સ્કંદ પુરાણ · અધ્યાય 7.79

॥ ઈશ્વર ઉવાચ॥ ॥
તતો ગચ્છેન્મહાદેવિ લકુલીશં મહાપ્રભમ્ ॥
તસ્ય પશ્ચિમદિગ્ભાગે ધનુષાં સપ્તકે સ્થિતમ્

પાપઘ્નં સર્વજંતૂનાં શાંતં મૂર્તિસ્થિતં પ્રભુમ્ ॥
સમાયાતં મહાક્ષેત્રે તત્ર કાયાવરોહણાત્

કૃત્વા તત્ર તપશ્ચોગ્રં દીક્ષયિત્વાત્મશિષ્ય કાન્ ॥
કુશકાદીંશ્ચ ચતુર ઉક્ત્વા શાસ્ત્રાણ્યનેકશઃ

ન્યાયવૈશેષિકાદીનિ તતઃ સિદ્ધિં પરાં ગતઃ॥
એવં જ્ઞાત્વા તુ યઃ સમ્યક્તં સમર્ચયતે નરઃ

કાર્ત્તિક્યાં તુ વિશેષેણ અયને ચોત્તરેપિ વા ॥
વિદ્યાદાનં ચ તત્રૈવ દદ્યાદ્વિપ્રાય શાલિને

સપ્તજન્માનિ વિપ્રસ્ય ધનાઢ્યસ્ય કુલે શુભે ॥
જાયતે મતિમાન્ધીમાઞ્છ્રીમાનેવં પુનઃપુનઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસ ક્ષેત્રમાહાત્મ્યે લકુલીશ્વરમાહાત્મ્ય વર્ણનંનામૈકોનાશીતિતમોઽધ્યાયઃ