સ્કંદ પુરાણ · શ્લોક 7.63-2

॥ ઈશ્વર ઉવાચ ॥ ॥
તતો ગચ્છેન્મહાદેવિ ભૈરવેશ્વરમુત્તમમ્ ॥
યોગેશ્વર્યા દક્ષિણતો નાતિદૂરે વ્યવસ્થિતમ્

સર્વપાપપ્રશમનં દિબ્યૈશ્વર્યપ્રદાયકમ્॥
પુરા દૈત્યવિનાશાર્થં યદા દેવી કૃતોદ્યમા ॥

તદા ભૈરવમાહૂય દૂતત્વે નિયુયોજ હ ॥
શિવદૂતી તદા ખ્યાતા પશ્ચાદ્યોગેશ્વરીતિ ચ

ભૈરવો યત્ર વૈ દેવ્યા દૂતત્વે વિનિયોજિતઃ ॥
તેન લિંગં સમાખ્યાતં ભૈરવેશ્વરનામકમ્

પૂજિતં દેવદૈત્યૈશ્ચ ભૈરવેણ પ્રતિષ્ઠિતમ્ ॥
યસ્તત્પૂજયતે ભક્ત્યા કાર્તિક્યાં વિધિના નરઃ ॥
નિરંતરં વા ષણ્માસં સોઽભીષ્ટં લભતે ફલમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ભૈરવેશ્વરમાહાત્મ્યવર્ણનંનામ ત્રિષષ્ટિતમોઽધ્યાય