સ્કંદ પુરાણ · અધ્યાય 7.57

॥ પુલસ્ત્ય ઉવાચ ॥ ॥
અવિયુક્તવનં ગચ્છેત્તતઃ પાર્થિવસત્તમ ॥
યસ્મિન્દૃષ્ટે નરોભીષ્ટૈર્ન વિયુજ્યેત કર્હિચિત્

તત્ર પૂર્વં શચી રાજન્પ્રવિષ્ટા દુઃખસંયુતા ॥
નહુષેણ હૃતે રાજ્યે દેવેન્દ્રસ્ય મહાત્મનઃ

તત્પ્રભાવાત્પુનઃ પ્રાપ્તો વિયુક્તોઽપિ શતક્રતુઃ ॥
તતસ્તસ્ય વરો દત્તો વનસ્ય હિ તયા નૃપ

નરો વા યદિ વા નારી વિયુક્તાઽત્ર વને શુભે ॥
પ્રિયૈર્નિવાસ એકસ્મિન્રાત્રિમેકાં વસિષ્યતિ

સ તેન લભતે સંગં ભૂય એવ યથા મયા ॥
પ્રિયૈઃ સ લભતે વાસમેકરાત્રં વસન્નૃપ

ફલદાનં પ્રશંસંતિ તત્ર બ્રાહ્મણસત્તમાઃ ॥
વંધ્યાનાં ચ વિશેષેણ યતઃ પુત્રફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે તૃતીયેઽર્બુદખણ્ડેઽવિયુક્તક્ષેત્રમાહાત્મ્યવર્ણનંનામ સપ્તપઞ્ચાશત્તમોઽધ્યાયઃ