સ્કંદ પુરાણ · અધ્યાય 7.68

॥ ઈશ્વર ઉવાચ ॥ ॥
ઇતિ પ્રોક્તાનિ તે દેવિ વક્ત્રલિંગાનિ પંચ વૈ ॥
અથ તે સંપ્રવક્ષ્યામિ યત્ર ગૌર્યાસ્તપો વનમ્॥
સ્થાનં મહાપ્રભાવં હિ સુરસિદ્ધનિષેવિતમ્

સોમેશાત્પૂર્વદિગ્ભાગે ષષ્ટિધન્વંતરે સ્થિતમ્ ॥
યત્ર દેવ્યા તપસ્તપ્તં સત્યા વૈ પૂર્વજન્મનિ ॥

કૃત્વા ચ પ્રણયાત્કોપં મયા સાર્દ્ધં વરાનને ॥
પ્રભાસક્ષેત્રમાસાદ્ય સંસ્થિતા સા તપસ્વિની

॥ દેવ્યુવાચ ॥ ॥
કિમર્થં સા પરિત્યજ્ય સતી ત્વાં તપસિ સ્થિતા ॥
કસ્મિન્સ્થાને સ્થિતા દેવી એતન્મે વિસ્તરાદ્વદ

॥ ઈચર.ઉવાચ ॥ ॥
પુરાઽઽસીસ્ત્વં મહાદેવિ શ્યામવર્ણા મનસ્વિની ॥
નામાર્થં ચ મયા પ્રોક્તા કાલીતિ રહસિ સ્થિતા

સા શ્રુત્વા વિસ્મયં વાક્યં ભૃશં રોષપરાયણા ॥
અબ્રવીત્પરુષં વાક્યં ભૃકુટી કુટિલાનના

યસ્માત્કાલીત્યહં પ્રોક્તા ત્વયા શંભોઽતિવિપ્લવાત્॥
તસ્માદ્યાસ્યામિ ગૌરીતિ ભવિષ્યામિ ચ યત્ર હિ

એવમુક્ત્વા મહાભાગા સખીગણસમાવૃતા॥
ગત્વા પ્રભાસક્ષેત્રં સા પ્રતિષ્ઠાપ્ય મહેશ્વરમ્॥
ગૌરીશ્વરેતિ વિખ્યાતં પૂજયંતી વિધાનતઃ

તતો લિંગસમીપસ્થા એકપાદે સ્થિતા સતી ॥
લિંગમારાધયંતી સા ચકાર સુમહત્તપઃ

પંચાગ્નિસાધિકા દેવી ગ્રીષ્મ જાપ્યપરાયણા ॥
વર્ષાસ્વાકાશશયના હેમંતે સલિલાશયા

યથા યથા તપો વૃદ્ધિં યાતિ તસ્યા મહાપ્રભા ॥
તથાતથા શરીરસ્ય ગૌરત્વં પ્રતિપદ્યતે

કાલેન મહતા ગૌરી સર્વાંગેણાથ સાઽભવત્ ॥
તતો વિહસ્ય ભગવાનુવાચ શશિશેખરઃ

ગૌરીતિ ચ મુહુર્વાક્યમુત્તિષ્ઠ વ્રજ મન્દિરમ્ ॥
વરં વરય કલ્યાણિ યત્તે મનસિ વર્ત્તતે

ગૌર્યુવાચ ॥ ॥
યો મામત્ર સ્થિતાં પશ્યેન્નારી વા પુરુષોઽથ વા ॥
સ ભૂયાત્સુતસૌભાગ્યૈઃ સપ્તજન્માનિ સંયુતઃ ॥

ગીતવાદ્યાદિકં નૃત્યં યઃ કુર્યાત્પુરતો મમ ॥
તસ્યાન્વયે ન દૌર્ભાગ્યં ભૂયાત્તવ પ્રસાદતઃ

મયા પ્રતિષ્ઠિતં લિંગં પૂર્વમભ્યર્ચ્ય માં તતઃ॥
પૂજયિષ્યતિ યો ભક્ત્યા સ યાસ્યતિ પરં પદમ્

ગૌરીશ્વરેતિ વિખ્યાતં નામ તસ્ય ભવેત્પ્રભો ॥
તથેત્યહં પ્રતિજ્ઞાય તત્ર સ્થાને સ્થિતો ઽભવમ્

દેવ્યા સહ મહાદેવિ પ્રહૃષ્ટેનાંતરાત્મના ॥
અદ્યાપિ અયને પ્રાપ્તે ઉત્તરે દક્ષિણેઽપિ વા

ગૌરીંસ્થાનં સમભ્યેતિ તત્ર દેવ ગુણૈર્યુતઃ॥
તસ્મિન્નહનિ યસ્તત્ર વિશિષ્ટાનિ ફલાનિ ચ ॥
સંપ્રયચ્છતિ વિપ્રેભ્યસ્તસ્ય પુત્રા ભવંતિ ચ

પુત્રહીના તુ યા નારી નાલિકેરં પ્રયચ્છતિ ॥
પુત્રં સા લભતે શીઘ્રં સબલં લક્ષણાન્વિતમ્

ઘૃતેન દીપકં તત્ર યા નારી સંપ્રયચ્છતિ ॥
રક્તવર્ત્ત્યા મહાદેવિ યાવત્તસ્યૈવ તંતવ ॥

તાવજ્જન્માંતરાણ્યેવ સા સૌભાગ્યમવાપ્નુયાત્

યા નૃત્યં કુરુતે તત્ર ભક્ત્યા પરમયા યુતા ॥
આરોગ્યસુખસૌભાગ્યૈઃ સંયુક્તા સા ભવેચ્ચિરમ્

તત્રાંતે સુમહત્કુડં તીર્થં સ્વચ્છોદપૂરિતમ્ ॥
યઃ સ્નાનમાચરેત્તત્ર મુચ્યતે સર્વપાતકૈઃ

યઃ શ્રાદ્ધં કુરુતે તત્ર પિતૄનુદ્દિશ્ય ભક્તિતઃ ॥
સ યાતિ પરમં સ્થાનં પિતૃભિઃ સહ પુણ્યભાક્

તસ્માત્સર્વપ્રયત્નેન શ્રાદ્ધં તત્ર સમાચરેત્ ॥
ગીતવાદ્યાદિભિર્નૃત્યૈ રાત્રૌ કુર્વીત જાગરમ્

દંપત્યોઃ પરિધાનં ચ તત્ર દેયં સદક્ષિણમ્ ॥
યશ્ચૈતત્પઠતે નિત્યં તૃતીયાયાં વિશેષતઃ ॥
પાર્વત્યાઃ પુરતો દેવિ સ સૌભાગ્યમવાપ્નુયાત્ ]। ૨૭ ॥
શૃણુયાદ્વાઽપિ યો ભક્ત્યા સમ્યગ્ભક્તિપરાયણઃ ॥
સોઽપિ સૌભાગ્યમાપ્નોતિ યાવજ્જીવં ન સંશયઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે ગૌરીતપોવનમાહાત્મ્યવર્ણનંનામાષ્ટષષ્ટિતમોઽધ્યાયઃ ॥