સ્કંદ પુરાણ · શ્લોક 7.48-2

॥ ઈશ્વર ઉવાચ ॥ ॥
તતો ગચ્છેન્મહાદેવિ લિંગં શુક્રપ્રતિષ્ઠિતમ્॥
સર્વપાપહરં દેવિ વિભૂતીશ્વરપશ્ચિમે

નાતિદૂરે સ્થિતં તત્ર સ્વયં શુક્રેણ નિર્મિતમ્॥
યત્ર સંજીવનીં પ્રાપ્તો વિદ્યાં રુદ્રપ્રભાવતઃ

સંતપ્ય તુ મહાઘોરં તપોવર્ષસહસ્રકમ્ ॥
સંપ્રસાદ્ય વિરૂપાક્ષં યોઽવાપ ગ્રહતાં સુધીઃ

ગ્રસ્તેન શંભુના યેન દેવકાર્યાર્થસિદ્ધયે ॥
તત્રોદરગતેનૈવ તપસ્તપ્તં સુદુષ્કરમ્

વર્ષાણામયુતં સાગ્રં તુષ્ટિં નીતો મહેશ્વરઃ ॥
નિષ્કાસિતસ્તતઃ શીઘ્રં શુક્ર માર્ગેણ શંભુના

તતઃ શુક્રેતિ નામાભૂદ્ભાર્ગવસ્ય મહાત્મનઃ ॥
તદારાધયતે લિંગં યઃ કૃત્વા નિશ્ચલં મનઃ

મૃત્યુંજયં જપેલ્લક્ષં સ સમીહિતમાપ્નુયાત્

તં દૃષ્ટ્વા ત્વથવા સ્પૃષ્ટ્વા જન્માદિમરણાન્તકાત્॥
મુચ્યતે પાતકાન્મૃત્યોઃ પ્રસાદાત્તસ્ય ભામિનિ

મૃતસંજીવનાર્થં યદૈશ્વર્યમણિમાદિકમ્॥
પ્રાપ્નુયાન્નાત્ર સંદેહો યસ્ય ભક્તિઃ સુનિશ્ચલા

પંચામૃતેન સંસ્નાપ્ય દેવં શુકપ્રતિષ્ઠિતમ્॥
સુગન્ધપુષ્પૈઃ સંપૂજ્ય શૌક્રીં પીડાં સ નાપ્નુયાત્

ઇતિ સર્વં સમાસેન માહાત્મ્યં શુક્રદૈવતમ્ ॥
કથિતં તવ સુશ્રોણિ શ્રુતં પાપભયાપહમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે શુક્રેશ્વરમાહાત્મ્યવર્ણનંનામાષ્ટચત્વારિંશોધ્યાયઃ