સ્કંદ પુરાણ · અધ્યાય 7.62

॥ પુલસ્ત્યસ્ય ઉવાચ ॥ ॥
તતઃ કટેશ્વરં ગચ્છેલ્લિંગં ગૌરીવિનિર્મિતમ્ ॥
તથા ગંગેશ્વરં ચાન્યદ્ગઙ્ગયા નિર્મિતં સ્વયમ્

પુરા સમભવદ્યુદ્ધમુમાયાઃ સહ ગંગયા ॥
સૌભાગ્યં પ્રતિ રાજેન્દ્ર તતો ગૌરીત્યભાષત

યયા સંપૂજિતઃ શંભુઃ શીઘ્રં યાસ્યતિ દર્શનમ્ ॥
સા સૌભાગ્યવતી નૂનભાવયોઃ સંભવિષ્યતિ

એવમુક્તા તતો ગંગા સત્વરૈત્યાત્ર પર્વતે ॥
લિંગમન્વેષયામાસ ચિરકાલાદવાપ સા

દૃષ્ટ્વા ગૌર્યાથ કટકં પર્વતસ્ય મનોહરમ્ ॥
લિંગાકારં મહારાજ પૂજયામાસ સા તદા

સમ્યક્છ્રદ્ધાસમોપેતા તતસ્તુષ્ટો મહેશ્વરઃ ॥
પ્રદદૌ દર્શનં તસ્યા વરદોઽસ્મીતિ ચાબ્રવીત્

॥ ગૌર્યુવાચ ॥ ॥
સાપત્ન્યજેર્ષ્યયા દેવ મયા લિંગં પ્રકલ્પિતમ્ ॥
તસ્માત્કટેશ્વરાખ્યા ચ લોકે ચાસ્ય ભવિષ્યતિ

યા નારી પતિના મુક્તા સપત્નીદુઃખદુઃખિતા ॥
અસ્ય સંદર્શનાદેવ સા ભવિષ્યતિ વિજ્વરા ॥
સુતસૌભાગ્યસંપન્ના ભર્તૃપ્રાણસમા તથા

ગંગયારાધિતો દેવ એવમેવ વરં દદૌ ॥
તસ્માલ્લિંગદ્વયં તચ્ચ દ્રષ્ટવ્યં મનુજાધિપ

વિશેષતશ્ચ નારીભિઃ સપત્નીદોષહાનિદમ્ ॥
સુખસૌભાગ્યદં નિત્યં તથાઽભીષ્ટપ્રદં નૃણામ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખંડે કટેશ્વરગંગેશ્વરમાહાત્મ્યવર્ણનંનામ દ્વિષષ્ટિતમોઽધ્યાયઃ