સ્કંદ પુરાણ · શ્લોક 7.54-2

॥ ઈશ્વર ઉવાચ ॥ ॥
તતો ગચ્છેન્મહાદેવિ ગંધર્વેશ્વરમુત્તમમ્ ॥
દણ્ડપાણેસ્તુ ભવનાદુત્તરે નિકટે સ્થિતમ્

યત્ર ગંધર્વરાજો વૈ ઘનવાહેતિ વિશ્રુતઃ॥
તસ્ય ગંધર્વસેનેતિ ખ્યાતા પુત્રી મહાપ્રભા

શિખંડિના ગણેનૈવ સા શપ્તા રૂપગર્વિતા॥
તતો ગોશૃંગઋષિણા દત્તસ્તસ્યા અનુગ્રહઃ

સોમવારવ્રતેનૈવ સોમેશારાધનં પ્રતિ॥
તતઃ ક્ષેત્રં સમાગત્ય તપઃ કૃત્વા સુદુશ્ચરમ્

લિંગં પ્રતિષ્ઠયામાસ તત્ર ગંધર્વરાટ્ સ્વયમ્॥
તથૈવ પુત્ર્યા તસ્યૈવ તત્ર લિંગં પ્રતિષ્ઠિતમ્

અથ તત્રૈવ દેવેશિ દંડપાણેઃ સમીપતઃ ॥
ઘનવાહેશ્વરં નામ યો લિંગં યત્નતોઽર્ચયેત્

ગંધર્વલોકમાપ્નોતિ દૃષ્ટ્વા સ પ્રયતઃ શુચિઃ ॥
ઇતિ તે કથિતં દેવિ ગાંધર્વં લિંગમુત્તમમ્

તૃતીયં સર્વપાપાનાં નાશનં પુણ્યવર્દ્ધનમ્ ॥
અગ્નિતીર્થે નરઃ સ્નાત્વા પૂજ્ય ગંધર્વપૂજિતમ્

અયને ચોત્તરે પ્રાપ્તે નિર્વાણમધિગચ્છતિ ॥
શ્રુત્વા ઽભિનંદ્ય માહાત્મ્યં મુચ્યતે મહતો ભયાત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્ર માહાત્મ્યે ગન્ધર્વેશ્વરમાહાત્મ્યવર્ણનંનામ ચતુઃપંચાશોઽધ્યાયઃ