સ્કંદ પુરાણ · શ્લોક 7.52-2

॥ ઈશ્વર ઉવાચ ॥ ॥
પંચાથ સિદ્ધલિંગાનિ કથયામિ યશસ્વિનિ ॥
યેષાં દર્શનતો દેવિ સિદ્ધા યાત્રા ભવેન્નૃણામ્

સોમેશાદીશદિગ્ભાગે વરારોહેતિ યા સ્મૃતા ॥
તસ્યાશ્ચ પૂર્વદિગ્ભાગે દેવં સિદ્ધેશ્વરં પરમ્ ॥
અભિગમ્ય નરો ભક્ત્યા અણિમાદિકમાપ્નુયાત્

સિદ્ધૈઃ પ્રતિષ્ઠિતં લિંગં દૃષ્ટ્વા ભક્ત્યા તુ માનવઃ ॥
મુચ્યતે પાતકૈઃ સર્વૈઃ સિદ્ધલોકં સ ગચ્છતિ

વિઘ્નાનિ નાશમાયાંતિ તત્ર ક્ષેત્રનિવાસિનામ્ ॥
કામઃ ક્રોધો ભય લોભો રાગો મત્સર એવ ચ

ઈર્ષ્યા દંભસ્તથાઽઽલસ્યં નિદ્રા મોહસ્ત્વહંકૃતિઃ ॥
એતાનિ વિઘ્નરૂપાણિ સિદ્ધેર્વિઘ્નકરાણિ તુ

તાનિ નાશં સમાયાંતિ તત્ર સિદ્ધે શ્વરાર્ચનાત્ ॥
એવં જ્ઞાત્વા તુ યત્નેન તત્ર યાત્રાં સમાચરેત્

ઇત્યેવં કથિતં દેવિ સિદ્ધેશ્વરમહોદયમ્॥
સર્વકામપ્રદં નૃણાં શ્રુતં પાતકનાશનમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે સિદ્ધેશ્વરમાહાત્મ્યવર્ણનંનામ દ્વિપઞ્ચાશત્તમોઽધ્યાયઃ