સ્કંદ પુરાણ · અધ્યાય 7.86

॥ ઈશ્વર ઉવાચ ॥ ॥
તસ્યાસ્તુ દક્ષિણે ભાગે સ્થિતં લિંગં મહાપ્રભમ્ ॥
પાંડવેશ્વરનામાઢ્યં પંચભિઃ સ્થાપિતં ક્રમાત્

ગુપ્તચર્યાં યદા યાતાઃ પાંડવા વનવાસિનઃ ॥
તીર્થયાત્રાપ્રસંગેન પ્રભાસં ક્ષેત્રમાગતાઃ

તસ્મિન્કાલે મહાદેવિ સં પ્રાપ્તે સોમપર્વણિ ॥
સ્થાપયામાસુસ્તે સર્વે લિંગં સંનિહિતા તટે

માર્કણ્ડપ્રમુખાન્કૃત્વા ઋત્વિજો બ્રાહ્મણોત્તમાન્ ॥
વેદોક્તૈઃ કારયામાસુરભિષેકં વૃષાન્દદુઃ

તતઃ પ્રસન્ના ઋષયો માર્કંડપ્રમુખાઃ પ્રિયે ॥
પ્રતિષ્ઠિતસ્ય લિંગસ્ય પાંડવૈર્વરવર્ણિનિ

॥ ઋષય ઊચુઃ ॥ ॥
યે ચૈતત્પૂજયિષ્યંતિ લિંગં પાંડવપૂજિતમ્ ॥
તે વૈ પૂજ્યા ભવિષ્યંતિ દેવદાનવરક્ષસામ્

અશ્વમેધફલં તેષાં સમ્યક્છ્રદ્ધાર્ચનેન વૈ ॥
ભવિષ્યતિ ન સંદેહો હ્યસ્મદ્વાક્યપ્રભાવતઃ

સ્નાત્વા સંનિહિતાકુંડે યોઽર્ચયેત્પાંડવેશ્વરમ્ ॥
માઘે માસિ સમગ્રે તુ સ સાક્ષાત્પુરુષોત્તમઃ

દર્શનેનાપિ તસ્યાપિ પાપં યાતિ સહસ્રધા ॥
વિષ્ણુરૂપો હિ સ પ્રોક્તો નાત્ર કાર્યા વિચારણા

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે સંનિહિત્યામાહાત્મ્યે પાંડવેશ્વરમાહાત્મ્યવર્ણનંનામ ષડશીતિતમોઽધ્યાયઃ