સ્કંદ પુરાણ · અધ્યાય 7.50

॥ પુલસ્ત્ય ઉવાચ ॥ ॥
કોટિતીર્થં તતો ગચ્છેત્સર્વપાતકનાશનમ્ ॥
તીર્થાનાં યત્ર સંજાતા કોટિઃ પાર્થિવ હેલયા

યદા સ્યાત્કલિકાલસ્તુ રૌદ્રો રાજન્મહીતલે ॥
મ્લેચ્છભૂતા જનાઃ સર્વે તત્સ્પર્શાત્તીર્થવિપ્લવઃ

તિસ્રઃ કોટ્યોઽર્ધકોટિશ્ચ તીર્થાનાં ભૂમિવાસિનામ્ ॥
તેષાં કોટિસ્તતોઽવાત્સીત્પર્વતેઽર્બુદસંજ્ઞકે

પુષ્કરે ચ તથા કોટિઃ કુરુક્ષેત્રે ચ પાર્થિવ ॥
વારાણસ્યામર્ધકોટિઃ સ્તુતા દેવૈઃ સવાસવૈઃ ॥
રાજન્નેતાનિ રક્ષંતિ સર્વે દેવાઃ સવાસવાઃ

યદા યદા ભયાર્ત્તાનિ મ્લેચ્છસ્પર્શાત્સમંતતઃ ॥
સ્થાનેષ્વેતેષુ તિષ્ઠંતિ તીર્થાન્યુક્તેષુ સત્વરમ્

કોટિતીર્થાનિ ત્રીણ્યેવ તત્ર જાતાનિ ભૂતલે ॥
અર્ધ કોટિસમેતાનિ સર્વપાપહરાણિ ચ

તસ્માત્સર્વપ્રયત્નેન સ્નાનં તત્ર સમાચરેત્ ॥
કૃષ્ણપક્ષે ત્રયોદશ્યાં નભસ્યે ચ વિશેષતઃ

તત્ર સ્નાનાદિકં સર્વં જપહોમાદિકં ચ યત્ ॥
સર્વં કોટિગુણં રાજંસ્તત્પ્રસાદાદસંશયમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખણ્ડે કોટિતીર્થપ્રભાવવર્ણનંનામ પંચાશત્તમોઽધ્યાયઃ