સ્કંદ પુરાણ · અધ્યાય 7.4

સૂત ઉવાચ ॥ ॥
સ કૃત્વા સ્વાશ્રમં તત્ર વસિષ્ઠો ભગવાન્મુનિઃ ॥
તત્ર શંભોર્નિવાસાય તપસ્તેપે સુદારુણમ્

સ બભૂવ મુનિઃ સમ્યક્ફલાહારસમન્વિતઃ ॥
શીર્ણ પર્ણાશનઃ પશ્ચાદ્દ્વે શતે સમપદ્યત

જલાહારઃ પઞ્ચશતવર્ષાણિ સંબભૂવ હ ॥
વર્ષાણાં વાયુભક્ષોઽભૂત્તતો દશશતાનિ ચ

પઞ્ચાગ્નિસાધકો ગ્રીષ્મે હેમન્તે સલિલાશયઃ ॥
વર્ષાસ્વાકાશવાસી ચ સહસ્રં ચ તતોઽભવત્

તતસ્તુષ્ટો મહાદેવસ્તસ્યર્ષેઃ સુમહાત્મનઃ ॥
ભિત્ત્વા તં પર્વતં સદ્યસ્તત્પુરો લિંગમુત્થિતમ્ ॥
તં દૃષ્ટ્વા વિસ્મયાવિષ્ટો મુનિઃ સ્તોત્રમુદૈરયત્

નમઃ શિવાય શુદ્ધાય સર્વગાયાઽમૃતાય ચ ॥
કપર્દ્દિને નમસ્તુભ્યં નમસ્તસ્મૈ ત્રિમૂર્ત્તયે

નમઃ સ્થૂલાય સૂક્ષ્માય વ્યાપકાય મહાત્મને ॥
નિષંગિણે નમસ્તુભ્યં ત્રિનેત્રાય નમોનમઃ

નમશ્ચન્દ્રકલાધાર નમો દિગ્વસનાય ચ ॥
પિનાકપાણયે તુભ્યમષ્ટમૂર્તે નમોનમઃ

નમસ્તે જ્ઞાનરૂપાય જ્ઞાનગમ્યાય તે નમઃ ॥
નમસ્તે જ્ઞાનદેહાય સર્વજ્ઞાનમયાય ચ

કાશીપતે નમસ્તુભ્યં ગિરિશાય નમોનમઃ ॥
જગત્કારણરૂપાય મહાદેવાય તે નમઃ

ગૌરીકાન્ત નમ સ્તુભ્યં નમસ્તુભ્યં શિવાત્મને ॥
બ્રહ્મવિષ્ણુસ્વરૂપાય ત્રિનેત્રાય નમોનમઃ

વિશ્વરૂપાય શુદ્ધાય નમસ્તુભ્યં મહાત્મને ॥
નમો વિશ્વસ્વરૂપાય સર્વદેવમયાય ચ

॥ સૂત ઉવાચ ॥ ॥
એતસ્મિન્નેવ કાલે તુ વાગુવાચાશરીરિણી ॥
પરિતુષ્ટોઽસ્મિ તે ભદ્રં વરં વરય સુવ્રત

ઇત્યુક્ત્વા પર્વતં ભિત્ત્વા તત્પુરો લિંગમુત્થિતમ્

॥ વસિષ્ઠ ઉવાચ ॥ ॥
લિંગેઽસ્મિંસ્તવ સાંનિધ્યં સદા ભવતુ શંકર ॥
મયા પૂર્વં પ્રતિજ્ઞાતં નગસ્યેહ મહાત્મને ॥
સત્યં કુરુ વચો મે ત્વં યદિ તુષ્ટોઽસિ શંકર

॥ શ્રીભગવાનુવાચ ॥ ॥
અદ્યપ્રભૃતિ લિંગેઽસ્મિન્સાંનિધ્યં મે ભવિષ્યતિ ॥
ત્વદ્વાક્યાદ્બ્રાહ્મણશ્રેષ્ઠ સર્વં સત્યં ભવિષ્યતિ

સ્તોત્રેણાનેન યો મર્ત્યો માં સ્તવિષ્યતિ ભક્તિતઃ ॥
કૃષ્ણપક્ષે ચતુર્દશ્યામાશ્વિને મુનિસત્તમ

મત્પ્રિયાર્થં તુ શક્રેણ પ્રેષિતા મુનિસત્તમ ॥
મન્દાકિનીતિ વિખ્યાતા નદી ત્રૈલોક્યપાવિની

દેવસ્યોત્તરદિગ્ભાગે કુંડં તિષ્ઠતિ નિત્યશઃ ॥
તસ્યાં સ્નાત્વા મુનિશ્રેષ્ઠ લિંગં મે પશ્યતે તુ યઃ ॥
સ યાતિ પરમં સ્થાનં જરામરણવર્જિતમ્

અચલં ભેદયિત્વા તુ યસ્માન્મે લિંગમુદ્ગતમ્॥
અચલેશ્વરનામ્નૈવ લોકે ખ્યાતિં ગમિષ્યતિ

અસ્ય લિંગસ્ય માહાત્મ્યાન્ન કદાચિચ્ચલિષ્યતિ ॥
સર્વથા મ ઇદં લિંગં પ્રલયાન્તે ન ચાલ્યતે

॥ સૂત ઉવાચ ॥
એતાવદુક્ત્વા વચનં વિરરામ મહેશ્વરઃ ॥
વસિષ્ઠોઽપિ સુહૃષ્ટાત્મા ગૌતમાદ્યા મુનીશ્વરાઃ

શક્રાદયસ્તતો દેવાસ્તીર્થાન્યાયતનાનિ ચ ॥
આનયામાસ બ્રહ્મર્ષિસ્તપસા પર્વતોત્તમે

તતસ્તુષ્ટઃ સુરશ્રેષ્ઠસ્તત્ર વાસમથાકરોત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખંડેઽચલેશ્વરોત્પત્તિ વર્ણનંનામ ચતુર્થોઽધ્યાયઃ