સ્કંદ પુરાણ · અધ્યાય 7.96

॥ ઈશ્વર ઉવાચ ॥ ॥
તતોગચ્છેન્મહાદેવિ કામેશ્વરમિતિ સ્મૃતમ્ ॥
તસ્યૈવોત્તરદિગ્ભાગે ધનુષાં ત્રિતયે સ્થિતમ્ ॥
રતીશ્વરમિતિ ખ્યાતં ત્રેતાયાં તત્સુરે શ્વરિ

યસ્મિન્દૃષ્ટે મનુષ્યાણાં પૂજિતે તુ વરાનને ॥
નશ્યેચ્ચ સપ્તજન્માઘં ગૃહભંગશ્ચ નો ભવેત્

॥ દેવ્યુવાચ ॥ ॥
કેનાયં સ્થાપિતો દેવ કસ્માત્પ્રોક્તો રતીશ્વરઃ ॥
દર્શનેનાસ્ય કિં શ્રેયઃ સર્વં વિસ્તરતો વદ

॥ ઈશ્વર ઉવાચ ॥ ॥
શૃણુ દેવિ પ્રવક્ષ્યામિ કથાં પાપપ્રણાશિનીમ્ ॥
રતિર્નામાભવત્સાધ્વી કામપત્ની યશસ્વિની

દગ્ધે મનસિજે પૂર્વં દેવેન ત્રિપુરારિણા॥
તદર્થાય તપસ્તેપે તસ્મિન્દેશે રતિઃ કિલ

અંગુષ્ઠાગ્રેણ તિષ્ઠન્ત્યા યાવદ્યુગચતુષ્ટયમ્ ॥
આરાધિતો મહાદેવઃ શાંતેન મનસા પ્રિયે

કસ્મિંશ્ચિદથ કાલે તુ નિર્ભિદ્ય ધરણીતલમ્ ॥
તદગ્રતઃ સમુત્તસ્થૌ લિગં માહેશ્વરં પ્રિયે

એતસ્મિન્નેવ કાલે તુ વાગુવાચાશરીરિણી ॥
આહ્લાદયંતી સહસા તસ્યાશ્ચિત્તં વરાનને

યસ્માન્માહેશ્વરં લિંગં ત્વદ્ભક્ત્યા સહસોત્થિતમ્ ॥
પૂજયેસ્તન્મહાભાગે તતઃ કાંતમવાપ્સ્યસિ

એતચ્છુત્વા તુ સા સાધ્વી દેવદૂતસ્ય ભાષિતમ્॥
તલ્લિંગં પૂજયામાસ સ ભક્ત્યા પરમયા યુતા

તતઃ કામઃ સમુત્તસ્થૌ સુપ્તોત્થિત ઇવ પ્રિયે ॥
તતઃ પ્રભૃતિ તલ્લિંગં કામેશ્વરમિતિ શ્રુતમ્

તતઃ સા કામદયિતા વાક્યમેતદુવાચ હ ॥
પ્રહૃષ્ટા કામદેવાપ્ત્યા પુરતઃ પુષ્પધન્વનઃ

પૂજયિષ્યંતિ યે ચાન્યે લિંગમેતત્સમાહિતાઃ ॥
એવં તે વાંછિતાં સિદ્ધિં ભૂયો યાસ્યંતિ સદ્ગતિમ્

મનોઽભીષ્ટં તથા સર્વં યદ્યપિ સ્યાત્સદુર્લ્લભમ્ ॥
તત્પ્રાપ્સ્યંતિ ન સંદેહો લિંગસ્યાસ્ય પ્રસાદતઃ ॥

એવમુક્ત્વા ગતા સાધ્વી રતિઃ કામેન સંયુતા ॥
સ્વસ્થાને પૂર્ણકામા સા પ્રહૃષ્ટેનાંતરાત્મના

એનં ચૈત્રત્રયોદશ્યાં શુક્લાયાં યઃ સમર્ચતિ ॥
સકામવદ્ભવેન્નૃણાં શ્રુતં સૌભાગ્યદાયકમ્

હૃતિ શ્રીસ્કાંદેમહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્ય એકાદશરુદ્રમાહાત્મ્યે કામેશ્વરમાહાત્મ્યવર્ણનંનામ ષણ્ણવતિતમોઽધ્યાયઃ