સ્કંદ પુરાણ · અધ્યાય 7.69

॥ દેવ્યુવાચ ॥ ॥
ગૌરીશ્વરેતિ વિખ્યાતં યત્ત્વયા લિંગમુત્તમમ્ ॥
કુત્ર તિષ્ઠતિ તલ્લિંગં પૂજિતં યત્ફલં લભેત્

॥ ઈશ્વર ઉવાચ ॥ ॥
શૃણુ દેવિ પ્રવક્ષ્યામિ માહાત્મ્યં પાપનારાનમ્ ॥
ગૌરીશ્વરસ્ય દેવસ્ય સર્વકામપ્રદસ્ય વૈ

ઇદં તપોવનં દેવિ ખ્યાતં ગૌર્યા મહાપ્રભમ્ ॥
ધનુષાં પચપંચાશત્સમંતાત્પરિમંડલમ્

તત્ર મધ્યે સ્થિતા દેવી એકપાદા તપોન્વિતા ॥
તસ્યા ઉત્તરતો દેવિ કિંચિદીશાનસંસ્થિતમ્॥

ધનુષાં ચતુરંતે ચ લિંગં પાપભયાપહમ્ ॥
યસ્તત્પૂજયતે ભક્ત્યા લિંગં ભક્તિયુતો નરઃ ॥
કૃષ્ણાષ્ટમ્યાં વિશેષેણ સ મુક્તઃ પાતકૈર્ભવેત્

ગોદાનં ચાત્ર શંસંતિ સુવર્ણં દ્વિજપુંગવે ॥
અન્નદાનં વિશેષેણ સર્વપાપપ્રશાંતયે

ગોઘ્નો વા બ્રહ્મહા વાઽપિ તથા દુષ્કૃતકર્મકૃત્ ॥
સર્વ પાપૈઃ પ્રમુચ્યેત તસ્ય લિંગસ્ય દર્શનાત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસ ક્ષેત્રમાહાત્મ્યે ગૌરીશ્વરમાહાત્મ્યવર્ણનંનામૈકોનસપ્તતિતમોઽધ્યાયઃ