મ્યવર્ણનંનામ સપ્તનવતિતમોઽધ્યાયઃ ॥