સ્કંદ પુરાણ · અધ્યાય 7.63

॥ પુલસ્ત્ય ઉવાચ ॥ ॥
એતત્તે સર્વમાખ્યાતં યન્માં ત્વં પરિપૃચ્છસિ ॥
અર્બુદસ્ય મહારાજ માહાત્મ્યં હિ સમાસતઃ

વિસ્તરેણ ચ સંખ્યા સ્યાદપિ વર્ષશતૈરપિ ॥
અસંખ્યાનીહ તીર્થાનિ પુણ્યાન્યાયતનાનિ ચ ॥
પદેપદે ગૃહાણ્યેવ નિર્મિતાનિ મહર્ષિભિઃ

ન તત્તીર્થં ન સા સિદ્ધિર્ન સ વૃક્ષો મહીપતે ॥
ન સા નદી ન દેવેશો યસ્ય તત્રાસ્તિ ન સ્થિતિઃ

યે વસંતિ મહારાજ સુરમ્યેઽર્બુદપર્વતે ॥
નૂનં તે પુણ્યકર્માણો ન વસંતિ ત્રિવિષ્ટપે

કિં તસ્ય જીવિતેનાર્થઃ કિં ધનૈઃ કિં જપૈર્નૃપ ॥
યો ન પશ્યતિ મન્દાત્મા સમન્તાદર્બુદાચલમ્

અપિ કીટપતંગા યે પશવઃ પક્ષિણો મૃગાઃ ॥
સ્વેદજાશ્ચાણ્ડજાશ્ચાપિ હ્યુદ્ભિજ્જાશ્ચ જરાયુજાઃ

તસ્મિન્મૃતા મહારાજ નિષ્કામાઃ કામતોઽપિ વા ॥
તે યાન્તિ શિવસાયુજ્યં જરા મરણવર્જિતમ્

યશ્ચૈતચ્છુણુયાન્નિત્યં પુરાણં શ્રદ્ધયાન્વિતઃ ॥
અર્બુદસ્ય મહારાજ સ યાત્રાફલમશ્નુતે

તસ્માત્સર્વપ્રયત્નેન યાત્રાં તત્ર સમાચરેત્ ॥
ય ઇચ્છેદાત્મનઃ સિદ્ધિમિહ લોકે પરત્ર ચ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખંડેઽર્બુદખણ્ડમાહાત્મ્યફલશ્રુતિવર્ણનંનામ ત્રિષષ્ટિતમોઽધ્યાયઃ

ઇતિ શ્રીસ્કાન્દે મહાપુરાણે સપ્તમે પ્રભાસખણ્ડે તૃતીયમર્બુદખણ્ડં સમ્પૂર્ણમ્ ॥ ૭ - ૩ ॥